Aizaya 24:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Aghọghọ vẹ edo rẹ igogo efọre, edo rẹ ihwo re ghọghọ fueri, aghọghọ rẹ ekpata ejobi fọre riẹi.

Aizaya 24:8 ပူးပေါင်းရင်းမြစ်များ

ỌBE RẸ JOB 3:7

E, jẹn ason yena dia ofefe; e je nyo edo rẹ aghọghọ vwẹ ẹdẹ na-a.

ỌBE RẸ JOB 30:31

Isorogun mẹ hirhe phihọ omemuohọ, urephe mẹ de hirhe phihọ urhuru rẹ otu re viẹ.

Une rẹ Ejiro 137:2

Vwẹ enu rẹ irihi etiyin ma vwẹ isorogun rẹ avwanre ya.

Aizaya 16:10

Ye aghọghọ te omavwerhe a reyọ ayen yanran vwo nẹ udju esiri na; vwẹ evun rẹ ogba ri vain na o rhe vwo une ra so-o, o vwo ohwo ro kuvwieri-i; o vwo ohwo ro chiyi vain vwẹ asan umi na-a; edo ra vwọ kọrọ vain fueri.

Aizaya 5:12

Ayen vwo ine vẹ isorogun, urephe vẹ owanre kugbe udi vọn asan orẹ rayen; ẹkẹvuọvo ayen se uruemu rẹ Ọrovwohwo gbe emu-u, eyẹ kẹ iruo rẹ obọ rọye-e.

Aizaya 5:14

Fiki rẹ ọtiọye na ushi rhie unu rọye phihọ ọ nabọ rhie phihọ ghworo ikpihwo ri Jerusalẹm kugbe otu rayen ejobi ke ghwọrọ ruọ, ọbibinagba na ejobi kugbe ohwo rẹ oma muẹ.

Jerimaya 16:9

Kidie enẹ Ọrovwohwo rẹ otuofovwi na tare, Ọghẹnẹ rẹ Izrẹl na, Nighe, mi che ru rere urhuru rẹ omavwerhovwẹ vẹ urhuru rẹ aghọghọ, urhuru rẹ ọshare rẹ ọpha kugbe urhuru rẹ ọpha de ghwru nẹ etine na, vwẹ aro rẹ ovwan na ejobi.

Jerimaya 25:10

Ọ rọ ma rho, mi che si urhuru rẹ omavwerhovwẹ vẹ urhuru rẹ aghọghọ, urhuru rẹ oshare rẹ ọpha vẹ urhuru rẹ ọpha nẹ ayen obọ, ẹnọ rẹ elanọ vẹ elo rẹ urhukpẹ.

Jerimaya 7:34

Ki mi fue urhuru rẹ aghọghọ vẹ omavwerhovwẹ nẹ irere ri Juda kugbe Jerusalẹm ejobi, urhuru rẹ opha vẹ ọshare rọye, kidie otọ na cha dia ofefe.

Uvwerhe 5:14

Ekpako na yan jẹ unu ra wa rua orere vwo; imighene je yan jẹ ihwehworo vwo.

Izikiẹl 26:13

Ihwehworo vẹ ine wẹn ke me da ayen ji, edo rẹ isorogun wẹn e gbi nyo ọfa-a.

Izikiẹl 28:13

Obo Idẹn wọ epha, udju rẹ Ọghẹnẹ na; oragha koragha ro yovwiri ejobi e vwo rhurhu we, kanelia, topaz, kugbe jasper, krisol, beril, kugbe onix, safaya, carbuncle, emerald; ra vwẹ oro ru ọye ẹghwẹphihọ o wẹn vẹ ona re bru phihọ owẹ. Vwẹ ẹdẹ ra ma wẹ na ọye a rhuẹrẹ ayen phihọ.

Hosia 2:11

Ki mi phi oba phihọ omavwerhovwẹ rọye, te erẹ rọye, tẹ ọtuphro rẹ emeranvwe rọye, ẹdidjala rọye, kugbe ẹdẹ rẹ orẹ re bruru.

Emọs 6:7

Fikire ọtiọye ayen ke cha dia ihwo rẹ ẹsosuọ re mu kpo imu, omavwerhc rẹ ihwo re riẹn oma rayen ke cha wanvrẹn

Ẹvwọphia 18:22

e gbi nyo edo rẹ isorogun kugbe eboine, e rẹ otu ri hworo urephe kugbe owanre, ọfa vwẹ evun wẹ-ẹ; kugbe ọwena rẹ ona kona a gbe mrẹ vwẹ evun wẹn ọfa-a; kugbe edo rẹ uwuye e gbi nyo vwẹ evun wẹ ọfa-a;