Aizaya 24:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Orere rẹ ozighi na a guọgherọ tẹ otọ, uwevwi kuwevwi a kaerọ ohwo ọvuọvo gbe sa ruọ-ọ

Aizaya 24:10 ပူးပေါင်းရင်းမြစ်များ

Jẹnẹsis 11:9

Fiki rẹ ọtiọye na e de se odẹ rọye Babẹl, fikiridie Etiyin Ọrovwohwo de zighi ephẹrẹ rẹ akpọ na ejobi, kẹ Etiyin rhe Ọrovwohwo da hra ayen nene enu rẹ akpọ na ejobi.

Ivie rẹ Ivẹ 25:4

Orere na kọ rhe vẹn; ovie na vẹ ituofovwi rẹ eshare na ejobi da djẹ vwẹ ason wan anurhoro rọ hẹ uvwre rẹ igbẹhẹ ivẹ na rẹ oma rẹ ogba rẹ ovie na, dede na yẹn ihwo ri Kaldia yariẹ orere na phihọ. Ayen da yan gare opharo vi obo Araba.

Aizaya 23:1

Arọẹmrẹ kpahe Taya, Berọma, E eko ri Tarshish, kidie a ghwọrọ Taya totọ, uwevwi chekọ vwo siẹvo kẹ erhuru-u! Kẹ otọ ri Saiprọs a da vwọ phia kẹ ayen.

Aizaya 24:12

Orere na ejobi kua fiotọ re kakare, A teyọ inurhoro na ejobi guọghọ phihọ irhurhu.

Aizaya 25:2

Kidie wẹ re ghwẹ orere koko, orere ra gba ogba riariẹ na kẹ erhurhu rode, ighẹn rẹ ovie rẹ erhorha na gbe dia orere ọfa-a, a gbe rhoma bọn bẹdẹ-ẹ.

Aizaya 26:5

Ihwo re rhoro vẹ orere rode ọ vwẹ ayen kpo otọ, O da ghwọrọ te otọ, ọ ghwọerọ te otọ riẹriẹriẹ, o de muo teye iwurhie.

Aizaya 27:10

Kidie orere ra gba ogba phihọ ro hirhe phihọ ofefe, orere ra kuanu ra senre, kerẹ aghwa; etiyin upene rẹ erhuẹn da ria odi, etiyin o sherhẹ phihọ rọ da savwan abọ rọye ria.

Aizaya 32:14

Kidie ighen na a cha mrẹ ayen dje, orere rọ do ve ihwo na kua fiotọ, te igbenu re itete kugbe uwevwi re ohẹrhẹ ki hirhe phihọ emwa bẹdẹ asan re eketekẹtẹ da ghọghọ, odi phiephiephie kẹ uchuru;

Aizaya 32:19

Egbo na ejobi ko che kpotọ re kpae, ka cha vwẹ orere na hwa otọ riẹriẹriẹ.

Aizaya 34:11

Ẹkẹvuọvo ọvo ve osorhue keye re cha dia, okpurhukpurhu ve okpemu keye cha dia. Ko che si usi re ozighi phihọ duvwu, kọ savwe iphọrọ re ozighi rhurhu ikpihwo rọye.

Jerimaya 39:4

Ọke ri Zedikaya vẹ otu ofovwi na ejobi vwọ mrẹ ayen, ayen da djẹ, nẹ orere na vwẹ ason wan idjerhe rẹ ogba rẹ ovie na rẹ unurhoro rọye hẹ uvwre rẹ igbẹhẹ na; ayen da yan hirhe aro ku obo Araba.

Jerimaya 39:8

Ihwo ri Kaldia na da torhẹ uwevwi rẹ ovie na vẹ uwevwi rẹ ihwo na, ayen da ghwọrọ igbẹhẹ ri Jerusalẹm totọ.

Jerimaya 52:7

E de bru uphrophro phihọ ighẹhẹ rẹ orere na, eshare rẹ ofovwi na ejobi da djẹ nẹ orere na vwẹ ason ra wan anurhoro rọ hẹ uherevie rẹ igbẹhẹ ivẹ na, vwẹ oma rẹ ogba rẹ ovie na, ye ihwo ri Kaldia ke orere na phihọ. Ayen da ra wan obo Araba na.

Maika 2:13

Ohwo ro bru unu phihọ kọ ruọ bru ayen ra; kẹ ayen guọghọ anurhoro na wanvrẹn, ọye ayen cha wan. Ovie rayen kọ ka obaro kẹ ayen, Ọrovwohwo na kọ dia obo uyovwi rayen.

Maika 3:12

Vwẹ ọtiọye na fiki wẹ ka cha vwi Zayọn voro udju, Jerusalẹm ko che hirhe phihọ ẹkuerhurhu, Ugbenu rẹ uwevwi na kẹ egbo rẹ irhe.

Iyẹnrẹ Esiri ri Luk 19:43

Kidie ẹdẹ cha kẹ wẹ, ọke rẹ ivwighrẹ wẹn cha vwọ hwa hẹrhẹ owẹ re da gba riariẹ owẹ, rẹ ayen de ke we họ vwi kabọ kabọ,

Iyẹnrẹ Esiri ri Luk 21:24

Ka vwẹ ọlọkọ nyavwe ayen she, ke mu ayen ighuvwn vwẹ ohri rẹ ẹgborho na; Keferi ki chiyi Jerusalẹm muotọ, bẹsiẹ rẹ ọke ri Keferi cha vwọ gba.

Ẹvwọphia 18:2

O de kperi gangan tanẹ, Osheri, osheri, Babilọn rode na sheri Ọ rhi hirhe phihọ orere rẹ idẹbono, urhuẹn rẹ erhi kerhi ọbrabra, urhuẹn rẹ ọphran kọphran ro tuoma;