Aizaya 22:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² ovwan re vọnre vẹ unuebo na, orere rẹ edo, orho ro mu oma kpenu? irivwi wẹn dia ọlọkọ e vwọ hwe aye-e, eyẹ i ghwu vwẹ ofovwi.

Aizaya 22:2 ပူးပေါင်းရင်းမြစ်များ

Aizaya 10:4

Emuọvo rhe chekọ-ọ jokpa rẹ ighuvwu ra cha ghwọrọ eyẹ eye she vwẹ ohri rẹ ihwo re hweri. Kidie vwẹ enana ejoi na ophu rọye fueri-i yen obọ rọye je riẹn phia.

Aizaya 23:7

Ọnana orere wẹn ro titiri na rọ herọ nẹ awanre rhe na, rọ vwẹ owọ rọye yan rọ isi na!

Aizaya 32:13

kidie otọ rẹ ihwo mẹ, o rhi di vọn vẹ inwe kugbe ebe; uyota, fiki re lwevwi re aghọghọ ejobi re he evun rẹ orere re aghọghọ na.

Aizaya 32:14

Kidie ighen na a cha mrẹ ayen dje, orere rọ do ve ihwo na kua fiotọ, te igbenu re itete kugbe uwevwi re ohẹrhẹ ki hirhe phihọ emwa bẹdẹ asan re eketekẹtẹ da ghọghọ, odi phiephiephie kẹ uchuru;

Aizaya 37:33

Vwẹ ọtiọye na enẹ Ọrovwohwo na ta kpahe ovie rẹ Asiria, Ọ cha sa rhe orere nana-a, eyẹ ọ cha sa sa odada phihọ-ọ, eyẹ ọ cha vwẹ ubiri rhe-e, yẹ o cha sa ma ibi igbenu riariẹ igbẹhẹ rẹ orere na-a.

Aizaya 37:36

Etiyin amakashe re Ọrovwohwo da yan phia, ọ da ghwiẹ ihwo odu gbe ujọne gbe iyori vwẹ evun rẹ erhọn rẹ Asiria na, rẹ ihwo vwọ rhọvwọ rhe vwẹ irhiọke re, asan ejobi vọnre vẹ irivwi.

Jerimaya 14:18

Mi de kpo evun rẹ aghwa nighe, irivwi rẹ ihwo re hweri hẹ oboyi. Ọ da dianẹ me ro evun rẹ orere na nighe, emiavwe rẹ owẹvwe! Kidie te ọmraro vẹ orherẹn nenesi rẹ eki rayen wan otọ na duvwu, ayen gbi vwo iroro-o.

Jerimaya 38:2

nẹ, Enẹ Orovwonwo tare, Ohwo ro chekọ ọrho nana ọlọkọ vẹ owẹvwe kugbe emiavwe che hwe; ẹkẹvuọvo ohwo rọ yan bru ihwo ri Kaldia cha rhọ, arhọ rọye cha dia kerẹ osa rẹ ofovwi, ọ me rhọ.

Jerimaya 52:6

Ẹdẹ rirhiri rẹ emeranvwe rẹne owẹvwe da rhe gan gangan vwẹ orere na, rẹ emuọre rha herọ kẹ ihwo rẹ otọ na-a.

Uvwerhe 1:1

Mavọ orere rọ vọnre vẹ ihwo jovwo na di vwo tidia hoho! Mavọ ọ rhe vwọ dia kere ayeuku, ọ rọ rhoro vwẹ ohri rẹ ẹgborho na! ọ rọ dia ọmọte rẹ ovie vwẹ ohri rẹ irere na rhi hirhe phihọ ọviẹn.

Uvwerhe 2:20

Nighe, E Ọrovwohwo rere wọ mrẹ! Ono wọ vẹ ọye gbe ru imu nana vwọ? Kẹ eya re emọ rayen, emọ rẹ ayen vwọ bele na? Eyẹ ke hwe irherẹn vẹ emraro ghwu vwẹ ẹshẹ rẹ Ọrovwohwo?

Izikiẹl 22:5

Otu re kẹrẹ owẹ kugbe otu ri sheri kẹ wẹn ke vwẹ owẹ jehwe, wẹ rẹ odẹ rọye gbo hwe ihwo na, rọ vọnre vẹ ukperi na.

Zẹfanaya 2:15

Ọnana orerẹ ro muẹ oma kpenu na rọ herọ vwẹ ofuvwegbe, rọ ta kẹ oma rọyẹ, Mi herọ ohwo ọfa gbe herọ chọ vwẹ ra-a. Gbe nighe kọmavọ a rha vwọ kua fiọtọ, urhuẹn rẹ eranvwẹ re djoma! Kohwo kohwo rọ wanvrẹn kọ fiọn unu kpogho obọ.