Aizaya 23:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Arọẹmrẹ kpahe Taya, Berọma, E eko ri Tarshish, kidie a ghwọrọ Taya totọ, uwevwi chekọ vwo siẹvo kẹ erhuru-u! Kẹ otọ ri Saiprọs a da vwọ phia kẹ ayen.

Aizaya 23:1 ပူးပေါင်းရင်းမြစ်များ

Jẹnẹsis 10:4

Emọ ri Javan Elishah, Tarshish, Kitim, kugbe Dodanim.

1 Ivie 10:22

Kidie ovie vwo usun rẹ ekọ ri Tarshish vwẹ obo abadi kugbe usun rẹ ẹko ri Hiram. Ẹsiẹvo vwẹ ẹgbukpe erha ọye usun rẹ ekọ ri Tarshishi cha e me ghwa oro, idọnọ efuanfon, akeni, okpe, kugbe ogbodu.

1 Ivie 22:48

Jehoshafat da kare ekọ ri Tarshish ri kpo ọfa ra ghwẹ iro; ẹkẹvuọvo e gbe rha ra-a, kidie ekọ na i shuru vwẹ Eziọn-geber.

1 Ivie 5:1

Asakiephana Hiram ovie ri Taya de ji idibo rọye bru Solomọn, vwẹ ọke ro vwo nyo nẹ e vwiro mu ovie vwẹ ẹdia rẹ ọsẹ rọye; kidie Hiram guọnọ Devid vwẹ ọke ejobi.

2 Ikun rẹ Ivie 9:21

Kidie ekọ rẹ ovie kpo Tashish vẹ idibo ri Huram; ẹsiẹvo ẹgbukpọ erha ọye ekọ ri Tashish vwo duvwẹ re ghwa oro, idọnọ, akeni, okpe, kugbe pikọk.

Une rẹ Ejiro 48:7

Vwẹ odju ro nẹ obaro ọnre cha wọ vwọ hra ekọ ri Tarshish.

Aizaya 15:8

Kidie unuebo tọnre o nene otọ ri Moab ejobi re; omebere na te Eglaim re, omebere na ji te Eẹẹrẹlim.

Aizaya 2:16

vwọ kẹ eko ejobi ri Tarshish; ke ekọ ri yovwiri ejobi.

Aizaya 23:12

Ọ da ta. Wọ gbi mu oma kpenu ọfa-a E ọmọtobe ri Sidọn re shenyẹ, vrẹn wan vrẹn kpọ Saiprọs, oboyi dede na oma ji che fu vwe-e.

Aizaya 23:6

Wan vrẹn kpo Tarshish, beroma, E ihwo rẹ obo erhuru!

Aizaya 24:10

Orere rẹ ozighi na a guọgherọ tẹ otọ, uwevwi kuwevwi a kaerọ ohwo ọvuọvo gbe sa ruọ-ọ

Aizaya 60:9

Kidie erhuru na cha hẹrhẹ ovwẹ, ekpo ri Tarshish re dia ẹsosuọ, re cha reyọ emọ wẹn nẹ ogboko rhe, cha reyọ idọnọ vẹ iro boma rhe, fiki rẹ odẹ rẹ Ọrovwohwo Ọghẹnẹ wẹn, kugbe Ọfuanfon Ọvuọvo rẹ Izrẹl na, kidie ọ vwẹ urinrin kẹ wẹ.

Jerimaya 2:10

Samu kpọ erhuru ri Saiprọs re wọ mrẹ, eyẹrẹ ji ohwo kpo Kida wọ fuẹrẹ; wọ sa mrẹ emu ọtiọye dẹvure.

Jerimaya 25:15

Enẹ Ọrovwohwo, Ọghẹnẹ rẹ Izrẹl, ta kẹ vwẹ: Reyọ uko ri wain re ophu na nẹ obọ mẹ, re wo ru irere ejobi ri mi ju we bru ra na re ayen da.

Jerimaya 25:22

Ivie ri Taya ejobi, ivie ri Saidọn ejobi, kugbe ivie rẹ erhuru re wan abadi vrẹn na;

Jerimaya 47:4

fiki rẹ ẹdẹ rọ cha guọghọ ihwo rẹ Filistia ejobi, rọ che bru kufia ni Taya vi Saidọn kọchuko kọchuko ro che chekọ. Kidie Ọrovwohwo herọ ghwọrọ ihwo ri Filistia, umuku ri chekọ vwẹ erhuru ri Kaftọ.

Izikiẹl 26:1

Vwẹ ikpe ruhwọvo, vwẹ ẹdẹ rẹsosuọ rẹ emeranvwe na, ota rẹ Ọrovwohwo de bru vwe rhe:

Izikiẹl 26:2

Ọmọ rẹ ohwo, fikiridie Taya ta ota kpahe Jerusalẹm nẹ, E nẹ, anurhoro rẹ ihwo na tuegheri, o rhiephihọ ghwroro kẹ vwẹ; kẹ oyovwi kẹvwẹ, vwẹ asakiephana a ghwọrọ te otọ na re,

Izikiẹl 27:30

ayen da teye ugoroviẹ kẹ wẹ, ayen da viẹ oviẹ ro muenu. Ayen da ghwẹ iwurhie ku iyovwi rayen ayen de bruoma phihọ iwurhie.

Izikiẹl 27:6

Vwẹ ehahe ri Bashan ọye ayen vwọ kare uvi wẹn, ayen da vwẹ afọn so erheri ọ ro nẹ erhuru ri Saiprọs rhe, ra vwẹ akeni vwọ phare.

Daniẹl 11:30

Kidie ekọ rẹ Kitim che muẹkpahọ, ọshọ ko muo, ko sioma reyọ, kọ che sioma te uko ophu ko muo, kọ cha vwọ sọ ọphọ ọfuanfọn na. Ko che rhivwi ọ me kerhọn re ihwo re siẹn ọphọ ọfuanfọn na.

Jona 1:3

Ẹkẹvuọvo Jona de vrẹn ọ da djẹ kpo Tarshishi rere ọ djẹ nẹ obaro rẹ Ọrovwohwo. O de kpo erhuru ri Jọpa ọ da mrẹ okọ ro kpo Tarshishi, ọ da hwa igho rẹ ofan, ọ da ro okọ, rere ọ vẹ ayen vwo kpo Tarshish, rere ọ vwọ djẹ nẹ obaro rẹ Ọrovwohwo na.

Ukeri 24:24

Ẹkẹvuọvo ekọ che nẹ Kitim cha ke cha họnre Asshur kugbe Eber; ekpuyovwi rọye ka guọghọ rhe.

Iyẹnrẹ Esiri ri Luk 10:13

Ekan kẹ wẹ, Korazin! ekan kẹ wẹ, Bẹtsaidai Ọ dianẹ iruo ride nana re ru vwẹ evun wẹ na ke ru ayen vwi Taya vi Saidọn, manẹ ayen kurhẹriẹ rhabae, rẹ ayen de rhuo esiso bru oma phihọ iwurhie.

Joshua 19:29

Etiyin ughwru na da rha gẹre kpo Ramah, re te orere ra gba ogba phihọ vwi Taya; etiyin ughwru na de rhe gunu kpo Hosah, o de re vwo oba vwẹ obo abadi, Mahalab, Akzib,