Aizaya 25:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ E Ọrovwohwo, wẹ ọye Ọghẹnẹ mẹ, Me kpare owẹ kpenu, mi Jiri ode wẹn; kidie wo ru emu rẹ igbunu, iroro wọ jẹre awanre rhe, uyota gbagba.

Aizaya 25:1 ပူးပေါင်းရင်းမြစ်များ

Une rẹ Ejiro 111:4

O da nẹrhẹ a karohọ iruo rẹ igbunu rọye; Ọrovwohwo ọ vọnre vẹ ehrọre vẹ arodọvwẹ.

Une rẹ Ejiro 118:28

Wọwẹ Ọghẹnẹ mẹ, ke me vwẹ ẹkpẹvwẹ kẹ wẹ wọwẹ Ọghẹnẹ mẹ, me kpare owẹ kpenu.

Une rẹ Ejiro 145:1

Mi mu we kpenu, Ọghẹnẹ mẹ Ovie mẹ, mi bruba kẹ odẹ wẹn rhiri bẹdẹ bẹdẹ.

Une rẹ Ejiro 146:2

Mi jiri Ọrovwohwo na vwẹ ọke me dia akpọ na te; Me so ejiro kẹ Ọghẹnẹ mẹ vwẹ ọke nana me vwọ hẹ ọkpokpọ na.

Une rẹ Ejiro 31:15

Ọke mẹ ọ hẹ obọ wẹn; sivwi uvwe nẹ obọ rẹ ivwighrẹ mẹ kugbe otu ri mu vwe!

Une rẹ Ejiro 40:5

E Ọrovwohwo Ọghẹnẹ mẹ, wo rhoma rhi ru bu phihọ, iruo rẹ igbunu wẹn kugbe iroro wẹn ke avwanre; a sa mrẹ ohwo re vwo dje we-e. a da tanẹ e gbe ikun re ayen, i bunọ obo re se keri.

Une rẹ Ejiro 40:6

Izobo re zeri vẹ ẹkpẹvwẹ wọ guọnọre-e, ẹkẹvuọvo wọ kẹ vwẹ erhọn rọ rhie phihọ. Izobo rẹ ẹtorhẹ kugbe Izobo rẹ umwemwu wọ guọnọre-e.

Une rẹ Ejiro 46:10

Fọ gbiẹi, wọ riẹn nẹ Mẹvwẹ Ọghẹnẹ. Mẹvwẹ a kpare kpenu vwẹ ohri rẹ ẹgborho na, Mẹvwẹ a kparẹ kpenu vwẹ akpọ na!

Une rẹ Ejiro 75:2

Vwẹ oghẹre rẹ ọke ri mi bruru ki mi che brorhiẹ abavo.

Une rẹ Ejiro 78:4

Avwanre se si ayen nu kẹ emọ raye-en, ẹkẹvuọvo ke gbe ayen kẹ uvwiẹ rọ cha iruo rẹ urinrin rẹ Ọrovwohwo, kugbe ẹgba rọye, kugbe igbunu ro ruru.

Une rẹ Ejiro 89:1

Me sa so ine rẹ ẹguọnọ wẹn ro jẹ rhẹriẹ na, E Ọrovwohwo, bẹvwẹdẹ; unu mẹ mi vwo ghwoghwo esegbuyota wẹn ke uvwiẹ na ejobi

Une rẹ Ejiro 98:1

E so une kẹ Ọrovwohwo une ọkpokpọ, kidie o ru imu re igbunu! Obọrhe rọye vẹ ugbobọ ọfuanfon rọye eye o vwo phi kparobọ.

Une rẹ Ejiro 99:5

Jiri Ọrovwohwo na Ọghẹnẹ rẹ avwanre, ga vwẹ asan rọ ghwẹ awọ phihọ! Ọfuanfon ọye ọ epha!

Ẹyano 15:2

Ọrovwohwo ọye ogangan mẹ kugbe une mẹ, o ji rhi hirhe phihọ esivwo mẹ; ọnana Ọghẹnẹ mẹ, ki mi jiro, Ọghẹnẹ rẹ ọsẹ mẹ, ke me kparọ kpenu.

Aizaya 11:5

Ọvwata kọye cha dia umuamwa ro vwo mu ehun, esegbuyota kọye dia umuamwa ro vwo fiẹbe,

Aizaya 12:1

Wọ cha ta vwẹ ẹdẹ yena. Me sa kpẹvwẹ owẹ, E Ọrovwohwo, owenẹ ivun mẹ miovwo uwe dede, ophu wẹn na bi wan re, we ọvo na rhoma bru vwe uche.

Aizaya 26:13

E Ọrovwohwo Ọghẹnẹ rẹ avwanre, eghẹnẹ efa re dia owẹ-ẹ sun avwanre jovwo re, ẹkẹvuọvo odẹ wẹn ọvo avwanre rhọvwe phihọ.

Aizaya 26:8

Vwẹ obẹnẹ rọ orhiebro wẹ E Ọrovwohwo, avwanre da hẹrhẹ owẹ; ekarọphihọ rẹ odẹ wẹn ọye ẹguọnọ rẹ erhi rẹ avwanre.

Aizaya 28:29

Ọnana obọ rẹ Ọrovwohwo rẹ otuofovwi na o nurhe, uchebro rọye gbunu aghwanre rọye kparobọ.

Aizaya 40:27

Die wọ vwọ ta, E Jakọp, re wọ vwọ ta, E Izrẹl, Idjerhe mẹ djahere kẹ Ọrovwohwo na Ọghẹnẹ mẹ se ute mẹ gbe emu-u?

Aizaya 46:10

rọ dje oba na nẹ etuọhọ rọye rhe nẹ awanre rhe imu ri ji ru-u tanẹ, Iroro Mẹ ri che mudia, Mi che ru iroro Mẹ ejobi gba,

Aizaya 46:11

se ọmọphran rọ djoma nẹ obaro ọnre rhe, ọvwiroro mẹ nẹ orere rọ he ogboko rhe. Me ta nure, Mi ji se ruo gba, Me je iroro nure, ki Mi ruo.

Aizaya 49:4

Ẹkẹvuọvo Me da ta, Me wian kufia, Me ghwọrọ ogangan mẹ kufia ghevweghe, dede na uyota uyoyovwi mẹ rhe Ọrovwohwo, osa ẹhwa mẹ rhe Ọghẹnẹ mẹ.

Aizaya 49:5

Asakiephana Ọrovwohwo tare, rọ ma vwẹ nẹ evun rhe nẹ Me dia odibo rọye, vwọ reyọ Jekọp vwo rhivwi rhe, ra vwọ ghwẹ Izrẹl kokọ bro ra, kidie Mi vwo ọghọ vwe obaro rẹ Ọrovwohwo, Ọghẹnẹ Me rhi hirhe phihọ ogangan mẹ re–

Aizaya 61:10

Ke Me ghọghọ gangan vwẹ evun rẹ Ọrovwohwo, ẹnwẹn Mẹ kọ ghọghọ vwe evun rẹ Ọghẹnẹ Mẹ, kidie ọ reyọ iwun rẹ esivwo vwo rhuo vwe, o ku adagba re ọvwata rhurhu uvwe, kirobo re ọpha ghwẹ emwu gide oma rọye, kirobo rẹ ọpha ghwẹ evwarha eghaghare phihọ oma,

Aizaya 7:13

O da ta, Gbe nyo E uwevwi ri Devid! Emu otete re wọ vwọ lagha ihwo, rere wọ je lagha Ọghẹnẹ me rhe?

Joẹl 2:26

Ku wọ cha mrẹ emu re buebu evun kọ vọn wẹ, ku wo jiri odẹ rẹ Ọrovwohwo Ọghẹnẹ wẹn, ro nene uwe yeri vwẹ idjerhe rẹ igbunu. Ihwo mẹ oma gbe cha vo ayen bẹdẹ-ẹ.

Ukeri 23:19

Ọghẹnẹ dia ohwo, rọ vwọrọ ofia-an, eyẹ ọmọ rẹ ohwo, ro se kuẹrhẹriẹ-ẹ ọ ta nure, o gbi rhe ruo? Eyẹ rọ vwọ ta nu na, o gbi rhe se ruo gba?

Ẹfesọs 1:11

Vwẹ evun rọye, kirobo rẹ iroro rẹ ohwo ro ru emu na ejobi gba epha kirobo rẹ iroro rẹ ọhọre rọye epha.

Ẹvwọphia 15:3

Ayen da so une ri Mosis, Odibo rẹ Ọghẹnẹ na, kugbe une rẹ Omogodẹ na, tanẹ, Iruo wẹn pha rhuarho igbunu, E Ọrovwohwo Ọghẹnẹ Ọrovwoẹgba! Ọsoso kugbe uyota hẹ idjerhe wẹn, E Ovie rẹ oge ejobi.

Ẹvwọphia 19:11

Etiyin me da mrẹ odjuvwu ro rhie phihọ, mi vwo ni, me da mrẹ esi ọfuanfon! E de se ọ ro tidia vwẹ enu rọye na Ọresiri kugbe Uyota, vwẹ evun rẹ ọvwata ọye o de guẹdjọ ọye o de ji phiẹ ofovwi.

Ẹvwọphia 7:12

tanẹ, Isẹ, Ebruba kugbe urinrin kugbe aghwanre kugbe ẹkpẹvwẹ kugbe ọghọ kugbe ogangan kugbe ọrho dia kẹ Ọghẹnẹ rẹ avwanre bẹdẹ bẹdẹ! Isẹ.