Aizaya 24:17 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁷ Oshọ, ve ọgọdọ, ve ufi i bru we cha, E ihwo re akpọ na.

Aizaya 24:17 ပူးပေါင်းရင်းမြစ်များ

1 Ivie 19:17

Ọ rọ vabọ rẹ ọlọkọ ri Hazael, Jehu ko hwe; ọ rọ rha vabọ rẹ ọlọkọ ri Jehu kọye Ilaesha rhe hwe.

ỌBE RẸ JOB 18:8

Kidie awọ rọye ọvo vwi ru mu ufi, ọ yan ruẹ uyere.

Aizaya 8:14

Kọ cha dia ẹshẹ kugbe oragha rẹ ogbeku kugbe uchukurhe umwemwu kẹ uwevwi ivẹ rẹ Izrẹl ufi kugbe ugodo kẹ ihwo re dia Jerusalẹm.

Jerimaya 11:11

Vwẹ ọtiọye na, enẹ Ọrovwohwo tare, Nighe, me cha vwẹ umiovwo rhe ayen rẹ ayen je se no, owenẹ ayen viẹ se vwe dede, me cha kerhọn raye-en.

Jerimaya 8:3

Ughwu kọye che me jẹ umuku rẹ ihwo ri chekọ vwẹ orua umwemwu nana vrẹn arhọ, vwẹ asan re me djẹ ayen ra ejobi; eriyin Ọrovwohwo rẹ otuofovwi na tare.

Uvwerhe 2:22

Wọwẹ ri se avwanre kpo ẹdorẹ re bruru uguegue vwi kabọ kabọ; vwẹ ẹdẹ rẹ ophu rẹ Ọrovwohwo ohwo ọvuọvo sa vabọ-ọ eyẹ ke sa rhọ-ọ, Ayen otu re me fẹnre re me ghẹre ivwighrẹ mẹ mie vwe ghwọrọ.

Uvwerhe 3:47

Uguegue vẹ oshọemuo de rhurhu avwanre muotọ, ẹkuafiotọ kugbe ẹghwọrọ

Izikiẹl 11:8

Wọ djẹ oshọ rẹ ọlọkọ na, ke me reyọ ọlọkọ na vwọ kpahe owẹ, Ọrovwohwo Ọghẹnẹ re tarọ.

Izikiẹl 12:13

Ki mi che phi obriki mẹ rhurho, ufi mẹ ko muo, ke me reyọ rhe Babilọn vwẹ otọ rẹ ihwo ri Kaldia, yẹ ọ cha mrẹ-ẹ, ko ghwu vwẹ oboyi.

Izikiẹl 14:21

Kidie enẹ Ọrovwohwo Ọghẹnẹ tare: Komavọ ọ dia vwẹ ọke me da vwẹ oghẹre rẹ ẹdjeguo ẹne mẹ vwọ rhe Jerusalẹm, ọlọkọ, owevwe, eranvwe ebrabra vẹ emiavwe, rere o bru ohwo kugbe eranvwe no!

Emọs 5:19

Kerẹ ọke rẹ ohwo a dje nẹ obọ rẹ okpohrokpo, edjẹnẹkpo da ra vwa, eyẹrẹ ohwo rọ ro evun rẹ uwevwi ọ da vwẹ oma vẹ abọ rere igbẹhẹ, ọrọdekọ da rhovwọ.