Aizaya 22:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ gbe nighere, aghọghọ vẹ omavwerhe, e hwe irhuẹn e hwe igodẹ, e ria uvwo rẹ eranvwe ayen da idi. Jẹn avwanre re ra da, kidie odẹ rọ cha ki me ghwu.

Aizaya 22:13 ပူးပေါင်းရင်းမြစ်များ

Aizaya 26:10

Ọ da dianẹ e ru emu esiri kẹ oruimwemwu, o se yono phihọ ohwo esiri-i; vwẹ evun re otọ re evwata na, o ji ruẹ igburuku, ọ sa mrẹ ogangan rẹ Ọrovwohwo vughe-e.

Aizaya 29:1

E Ariẹl, Ariẹl, wẹ orere ri Devid muerhọn phihọ na! vwẹ ukpe ba ukpe; jẹn orẹ na rhe vwẹ ọke rọye.

Aizaya 47:8

Asakiephana gbe nyo Ọnana, wọwẹ rọ guọnọ ojevwe, ro tidia vwẹ egbemọphẹ rọ ta vwẹ udu wẹn, Mẹvwẹ, ohwo ọfa gbi te vwe-e, Mi gbi tidia kerẹ ayeuku-u ayen riẹn ọdavwe re emọ ri ghwru-u.

Aizaya 5:11

Ekan ke ihwo ri vrẹn vwẹ irhiọke rhirhi rere ayen djẹ nene idi egangan, ri tidia rhirin re te ovwọvwọn bẹsiẹ rẹ idi vwo mu ayen!

Aizaya 5:12

Ayen vwo ine vẹ isorogun, urephe vẹ owanre kugbe udi vọn asan orẹ rayen; ẹkẹvuọvo ayen se uruemu rẹ Ọrovwohwo gbe emu-u, eyẹ kẹ iruo rẹ obọ rọye-e.

Aizaya 5:22

Ekan ke otu re dia egba rẹ idi ẹda, re goma rẹ idi ogangan ẹgua,

Aizaya 56:12

Yanrhe, ayen da ta, e jẹn avwanre da udi, e jẹn avwanre da idi egangan vọ evun, odẹ rọ cha na je cha họhọ nonẹ na, rhuarho nẹ ẹdẹ ejobi.

Aizaya 58:3

Die avwanre vwo chirẹ owẹvwe, yu wọ gbe mrẹ-ẹ? Die avwanre vwọ vwẹ oma re avwanre kpotọ, yo wọ gbe rha riẹ-ẹn? Nighere, ẹdẹ wo de chire owẹvwe na yẹ avwerhe rẹ obọ wẹn wọ guọnọ, wo mie shenyẹ iruiruo wẹn.

Izikiẹl 16:49

Nighe, Ọnana abe rẹ oniọvo wẹn rẹ ọmọtẹ Sodọm: te ọye vẹ emetẹ rọye muẹ oma kpenu, ayen vwo emuọre buebu, akpọ yovwẹ ayen, ẹkẹvuọvo yẹ ayen cha ivwiogbere rẹ akpọ bẹn uko-o.

Hosia 9:1

Wọ ghọghọ-ọ, E Izrẹl! wo jẹn oma vwerha owẹ kerẹ ihwo na-a; kidie wo gbe igberadja, wọ da sen Ọghẹnẹ wẹn. Osa ra hwa kẹ igberadja ọye ri je we vwẹ utuwevwi re de wuye.

1 Kọrẹnt 15:32

Didi erere ri te vwe ọ da dianẹ, me ta ọnana kerẹ ohwo rẹ akpọ, re me vẹ eranvwe vwọ họnre vwẹ Ẹfesọs? Ọ da dianẹ irivwi rhe vrẹn nẹ ughwu-u, E gbe jẹn avwanre re re a da, kidie odẹ rọ cha na ki me ghwẹ.

Jems 5:5

Ovwan nabọ re akpọ na yoyovwi, avwerhe rẹ ovwan rere ọbasa-an; ovwan reyọ ekuakua rẹ ihwo rẹ ovwan hweri ekueku vwọ ghẹrẹ udu rẹ ovwan.