Aizaya 25:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Kidie wẹ re ghwẹ orere koko, orere ra gba ogba riariẹ na kẹ erhurhu rode, ighẹn rẹ ovie rẹ erhorha na gbe dia orere ọfa-a, a gbe rhoma bọn bẹdẹ-ẹ.

Aizaya 25:2 ပူးပေါင်းရင်းမြစ်များ

ỌBE RẸ JOB 12:14

O de kporo te otọ nu, ohwo ọvuọvo sa bọ-ọn, ọ de huhu eche gbe ohwo nu, ohwo ọvuọvo se rhie-e.

Aizaya 13:20

A gbe sa vwọ reuku bẹdẹ-ẹ eyẹ e gbi yere vwẹ uvwiẹ na bẹdẹ-ẹ, ohwo rẹ Arebia ọvuọvo gbe sa bọn utughẹ phihọ-ọ ọsuigodẹ ọvuọvo sa vwẹ igodẹ rọye sherhe otọ vwẹ ẹtiyi-i.

Aizaya 13:21

Ẹkẹvuọvo eranvwe re djoma ke cha etiyin, iwevwi rayen ejobi ke vọn vẹ eranvwe re guan; etiyin kọye igomugoro cha dia, etiyin ekanamudo de che gbe cha.

Aizaya 13:22

Ẹrha ki che kperi vwẹ uwevwi rẹ ẹhẹrhẹ rọye ehwa ke cha gọnọ vwẹ ighe esiri rayen; ọke rọye si kerire edẹ rọye gbi che kri-i.

Aizaya 14:23

Ki mi che vwo ru asan re isorhuẹn dia, kugbe ẹtẹrhe rẹ ame, ke me vwẹ uhwerhe rẹ ughwu vwo hwerhe, eriyin Ọrovwohwo re otuofovwi tare.

Aizaya 17:1

Aruẹmrẹ ra mrẹ kpahe Damaskọs. Nighere, Damaskọs gbe cha dia orere-e, ko che hirhe vwọ ẹko rẹ erhurhu.

Aizaya 17:3

Asan odjahọ ko nẹ Ifrem, uvie na ko nẹ Damaskọs; umuku ri Syria kọ cha dia kerẹ urinrin rẹ emọ rẹ Izrẹl, eriyin Ọrovwohwo rẹ otuofovwi na tarẹ.

Aizaya 21:9

Nighere, ihwo re gua na yan cha, ihwo re gua iyesi urhiẹ ivivẹ! Ọ da kpahe, Osheri, Babilọn sheri ọ vẹ uhoho rẹ ẹdjọ rọye ejobi a guọghọ ayen ejobi te otọ.

Aizaya 23:11

Ọ riẹn obọ rọye kpahe abadi na, o kpogho uvie na ejobi; Ọrovwohwo ji urhi kpahe Kenan nure rọ cha vwọ guọghọ ogba egangan rọye.

Aizaya 23:13

Nighere otọ rẹ ihwo ri Kaldia. Ọna hẹ ihwo na; o dia Asiria-a Akpọ-eyere ri Taya da họhọ akpọ-eyere rẹ eranvwe re djoma. Ayen bọn ẹgedẹge rẹ imu rayen nure, ayen kprọ ighẹn rayen ejobi te otọ, ayen ruru phihọ erhurhu.

Aizaya 24:10

Orere rẹ ozighi na a guọgherọ tẹ otọ, uwevwi kuwevwi a kaerọ ohwo ọvuọvo gbe sa ruọ-ọ

Aizaya 25:12

Ogba rọ gba kpenu kokoroko na ejobi ka guọghọ igbẹhẹn rọye te otọ riẹriẹriẹ, guọghọ kporo phihọ otọ, ro hirhe phihọ iwurhie.

Aizaya 26:5

Ihwo re rhoro vẹ orere rode ọ vwẹ ayen kpo otọ, O da ghwọrọ te otọ, ọ ghwọerọ te otọ riẹriẹriẹ, o de muo teye iwurhie.

Aizaya 27:10

Kidie orere ra gba ogba phihọ ro hirhe phihọ ofefe, orere ra kuanu ra senre, kerẹ aghwa; etiyin upene rẹ erhuẹn da ria odi, etiyin o sherhẹ phihọ rọ da savwan abọ rọye ria.

Aizaya 32:14

Kidie ighen na a cha mrẹ ayen dje, orere rọ do ve ihwo na kua fiotọ, te igbenu re itete kugbe uwevwi re ohẹrhẹ ki hirhe phihọ emwa bẹdẹ asan re eketekẹtẹ da ghọghọ, odi phiephiephie kẹ uchuru;

Aizaya 32:19

Egbo na ejobi ko che kpotọ re kpae, ka cha vwẹ orere na hwa otọ riẹriẹriẹ.

Aizaya 34:13

Inwe ke tanrhe vwe ogba ọgangan rọye, ekpia ve idjighe vwe asan odjahọ rọye. Erha ke cha kọghọ Etiyin, edia vwọ ke ogomugọ

Aizaya 37:26

Wo ji nyo-o, obo ri mi rori rhabae rhe? Nẹ ọke rẹ awanre rhe me vwọ vwanvwọn phihọ otọ obo re cha phia vwẹ ọke nana, nẹ wa gba ogba riariẹ irere rẹ ovwan ri che kporo hirhe phihọ erhurhu,

Jerimaya 51:26

E rhe mie we olalọ ọvuọvo vwọ bọn ubienyẹ-ẹ kugbe olalọ ọvuọvo re vwo ru uchivwo-o, ẹkẹvuọvo ẹghwọrọ kufia ri bẹdẹ wọ cha dia, eriyin Ọrovwohwo tare.

Jerimaya 9:11

Mi che ru Jerusalẹm phihọ erhurhu, mi che ruo phihọ unu rẹ erha mi che ru irere ri Juda phihọ ofefe, ihwo gbe dia-a.

Urhi Rivẹ 13:16

Ghwẹ emu rọye koko uherevie wọ torhẹ ayen vẹ orere na, je torhẹ emu rọ herọ ejobi kẹ Ọrovwohwo Ọghẹnẹ wẹn na; ko dia erhurhu bẹdẹ; a gbe bọn ọfa-a.

Ẹvwọphia 18:19

Ayen da ghwẹ ekpẹn ku iyovwi rayen, rẹ ayen vwọ viẹ muomahọ, kperẹ nẹ Eghwo, eghwo, wẹ orere rode na asan rẹ ihwo ri vwo ekọ vwẹ abadi da wan oma rọye fe! Vwẹ unọke ọvuọvo na a ghwọerọ kufia.