Aizaya 24:18 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁸ Ohwo rọ mrẹ edo rẹ oshọ dje ko she phihọ ọgọdọ na, ohwo ro pho nẹ ọgọdọ na rhe ufi na kọ muo. Kidie evakpo rẹ odjuvwu rhie phihọ re, Ichivwo rẹ otọ rẹ akpọ na ki kpogho

Aizaya 24:18 ပူးပေါင်းရင်းမြစ်များ

Jẹnẹsis 19:24

Etiyin Ọrovwohwo da rhọ osio rẹ ibieragha vẹ erhanre phihọ Sodọm vi Gomora nẹ obo odjuvwu rhe,

Jẹnẹsis 7:11

Vwẹ ikpe uri erha rẹ akpọ ri Noa, vwẹ emeranvwe rivẹ, vwẹ ẹdẹ ihwe gbẹ ighwrẹ rẹ emeranvwe na, vwẹ ẹdẹ vuọvo yena, ogbugbu kugbe ikokodo rẹ akpọ na da va phia, evakpo rẹ obo odjuvwu na de rhie phihọ.

Ivie rẹ Ivẹ 7:2

Etiyin onotu rẹ ovie na vwẹ oma rẹrẹ da kpahe kẹ ohwo rẹ Ọghẹnẹ na, Ọ da dianẹ ekpuyovwi rẹ Ọrovwohwo de muobọ bru evakpo phihọ odjuvwu dede ọ ro wọ ta na phia? Ẹkẹvuọvo ọ da ta, Wọ cha vwẹ ẹro wẹn mrẹ, ẹkẹvuọvo wọ cha sa re vwọ-ọ.

ỌBE RẸ JOB 20:24

Ọ cha djẹ nẹ abọ rẹ ekuakua rẹ utehru; odada rẹ ẹronvwo che duvwo fi.

Une rẹ Ejiro 18:15

Etiyin ọva re he obotọ re ame da va phia, ichivwo rẹ akpọ na da fa phia, vwe ẹghwọ wẹn, E Ọrovwohwo, vwe aghworo re odju re inwe wẹn

Une rẹ Ejiro 18:7

Etiyin akpọ na de yeghe o de kpogho, ichivwo rẹ igbenu na de zie i de zie zighi zighi, kidie ophu muro.

Une rẹ Ejiro 18:8

Ivwirhi de bru nẹ umwe rọye rhe, erhanre rọ torhẹ de nẹ unu rọye rhe. imwerhanre weiwei de nẹ oma rọye rhe.

Aghwoghwo 9:12

Kidie ohwo riẹn ọke rọye-e. Ọ họhọ iyeri rẹ ariri muru, kerẹ emephran rẹ ufi muru, ọtiọye ẹdẹ umwemwu na je epha kerẹ ufi kẹ emọ rẹ ihwo, ro di fru ayen kpregede.

Aizaya 13:13

Eriyin na ki mi che mu odjuvwu kpogho, akpọ na ko che kpogho nẹ ẹdia rọye, vwe ophu rẹ Ọrovwohwo rẹ ofovwi na vwẹ ẹdẹ rẹ ophu rode rọye na.

Aizaya 2:19

Ihwo ke cha ro emwa rẹ eragha na kugbe inu rẹ otọ na, vwo nẹ uguegue rẹ Ọrovwohwo na, vwo nẹ urinrin rẹ ọrho rọye ọke ro de vrẹn ri guegue akpọ na.

Aizaya 2:21

rẹ ayen ro ẹmwa rẹ eragha na kugbe ighrighri re, igbenu na vwo ne uguegue re Ọrovwohwo na, vwo nẹ urinrin, rẹ ọrho rọye vwẹ ọke ro de vrẹn rhe ri guegue akpọ na.

Aizaya 42:22

Ẹkẹvuọvo ọnana ihwo re chori re gborhori, ufi mu ayen ejobi vwẹ evun rẹ unu, ayen de si oma nu vwẹ uwodi; ayen hirhe phihọ emuọre ohwo ro sivwi ayen gbe herọ-ọ emuọre ra mrẹ ohwo ta kẹ nẹ, Rhivwi.

Aizaya 8:14

Kọ cha dia ẹshẹ kugbe oragha rẹ ogbeku kugbe uchukurhe umwemwu kẹ uwevwi ivẹ rẹ Izrẹl ufi kugbe ugodo kẹ ihwo re dia Jerusalẹm.

Jerimaya 48:43

Oshoẹdjẹ, ọgọdọ, kugbe ufi e he obaro wẹn re, E ihwo re dia Moab! eriyin Ọrovwohwo tare.

Jerimaya 48:44

Ọ rọ djẹ vabọ re oshoẹdjẹ na che she phihọ ọgọdọ na rhe, ọ ro ji wotọ nẹ ọgọdọ na rhe che mu ufi na. Kidie me cha ghwẹ emu nana ejobi na rhurhu Moab vwẹ ukpe rẹ ehwe rayen, eriyin Ọrovwohwo tare.

Uvwerhe 3:47

Uguegue vẹ oshọemuo de rhurhu avwanre muotọ, ẹkuafiotọ kugbe ẹghwọrọ

Izikiẹl 11:8

Wọ djẹ oshọ rẹ ọlọkọ na, ke me reyọ ọlọkọ na vwọ kpahe owẹ, Ọrovwohwo Ọghẹnẹ re tarọ.

Izikiẹl 12:13

Ki mi che phi obriki mẹ rhurho, ufi mẹ ko muo, ke me reyọ rhe Babilọn vwẹ otọ rẹ ihwo ri Kaldia, yẹ ọ cha mrẹ-ẹ, ko ghwu vwẹ oboyi.

Izikiẹl 15:7

Ke Me tọn opharo mẹ vi ayen, owene ayen vwọ vabọ rẹ erhanre na dede, yẹ erhanre na je cha torhẹ ayen, ku wọ riẹn nẹ mẹvwẹ Ọrovwohwo, vwẹ ọke re me da tọn opharo me vi ayen.

Emọs 5:18

Ekan kẹ wẹ rọ guọnọ ẹdẹ rẹ Ọrovwohwo na! Die wọ vwọ guọnọ ẹdẹ rẹ Ọrovwohwo na? Ẹdẹ na ebri hwi, o vwo orẹmrẹ-ẹ,

Emọs 5:19

Kerẹ ọke rẹ ohwo a dje nẹ obọ rẹ okpohrokpo, edjẹnẹkpo da ra vwa, eyẹrẹ ohwo rọ ro evun rẹ uwevwi ọ da vwẹ oma vẹ abọ rere igbẹhẹ, ọrọdekọ da rhovwọ.