Aizaya 24:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Nighere, Ọrovwohwo cha guọghọ akpọ na ejobi ọ ee kua fiotọ ko zighi enu rọye ọ me hra ihwo re dia enu rọye.

Aizaya 24:1 ပူးပေါင်းရင်းမြစ်များ

Ivie rẹ Ivẹ 21:13

Ke me cha riẹn nene Jerusalẹm ovwanvwọn re me vwọ vwanvwe Sameria kugbe ubiurhe re me vwọ ma uwevwi rẹ Ehab; ki mi ririe Jerusalẹm kirobo re ririe ọsete, mi ririe me me bọvwọ ruotọ.

Nehemaya 1:8

Karohọ ota na ri wo ji urhi rọye kẹ odibo wẹn Mosis, tanẹ, We rhe segbuyota-a, ke me hra ovwan ro ohri re ihwo na ejobi;

Une rẹ Ejiro 146:9

Ọrovwohwo na rhẹrẹ eyoyan, ọ yọnrọn eyauku vẹ emephrorivwi; ẹkẹvuọvo idjerhe rẹ ohwo umwemwu ọ rharọ mu ekpẹn.

Aizaya 13:13

Eriyin na ki mi che mu odjuvwu kpogho, akpọ na ko che kpogho nẹ ẹdia rọye, vwe ophu rẹ Ọrovwohwo rẹ ofovwi na vwẹ ẹdẹ rẹ ophu rode rọye na.

Aizaya 13:5

Ayen re nẹ ogboko cha, nẹ oba rẹ odjuvwu cha, Ọrovwohwo vẹ ekuakua rẹ ophu rọye, re ọ rhe vwọ ghwọrọ akpọ ejobi.

Aizaya 2:19

Ihwo ke cha ro emwa rẹ eragha na kugbe inu rẹ otọ na, vwo nẹ uguegue rẹ Ọrovwohwo na, vwo nẹ urinrin rẹ ọrho rọye ọke ro de vrẹn ri guegue akpọ na.

Aizaya 24:19

Akpọ na vwirhire tototo, akpọ na bẹre ẹbẹre ivẹ, akpọ na re kpogho revwi revwi.

Aizaya 24:20

Akpọ na re gbe kerẹ ohwo rọ da udi, ọ rọ vuẹ kerẹ utughẹ, ogbeku rọye pha họhọhọ yẹgbẹ vwẹ enu rọye, o sheri, o rhe se vrẹn ọfa-a

Aizaya 27:10

Kidie orere ra gba ogba phihọ ro hirhe phihọ ofefe, orere ra kuanu ra senre, kerẹ aghwa; etiyin upene rẹ erhuẹn da ria odi, etiyin o sherhẹ phihọ rọ da savwan abọ rọye ria.

Aizaya 29:16

Wa gare erọvwọ vi otọ! Ke se ọmema na nẹ ọphie o ruẹ, re obo ra mare da ta kẹ ọ rọ marọ nẹ; O ma vwẹ-ẹ eyẹ obo ra mare da ta kẹ ọ rọ marọ nẹ, wo vwo obọ-ọ?

Aizaya 29:2

Dede na oma cha rhọ Ariẹl, e che beroma a cha viẹ vwọ, kọ cha họhọ Ariẹl kẹ vwẹ.

Aizaya 30:32

Kohọ kọhọ rẹ Ọrovwohwo da vwẹ ọkpọ rọye na ghwie ayen, kọ cha dia kere edo rẹ igogo kugbe isorogun, obọ rọye rọ nyavwaro kpenu kpene kọye o vwo nene ayen phi ofovwi

Aizaya 32:12

Ghwie udu wẹn fiki re udju esiri na, fiki re ihi ri vain esiri na,

Aizaya 33:9

Otọ na muomahọ ọ rọ brenu, Lẹbanọn a harherọ ọ fa che re, Sharọn ko họhọ atọn; Eashan kugbe Kamẹl io tue ẹbe fia

Aizaya 34:10

Ason kugbe uvo dede e se fue-e, ivwirhi rọye ko bru kpenu bẹdẹ. Ne edje re te edje erhurhu kọye ọ dia bẹdẹ, ohwo ọvuọvo gbe sa wanvrẹn rhiri bẹdẹ-ẹ

Aizaya 34:2

Kidie ophu mu Ọrovwohwo kpahe ẹgborho na ejobi, ophu djọghọ djogho kpahe usun re otu rayen, ọ vwe ughwu ke ayen nure, o siobọ ne ayen ke ehwe

Aizaya 42:15

Ke me guọghọ igbenu rẹ itete vẹ iride, ke me ya ẹbe rayen mu, ki mi hirhe irhie rayen phihọ ibrotọ, etẹrhe rayen ejobi ke yamu.

Aizaya 5:6

Ki mi miovwo, e gbi che fro-o eyẹ a gbe gua-a okpia vẹ idjigbẹ ke cha djẹ rhe vwọ, ki mi ji urhi kẹ enu na nẹ osio gbe rhọ phihọ-ọ.

Jerimaya 4:7

Okpohrokpo nẹ evun rẹ etu rọye rhe, ọghwọrọ rẹ ẹgborho na yan phiare; ọ yan nẹ asan rọye re rere ọ ru otọ rẹ ovwan phihọ ofefe irere rẹ ovwan ke cha dia erhurhu ohwo gbe dia aye-en.

Jerimaya 40:15

Etiyin Johanan ọmọ ri Karia ke bẹbẹ ta kẹ Gẹdalaya vwẹ Mizpa, Ju vwe yanran re mi hwe Ishmaẹl ọmọ ri Netanaya ghwu, ohwo ọvuọvo sa riẹ-ẹn. Die sorọ o vwo hwe we, rẹ ihwo ri Ju na ejobi re yariẹ owẹ phihọ na vwọ hra, rẹ ihwo ri chekọ kẹ Juda na vwọ ghwọrọ?

Jerimaya 50:17

Izrẹl kerẹ ogegede ra rhẹrẹ rẹ ikpohrokpo vwọ tua. Ẹsosuọ ovie rẹ Asiria re rerọ, vwẹ asakiephana kẹ Nebukadreza ovie ri Babilọn kẹ ọye rha gbẹrhiẹn ibeku rọye.

Jerimaya 51:34

Nebukadreza ovie rẹ Babilọn ọ re vwẹ, ọ guọghọ ovwẹ o ru vwe phihọ oravwọ ofefe, ọ rọ vwẹ kerẹ eniame, ọ vwẹ asan avwerhe mẹ vọn evun rọye, o mi vwe kufia.

Jerimaya 9:16

Ke me cha hra ayen ro ohri rẹ ẹgborho na re ayen te esẹ rayen riẹnre-e, ki mi ji ọlọkọ nene ayen, bẹsiẹye me vwọ guọghọ ayen nu.

Izikiẹl 12:20

Irere rẹ ihwo dia ejobi ka kua ayen fiotọ, otọ na ko che hirhe phihọ ofefe, ku wọ riẹn nẹ mẹvwẹ Ọrovwohwo na.

Izikiẹl 24:11

Gbe mu ofefe rọye kpahe enu rẹ esia, rere ọ tuabọ, rere otọ rọye vwọ torhẹ, rẹ inuhu rọye vwọ wran vwẹ evun rọye, re ekagba rọye vwọ torhẹ.

Izikiẹl 35:14

E nẹ Ọrovwohwo Ọghẹnẹ tare, rọ vwo dia aghọghọ kẹ akpọ na ọye me vwọ kua wẹ fiotọ na.

Izikiẹl 5:14

Ọ rọ marho ke me kua wẹ fiotọ ku wọ dia ohwo rẹ ehwẹjẹ vwẹ ohri rẹ ẹgborho na re riariẹ owẹ phihọ na kugbe obaro rẹ ihwo ejobi re wanvrẹn.

Izikiẹl 5:2

Ẹkẹn erha rọye wọ torhẹ vwẹ erhanre vwẹ uherevie rẹ orere na, rẹ ẹdẹ rẹ imu na da gba nu, ẹkẹn erha ọvo, wọ reyọ wọ me vwẹ ọlọkọ wẹn vwo tue riariẹ orere na; ẹkẹn erha ro chekọ wo mi tuetue nene odju, ki mi yoro ọlọkọ mẹ nẹ ako rhe vwọ kpahe ayen.

Izikiẹl 6:14

Ke Me cha riẹn obọ Me kpahe ayen, ki mi ru otọ na dia ofefe rhaphiẹ rhaphie, vwẹ asan rẹ ayen dia ejobi, nẹ obo aton na re te Riblah. Etiyin kẹ ayen riẹn nẹ mẹvwẹ Ọrovwohwo na.

Izikiẹl 6:6

Kasan kasan wọ diare irere wẹn ke dia ifefe asan ri kpenu wẹn ke guọghọ, ọtiọye na egbada wẹn kọ dia ofefe ka guọghọ te otọ, ema wẹn ke vwirhi ibribro, egbada rẹ incẹns rẹ ovwan ka nyavwe ayen te otọ, iruo wẹn ejobi ke hwerhe ayen kufia.

Izikiẹl 7:12

Ọke na rhire, ẹdẹ na si kẹrire. E jẹn ohwo rọ de ghọghọ-ọ eyẹ ohwo rọ shẹ muomahọ-ọ, kidie ivuemiovwo ọ hẹ enu rẹ ẹgbotu rayen ejobi.

Izikiẹl 7:14

Ayen hworo owanre ayen choma ejobi nure; ẹkẹvuọvo ọvuọvo kpo ofovwi-i, kidie ivuemiovwo me o hẹ enu rayen ejobi.

Nahum 1:5

Igbenu na ki kpogho vwẹ obaro rọye, igbenu rẹ itete de mu wran; otọ na ejobi kẹ ofefe vwẹ obaro rọye, akpọ na kugbe obo re dia evun rọye ejobi.

Nahum 2:10

Kua! ẹkuafiotọ vẹ ẹghwọrọ! Udu nẹ ẹdia, igbo ra phariẹ, uvweri vọn oma ejobi hwe, epharo ejobi ki phurẹn phurẹn!

Iyẹnrẹ Esiri ri Luk 21:24

Ka vwẹ ọlọkọ nyavwe ayen she, ke mu ayen ighuvwn vwẹ ohri rẹ ẹgborho na; Keferi ki chiyi Jerusalẹm muotọ, bẹsiẹ rẹ ọke ri Keferi cha vwọ gba.

Iruo rẹ Iyinkọn na 17:6

Ọke rẹ obọ rayen gbi te aye-en, ayen de kpono Jasin kugbe imoni na evo rhe otu ri suẹn na, tanẹ, Enana hẹ ihwo rẹ bọvwọn akpọ na rhuẹ na eye je rhe obonẹ na.

Urhi Rivẹ 28:64

Ọrovwohwo kọ hra ovwan ro uherevie rẹ ihwo na ejobi, nẹ oba rẹ akpọ na re te oba rẹ ivẹ; oboyi wọ da ga edjọ, edjọ rẹ irhe vẹ e rẹ elalọ e rẹ ovwan vẹ esẹ rẹ ovwan riẹnre-e.

Urhi Rivẹ 32:26

Ke Me a ta nẹ, Me cha hra ayen shesheri, mi ru rere ihwo vwo jẹn ayen ẹkarohọ,

Urhi Rivẹ 4:27

Ọrovwohwo kọ cha hra ovwan phihọ ohri rẹ ihwo, umuchihwo rẹ ovwan keye e che jovwo vwẹ ohri rẹ ẹgborho ra cha djẹ ovwan ra na.

Jems 1:1

Jems odibo rẹ Ọghẹnẹ kugbe Ọrovwavwanre Jesu Kristi, ri si ọbe nana rhe orua ihwivẹ na re hrabọ ro akpọ na ejobi, mi yere ovwan.