Aizaya 22:14 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁴ Ọrovwohwo rẹ otuofovwi na vwẹ oma rọye phia ke vwẹ nyo. Uyota orukuruku nana e se vwo ghovwo uvwe-e bẹsiẹ wo vwo ghwu eriyin Ọrovwohwo Ọghẹnẹ rẹ otuofovwi tare.

Aizaya 22:14 ပူးပေါင်းရင်းမြစ်များ

2 Samuẹl 6:23

Mikal rẹ ọmọtẹ ri Sọl gbi vwo ọmọ rhi te nonẹ na-a.

Aizaya 13:11

Ki mi hwe akpọ na fiki rẹ umiovwo rọye, oruimwemwu fiki rẹ orukuruku rọye; ki mi ru eheri rẹ ohwo ro phuoma vwo oba, ọkon rẹ ohwo ro shuẹ akpọ ko fue.

Aizaya 26:21

Kidie nighere, Ọrovwohwo na re nẹ ẹdia rọye cha ro che vwo hwe ihwo rẹ akpọ na fiki rẹ umwemwu rayen, akpọ na kọ cha vwẹ ọbara re hweri vwẹ evun rọye phia, o gbi che rhurhu ihwo re hweri na ọfa-a.

Aizaya 30:13

fiki rẹ ọtiọye na orukuruku na kọ cha dia kẹ wẹ kerẹ ova vwẹ oma rẹ igbẹhẹ, rọ vẹn tutu kpo uko, ro che rhurie she, ro che she ẹsiẹvuọvo kpregede,

Aizaya 31:2

Dede na ọye re ghwanre ọye je ghwa okpetu cha, o se ota rọye rhivwi-i, ẹkẹvuọvo o che vrẹn vwo so uwevwi re otu ri ruẹ umwemwu, kugbe ihwo re cha orukuruku uko

Aizaya 5:9

Ọrovwohwo rẹ otuofovwi na o duvwu iyori kẹ vwẹ nyo. Uyota iwevwi buebu cha dia ofefe, iwevwi ride yoyovwi, ihwo gbe dia aye-en.

Aizaya 65:20

A gbe cha mrẹ vwẹ evun rọye ọfa-a, ọmọ ọboba rọ wan emọ kpo emọ-ọ, eye ọmare rẹ ẹdẹ rẹ ughwu rọye jẹ gba-a kidie omotete ke ikpe ujori o vwo ghwu, oruimwemwu ro te ẹgbukpe ujori yẹ a harherọ.

Aizaya 65:7

orukuruku rayen kugbe orukuruku rẹ ese rayen kugbe, eriyin Ọrovwohwo tare; fikiridie ayen torhẹ egẹn vwẹ enu rẹ igbenu na ayen da van ku vwe vwẹ enu rẹ igbenu itete na, Me cha vwanvwe phihọ agada rayen osa re ọbo rayen ruru rhabae.

Izikiẹl 24:13

Ekagha rọye na ọye ọfanrhiẹn vẹ igberadja wẹn. Me hworhẹ owẹ yu wọ rhọvwe fon nẹ inuhu wẹ-ẹn, wọ gbe cha fon ọfa-a bẹsiẹ me cha vwọ kpa ophu mẹ ku we nu.

Emọs 3:7

Uyota Ọrovwohwo Ọghẹnẹ na se ru emuọvo-o, ro de je odjahọ rọye ẹ vwọ phia kẹ ihwo rọye emraro na-a

Emọs 8:7

Ọrovwohwo na vwẹ omephuo ri Jekọp vwo duvwu iyori nure; uyota uruemu rayen sa cha chọrọ ovwẹ ẹro-o.

1 Samuẹl 3:14

Fiki rẹ ọtiọye na ki mi duvwu iyori kẹ uwevwi rẹ Eli nẹ izobo re zeri kugbe ẹkpẹvwẹ se phoro orukuruku rẹ uwevwi rẹ Eli na nu bẹdẹ-ẹ.

1 Samuẹl 9:15

Asakiephana vwẹ ẹdẹ rọ wanu ri Sọl ke rhe na, Ọrovwohwo da vwọ phia kẹ Samuel: