Aizaya 22:21 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²¹ ki mi che ku adagba wẹn phihọ oma, ke me vwẹ umuamwa wẹn vwo muo, ki mi phi ogangan wẹn phihọ obọ, kọ cha dia ọsẹ kẹ ihwo ri Jerusalẹm kugbe uwevwi rẹ Juda.

Aizaya 22:21 ပူးပေါင်းရင်းမြစ်များ

Jẹnẹsis 45:8

Ọtiọye na ọ gbe dianẹ ovwan ri ji vwe rhe obonẹ-ẹ, ẹkẹvuọvo Ọghẹnẹ; ọ da vwẹ ovwẹ ru ọsẹ ki Fero, kugbe olori rẹ uwevwi rọye ejobi vẹ osun rẹ otọ rẹ Ijipt ejobi.

Ẹsta 8:15

Etiyin Modekai da yan phia nẹ obaro rẹ ovie na vẹ edagba rẹ uvie e rẹ ọgiọgiọ vẹ efuanfon, vẹ erhu rẹ uvie rẹ oro kugbe adagba rẹ esada oyoyovwi kugbe isene, jẹ orere ri Susa kperẹ ghọghọ.

Ẹsta 8:2

Ovie na da yoro isa rọye, ọ rọ reyọ mie Heman jovwo na, ọ da vwọ kẹ Modekai. Ẹsta de phi Modekai phihọ enu rẹ uwevwi ri Heman.

ỌBE RẸ JOB 29:16

Mẹvwẹ kẹ ọsẹ kẹ ovwiogbere na, me da guọnọ otọ rẹ ohwo re me riẹnre-e.

Izikiẹl 23:15

ayen nabọ vwẹ umuamwa mu ehun rayen, vẹ erhu ri siẹjọjọ ri vwo tughẹ uyovwi rayen, a da mrẹ ayen ejobi kere ihwo rẹ ofovwi, uhoho rẹ ihwo ri Babilọn re dia otọ ri Kaldia.

1 Samuẹl 18:4

Jonatan da ghwiẹ adagba rọ oma rọye no, ọ da vwọ kẹ Devid, kugbe ekuakua rẹ ofovwi rọye, kugbe ekpuyovwi rẹ ọlọkọ rọye vẹ umurhabọ rọye kugbe umuamwa rọye.