Aizaya 22:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ O si amwa re vwọ phopho Juda no oma. Vwẹ ẹdẹ yena ku wo che ni ekuakua rẹ ofovwi rẹ uwevwi rẹ obo egbo na,

Aizaya 22:8 ပူးပေါင်းရင်းမြစ်များ

1 Ivie 10:17

O de duvwu ekpọfia ujori erha ra vwẹ ororo duvwu; ovwanvwọn rẹ oro shẹkẹl ujori gbe ujuvẹ gbe ihwe ọye e vwo duvwu ekpọfia ọvuọvo; ovie de phi ayen phihọ Uwevwi rẹ Egbo ri Lẹbanọn.

1 Ivie 7:2

Ọ da bọn Uwevwi rọ hẹ obo Egbo ri Lẹbanọn; ugrogro rọye da dia kubit ujori, ohẹhẹre rọye kubit ujuvẹ gbẹ ihwe, enuẹra rọye kubit ọgban, a da bọn phihọ irhiẹ erha vwẹ enu ichivwo rẹ igedu, vẹ eghẹn rẹ igedu re mu kpahe enu rẹ ichivwo na.

Solomon 4:4

Ohọre wẹn epha poroko kerẹ ohẹrhẹ ri Devid, ra bọnre kẹ ọrhẹrotọ, ra ghwẹ ekpọfia vẹ ishuẹ phihọ, ayen ejobi ekuakua rẹ ọgba ofovwi.

Aizaya 22:7

Iyara wẹn ri me yovwi na vọnre vẹ ekpẹrẹ ihwo re gua iyesi na nabọ gbro phihọ vwẹ Inurhoro na.