Aizaya 24:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Ihwo rẹ akpọ na gbe akpọ na ku tughu tughu kidie ayen gbe irhi rọye ku, ayen de miovwo irhi na, ayen da ghwọrọ ọphọ ri bẹdẹ na.

Aizaya 24:5 ပူးပေါင်းရင်းမြစ်များ

2 Samuẹl 23:5

E ọ dia ọtiọye uwevwi mẹ vẹ Ọghẹnẹ gbe mudia? Kidie ọ vẹ ovwẹ re ọphọ ri bẹdẹ, ra nabọ ru ro rhuẹrẹ mu kokoroko. Fikiridie o se ru idjerhe mẹ yovwi-i Ọchuko mẹ ejobi kugbe ẹguọnọ mẹ.

Ivie rẹ Ivẹ 21:12

Fiki rẹ ọtiọye na enẹ Ọrovwohwo Ọghẹnẹ rẹ Izrẹl na tare, Nighe, Me vwẹ umiovwo rode cha Jerusalẹm vi Juda, erhọ rẹ ohwo kohwo ro nyoro ko che shegbe.

Ivie rẹ Ivẹ 21:15

fikiridie ayen ru obo re chọre vwẹ obaro mẹ, ayen ru vwe te ophu, nẹ ọke rẹ esẹ rayen vwo nẹ Ijipt rhe ri te ẹdẹ ri nonẹ na.

2 Ikun rẹ Ivie 33:9

Manasse da riẹriẹ Juda vẹ ihwo re dia Jerusalẹm, ọ da nẹrhẹ ayen ru umwemwu nọ ẹgborho rẹ Ọrovwohwo guọghọ nu kẹ ihwo rẹ Izrẹl dia.

Une rẹ Ejiro 105:10

rọ ru gan ki Jekọp kerẹ iji, kẹ Izrẹl kerẹ ọphọ ri rhiri bẹdẹ,

Une rẹ Ejiro 55:5

Oshọ vẹ ophariẹ ro vwẹ oma, ọfianvwe fianvwe ovwẹ.

Aizaya 10:6

Orere ro jẹ Ọghẹnẹ ẹriẹn mi ji ro ra ihwo rẹ ophu rẹ ayen mu vwe me vuẹ rẹ na rọ reyọ emuọre re gborho ekuakua, re chiyi ayen pẹtẹ pẹtẹ kerẹ ibehre rẹ irhuvwu.

Aizaya 30:9

Kidie ena ihwo ri gbe ozighi, emọ re vwọrọn efian, emọ ri jẹ eme enyo ri nyo uyono rẹ Ọrovwohwo na-a,

Aizaya 33:8

Idjerhe ride na ejobi gberi, eyoyan na ejobi e daji, Ephọ na emiọvwọ ayen, iseri na a jẹn ayen fia, ọ gbi vwo ọ ro se ohwo gbe ohwo-o.

Aizaya 50:1

Enẹ Ọrovwohwo tare Tivọ ọbe rẹ obo esiono re oni wẹn epha, ri mi vwo siobọ no? Eyẹ ọriesa na rhọ ọ ra she ẹẹ ke na? Nighere, fiki rẹ orukuruku wẹn a vwọ shẹ wẹ, ji vwi fiki rẹ ogbeku na e vwo siobọ nẹ oni wẹn.

Aizaya 9:17

Fiki rẹ ọtiọye na oma gbe vwerhe Ọrovwohwo kpahe imighene raye-en, o gbe re ehrọre rẹ ọmọphrorivwi vẹ eyauku raye-en, kidie ayen ohwo ọvuọvo vwo Ọghẹnẹ-e, ayen iruimwemwu rẹ unu rayen ọvuọvo ta ota rẹ ẹkpa. Kidie vwẹ enana ejobi na ophu rọye ji fue-e, yẹn obọ rọye je riẹn phia.

Jerimaya 11:10

Ayen rhivwi kpo umiovwo rẹ esẹ rayen ride, ihwo re rhọvwe nyo eta mẹ-ẹ ayen yan nene edjọ efa vwo ga ayen, uwevwi rẹ Izrẹl vẹ uwevwi ri Juda miovwo ọphọ ri mi nene esẹ rayen re na.

Jerimaya 50:5

Ayen cha nọ ekpẹn rẹ idjerhe ra wan kpo Zayọn, vẹ opharo re hirhe kuo tanẹ, Wa mọ re kuoma gbe Ọrovwohwo vwẹ ọphọ ẹriọ ri bẹdẹ ro je ẹro ẹchọrọ bẹdẹ.

Izikiẹl 16:59

Uyota, enẹ Ọrovwohwo Ọghẹnẹ tare: mi nene uwe ru kirobo wo ruru na, wẹ rọ jẹ ivẹ na kufia wo de miovwi ọphọ na,

Izikiẹl 20:13

Ẹkẹvuọvo uwevwi rẹ Izrẹl de mu kpahe ovwẹ vwẹ evun rẹ aghwa, ayen gbe yan phihọ evun rẹ iji mẹ-ẹ ẹkẹvuọvo ayen da sen irhi mẹ, rẹ ohwo rọ sẹro rayen ko rhọ, ẹdidjala mẹ ayen de gbe ẹgua tughu tughu. Etiyin mi de roro nẹ mi ku ophu mẹ ku ayen vwẹ evun rẹ aghwa na, rere mi ghwe furhie ayen re kakare.

Izikiẹl 20:24

Fikiridie ayen vwẹ irhi mẹ ru iruo-o ẹkẹvuọvo ayen da siẹn iji mẹ ayen de gbe ẹdidjala mẹ ẹgua, ayen da tọn ẹru vi edjọ rẹ esẹ rayen.

Izikiẹl 37:26

Me vẹ ayen ke re ọphọ rẹ ufuoma; kọ dia ọphọ re rara me vẹ ayen cha re; ki mi bruphihọ kẹ ayen ki bun phihọ, ke me vwẹ ẹshẹ mẹ vwo vi vwẹ uherevie rẹ ayen rhiri bẹdẹ.

Daniẹl 7:25

Ọ cha ta ota rẹ ẹgua kpahe Ọ ro Me Kpenu na, ko che shenyẹ ihwo efuanfon rẹ Ọ ro Me Kpenu na, kọ cha jẹ iroro kpahẹ ewene rẹ ọke orẹ vẹ irhi na; ke che siobọ nẹ ayen vwọ kẹ usuo rọye vwẹ ẹgbukpe erha gbẹ ubro.

Daniẹl 9:10

avwanre mu ọghọ kẹ urhuru rẹ Orovwohwo Ọghẹnẹ rẹ avwanre-e, avwanre yan nene irhi rọye-e, rọ wan oma rẹ idibo rọye, emraro na ji kẹ avwanre.

Daniẹl 9:5

avwanre ru umwemwu kugbe obo re chọre, me ru obo re brare me ji mukpahe owẹ, avwanre yan jẹ irhi wẹn vwo vẹ obo ru wọ tanẹ avwanre ru.

Hosia 6:7

Ẹkẹvuọvo ayen de miovwi ophọ mẹ kerẹ Adam etiyin ayen de ru vwe chọ.

Livitikọs 20:22

Fiki rẹ Ọnana ovwan gba yọnre irhi mẹ ejobi vẹ iji mẹ ejobi, re we ru ayen; rere otọ re Me vwẹ ovwan ra na vwo jẹn ovwan ẹkpa kufia.

Livitikọs 26:35

Uche ọke re ovwan kua je otọ na vwo kri te ejobi ọye o vwo rovwo oma, omaerovwo re ẹdidjala ro se vwo-o vwe ọke rẹ ovwan vwọ dia otọ na jovwo.

Maika 2:10

Vrẹn wọ yanran, kidie ọna dia asan re de rovwoma-a; fiki rẹ emu ogbeghbe rọ guọghọ rọ guọghọ vẹ ivuemiovwo rode.

Iyẹnrẹ Esiri ri Luk 1:6

Ayen ivẹ na da dia evwata vwẹ obaro rẹ Ọghẹnẹ, ayen yọnrọn irhi na gangan.

Urhi Rivẹ 32:15

Ẹkẹvuọvo oma ro Jeshurun, ọ da sare; oma rẹ ovwan da rho phihọ, oma da ghwọrọ ovwan; ọ da sen Ọghẹnẹ rọ maro, ọ da vwẹ Oragha rẹ esivwo rọye jehwẹ

Urhi Rivẹ 32:20

Ọ da tanẹ, Mi si opharo mẹ nu kẹ ayen, Me cha mrẹ obo rẹ oba rayen cha dia, kidie edje ogugunu ayen ruẹ, emọ rẹ uyota hẹ evun raye-en.

Hibru 13:20

Asakiephana e gbe jẹ Ọghẹnẹ rẹ ufuoma rọ kpare Ọrovwavwanre Jesu nẹ ughwu rhe, osuigegede rode na, vwẹ ọbara rẹ ọphọ re rara na,

Hibru 9:1

Asakiephana ekpuyovwi rẹ ọphọ rẹsọsuọ na ji vwo irhi rẹ egagọ kugbe ẹshẹ rẹ akpọ na.

Joshua 23:16

ọ da dianẹ ovwan gbe ọphọ rẹ Ọrovwohwo Ọghẹnẹ rẹ ovwan na ẹgua, rọ vẹ ovwan rere na, wa da ra ga ẹdjọ efa we de digue tẹ otọ kẹ ayen. Etiyin ophu rẹ Ọrovwohwo kọ cha tua kpahe ovwan, ku wa ghwọrọ re nẹ otọ esiri nana rọ vwọ kẹ ovwan na.

Joshua 24:25

Etiyin Joshua vẹ ihwo na da re ọphọ vwẹ ẹdẹ yena, o de ji iji kugbe irhi vwọ kẹ ayen vwi Shekẹm.