Aizaya 22:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Kidie Ọrovwohwo Ọghẹnẹ rẹ otuofovwi o vwo ẹdẹ ọvo rẹ edo vẹ echivwo muotọ kugbe ozighi vwẹ iyara rẹ emramrẹ, ra cha vwọ san igbẹhẹ tueghe re che vwo kperi se igbenu

Aizaya 22:5 ပူးပေါင်းရင်းမြစ်များ

Ivie rẹ Ivẹ 19:3

Ayen da ta kẹ, Enẹ Hẹzikaya tare, Nonẹ na ẹdẹ rẹ ukpokpogho, nonẹ ẹdẹ rẹ ekan, nonẹ na ẹdẹ rẹ ophọphọvwe; unwe rẹ emọ na phire, ẹgba rha herọ ra vwọ chuẹ uvwiẹ raye-en.

Ivie rẹ Ivẹ 25:10

Ituofovwi ri Kaldia ejobi re vẹ olotu na gba hẹ etiyin de kporo igbẹhẹ ra vwọ gba ogba yariẹ Jerusalẹm te otọ.

Ẹsta 3:15

Ikọn na da yanran kpata kpata kirobo rẹ urhi rẹ ovie na epha, e de ji urhi na vwi Susa rẹ otorere na. Etiyin ovie na vi Haman de tidia ke da udi, ẹkẹvuọvo orere ri Susa de rhi tighi ku.

Aizaya 10:6

Orere ro jẹ Ọghẹnẹ ẹriẹn mi ji ro ra ihwo rẹ ophu rẹ ayen mu vwe me vuẹ rẹ na rọ reyọ emuọre re gborho ekuakua, re chiyi ayen pẹtẹ pẹtẹ kerẹ ibehre rẹ irhuvwu.

Aizaya 22:1

Arọẹmrẹ kpahe iyara rẹ emramrẹ. Die wo rori ri wo vwo yeri kpenu, ovwan ejobi, vwo yeri kpo enu re uwevwi,

Aizaya 25:10

Kidie Ọrovwohwo cha ghwobọ kpahe ugbenu nana, ke che chiyi Moab phihọ otọ vwẹ asan rọ epha, kirobo re chiyi ẹbe eyaya muotọ vwẹ erhurhu

Aizaya 37:3

Ayen da ta kẹ, Enẹ Hẹzikaya tare, Nonẹ na ẹdẹ rẹ ivuemiovwo rode, ọ rẹ ekan, kugbe ophọphọvwe; unwe rẹ ọmọ o phire, ẹkẹvuọvo ogangan ra vwọ chuẹ uvwiẹ herọ-ọ.

Aizaya 5:5

Gba kerhọn re me ta kẹ wẹn obo ri mi che ru kẹ ogba ri vain mẹ na. Ki mi si ogba na no, ka cha guọghọ, Ki mi tueghe ogba rọye, ke chiyo mu ekpẹn

Aizaya 63:3

Mẹvwẹ ọvo kpoi ri chiyi okọ ri wain na, vwẹ usun rẹ ihwo na ohwo ọvuọvo vwọ ba vwẹ-ẹ, Mi chiyi ayen vwe evun rẹ ophu Mẹ mi de mi ayen vwẹ evun rẹ ivuemiovwo mẹ, ọbara re arhọ rọye na da sare ku iwun Mẹ, Me vwẹ ayen mu iwun Mẹ ejobi.

Aizaya 63:6

Mi chiyi ihwo na muotọ vwẹ ophu Mẹ, Me da vwẹ udi hwe ayen vwẹ ophu Mẹ, Mi de ku ọbara rẹ arhọ rayen ku otọ.

Jerimaya 30:7

Eghwo! ẹdẹ yena rhoro gangan. A mrẹ ẹdẹ re vwo dje-e; ọke rẹ okpetu kẹ Jekọp, dede na e che sivwo no.

Uvwerhe 1:5

Ivwighrẹ rọye keye rha ka enu kẹ o re yovwẹ kẹ ivwighrẹ rọye, fikiridie Ọrovwohwo nẹrhẹ ọ re oja fiki rẹ orukuruku obuebu rọye. E mu emọ rọye kpo ighuvwu vwe aro rẹ ivwighrẹ na.

Uvwerhe 2:2

Ọrovwohwo rhe vwo arodọvwẹ vwẹ ọke rọ vwọ guọghọ ẹdia ri Jakọp ejobi-i; vwẹ ọphu rọye ọ da guọghọ te otọ ogba ọgangan rẹ ọmọtẹ ri Juda, o siro ghwiotọ vẹ ophọphọvwe uvie kugbe isun rọye.

Uvwerhe 2:8

Ọrovwohwo jẹ iroro ro vwo hirhe igbẹhẹ rẹ ọmọtẹ ri Zayọn phihọ erhurhu, O de si usi vwo gbere ughwru phihọ, Ọ da obọ rẹ ẹghwọrọ rọye ji-i; ọ da nẹrhẹ udio vẹ igbẹhẹ viẹ, ayen re koko vwere oma.

Izikiẹl 7:7

Ughwu wẹn bru we rhire, E ihwo re dia otọ na; ọke na rhire ẹdẹ na kẹrire, ẹdẹ rẹ edo, ọ dia ẹdẹ re vwo kperi ukperi rẹ aghọghọ vwẹ obenu rẹ ugbenu-u.

Hosia 10:8

Asan ro kpenu vwi Avẹn, umwemwu rẹ Izrẹl, ka guọgho. Inwe vẹ idjigbẹ ke djẹ vwẹ enu rẹ egbada rayen; kẹ ayen ta kẹ igbenu na, Rhurhu avwanre; kẹ imigbenu na she nyẹ avwanre.

Maika 7:4

Ọ ro me yovwi vwẹ usun rẹ ayen họhọ ebẹn, ọ rọ ma dia ọvwata vwẹ ohri rẹ ayen họhọ ogba rẹ inwe. Ẹdẹ rẹ ọrhẹrotọ rayen, ẹdẹ rẹ ehwe rayen, o te nure; Asakiephana ozighi rayen kẹrẹ otọ re.

Zẹfanaya 1:15

Ẹdẹ yena ẹdẹ rẹ ophu, ẹdẹ rẹ ọdjorho vẹ ivuemiovwo, ẹdẹ rẹ ẹghwọrọ vẹ ekua fiotọ, ẹdẹ rẹ ebri vẹ okuku hwi, ẹdẹ rẹ egho vẹ ebri gbae.

Matiu 24:16

E gbe jẹn ihwo ri Judia djẹ kpo enu rẹ igbenu.

Iyẹnrẹ Esiri ri Luk 23:30

Etiyin ayen ke cha ta kẹ igbenu na, Shenyẹ avwanre; igbenu itete na, rhurhu avwanre.