Aizaya 23:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Ọ riẹn obọ rọye kpahe abadi na, o kpogho uvie na ejobi; Ọrovwohwo ji urhi kpahe Kenan nure rọ cha vwọ guọghọ ogba egangan rọye.

Aizaya 23:11 ပူးပေါင်းရင်းမြစ်များ

Jẹnẹsis 9:25

ọ da ta, Eka ki Kenan, ọviẹn rẹ ọviẹn wọ dia kẹ iniọvo wẹn.

Une rẹ Ejiro 46:6

Ẹgborho na ra họnra, uvie na ghwẹre ọ ta ota, akpọ na ejobi da wran re.

Une rẹ Ejiro 71:3

Gba dia oragha rẹ odjahọ kẹ vwẹ, ogba ogangan, ro sivwi uvwe, kidie wẹ oragha mẹ kugbe ogba ọgangan mẹ

Ẹyano 14:21

Mosis da riẹn obọ rọye phihọ abadi na; Ọrovwohwo da djẹ abadi na kpo uko vwẹ odju ọgangan ro dju nẹ obaro ọnre rhe vwẹ ason na ejobi, o de ru abadi na kpọ yamu, ame na da ghare.

Aizaya 10:6

Orere ro jẹ Ọghẹnẹ ẹriẹn mi ji ro ra ihwo rẹ ophu rẹ ayen mu vwe me vuẹ rẹ na rọ reyọ emuọre re gborho ekuakua, re chiyi ayen pẹtẹ pẹtẹ kerẹ ibehre rẹ irhuvwu.

Aizaya 13:13

Eriyin na ki mi che mu odjuvwu kpogho, akpọ na ko che kpogho nẹ ẹdia rọye, vwe ophu rẹ Ọrovwohwo rẹ ofovwi na vwẹ ẹdẹ rẹ ophu rode rọye na.

Aizaya 14:26

Ọnana kọye iroro ra jẹre vwọ kpahe akpọ na ejobi; Ọnana kọye obọ rọ riẹn phia vwọ kpahe irere na ejobi.

Aizaya 19:5

Ame rẹ urhie ri Nile kọ cha kpo muotọ, urhie na kọ yamu kohro;

Aizaya 2:19

Ihwo ke cha ro emwa rẹ eragha na kugbe inu rẹ otọ na, vwo nẹ uguegue rẹ Ọrovwohwo na, vwo nẹ urinrin rẹ ọrho rọye ọke ro de vrẹn ri guegue akpọ na.

Aizaya 23:10

Jẹn otọ wẹn ku wan reghe reghe kerẹ Nile, E Ọmọtẹ ri Tarshish, a gbe sa daji ọfa-a

Aizaya 23:3

ayen hẹ enu rẹ ame buebu; igho wẹn ọye hẹ eka ri Shihọr, orho ri Nile, wẹ ineki rẹ ẹgborho.

Aizaya 25:2

Kidie wẹ re ghwẹ orere koko, orere ra gba ogba riariẹ na kẹ erhurhu rode, ighẹn rẹ ovie rẹ erhorha na gbe dia orere ọfa-a, a gbe rhoma bọn bẹdẹ-ẹ.

Aizaya 5:25

Kọye ophu rẹ Ọrovwohwo vwọ tua kpahe ihwo rọye, ọ da riẹn obọ kpahe ayen ọ da ghwiẹ ayen, igbenu na de kpogho irivwi rayen kerẹ ikueku vwẹ uherevie rẹ urhuvwu Vwẹ enana ejobi na ophu rọye ji fue-e, yẹn obọ rọye je riẹn phia rhe.

Aizaya 50:2

Mavọ, ọke Me vwọ rhe, ohwo gbe herọ-ọ? Ọke Mi vwo se, o rhe vwo ohwo ro nyori-i? Obọ Mẹ krẹnọ, ro vwo je ohwo ẹtan? Gbine Mi vwo ogangan re vwo sivwẹ-ẹ? Nighere, vwẹ ẹghwọ re unu mẹ abadi na kọ kpọ, Mi ru urhie na phihọ aton, iyeri rayen ki gbo kidie ame herọ-ọ i mu ghwu fiki r;pe urhuru rẹ ame.

Jerimaya 47:7

Mavọ o ru fọ gbiei, vwẹ ọke rẹ Ọrovwohwo jiji kẹ! Kpahe Ashkẹlọn kugbe erhuru rẹ abadi na o bru ẹdẹ na nure.

Izikiẹl 26:10

Iyesi rọye che buẹ gangan rẹ iwurhie rẹ ichiyotọ rọye de rhurhu we; igbẹhẹ wẹn ki che kpogho vwẹ edo rẹ ihwo re gua iyesi kugbe ekpẹrẹ vẹ idjighere, ọke rọ da cha wan anurhoro wẹn na kọ cha ruọ kere orere re bru uphrophro phihọ.

Izikiẹl 26:4

Ayen ke guọghọ igbẹhẹ ri Taya, ayen mi kporo ohẹrhẹ rọye, ki mi hrohro ekpẹn rọye mie, ki mi ruo vwo dia oragha hrohrohro.

Izikiẹl 31:16

Ẹgborho na ejobi ki kpogho fiki rẹ eshe rọye, vwẹ ọke ri mi de che phio teye Erivwi kugbe ayen ihwo ri kpo obo Ukpotọ na; irhe ejobi re hẹ udju rẹ Idẹn, irhe ri me yovwi re ma ghare vwi Lẹbanọn, ayen ejobi re da ame, oma ko che fu ayen vwẹ akpọ rẹ obo erivwi na.

Nahum 1:14

Ọrovwohwo ji urhi kpahe owẹ: O gbi che vwo ohwo ra vwọ karohọ odẹ wẹ-ẹn; ke mi cha nyavwẹ owẹ kufia nẹ uwevwi rẹ edjọ wẹn, oma ra kare kugbe oma ra wranre. Ke me tọn ushi wẹn, kidie orharhe wo ruẹ.

Hegae 2:7

ki mi kpogho ẹgborho na ejobi, rere a vwọ ghwẹ efe rẹ ẹgborho na ejobi rhe, ke me cha ghwa urinrin vọn uwevwi nana, eriyin Ọrovwohwo rẹ otuofovwi na tare.

Zekaraya 14:21

ochẹ kochẹ ri Jerusalẹm vẹ Juda cha dia fuanfon kẹ Ọrovwohwo rẹ otuofovwi na, rere ihwo re cha gọ iye ejobi vwọ reyọ ayen vwo chere emu re iye. Ọneki gbe rha dia vwẹ uwevwi rẹ Ọrovwohwo rẹ otuofovwi na vwẹ ẹdẹ yena ọfa-a.

Iyẹnrẹ Esiri ri Mak 11:17

O de yono, ọ da ta kẹ ayen, E siro jovwo, uwevwi mẹ e se nẹ uwevwi rẹ ẹrhovwo kẹ ẹgborho na ejobi? ẹkẹvuọvo ovwan vwi ro ru uwevwi rẹ iji.

Iyẹnrẹ Esiri ri Jọn 2:16

Ọ da ta kẹ otu re shẹ ilekuku na, Si imu nana nẹ etinẹ; wo vwẹ uwevwi rẹ Ọsẹ mẹ vwo ruẹ uwevwi rẹ eki-i.