Aizaya 21:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Ọtiọye ehun mẹ vọnre vẹ uvwerhe; ọdjarhe mu vwe gba, kerẹ odjadja rẹ aye rọ chuẹ uvwiẹ, Mi si wurhu o gbi ju vwe nyo ẹme-e, ofu dje vwe hwe me gbe mrorẹ-ẹ.

Aizaya 21:3 ပူးပေါင်းရင်းမြစ်များ

Une rẹ Ejiro 48:6

oma kọ phariẹ ayen vwẹ etiyin, kere aye rọ chuẹ uvwiẹ.

Aizaya 13:8

ofu ko dje ayen. Obi vẹ odjadja ko fru ayen, ke mrẹ odjadja kerẹ aye rọ chuẹ uvwiẹ. Kẹ ayen rhienu phihọ ni ohwohwo, opharo rayen ki mu la.

Aizaya 15:5

Udu mẹ rọ viẹ kẹ Moab; ighuvwu rọye djẹ kpọ obi Zọar, kpo obi Eglat-shelishiyah. Kidie vwẹ asan ugbenu ri Luhit ayen viẹ bẹn ayen yere kpenu, vwe idjerhe ra wan kpọ Họrọnaim ayen teyọ unuebo rẹ ẹghwọrọ,

Aizaya 16:11

Fiki rẹ eriyin na erhi mẹ ro brenu kerẹ owanre fiki ri Moab, eriyin udu mẹ je epha kẹ vwọ Kir-heres.

Aizaya 16:9

Eriyin na oviẹ ri Jazer kọ nẹrhẹ ovwẹ viẹ fiki ri vain ri Sibmah, Me vwẹ oviẹ mẹ kpọrhọ owẹ, E Hẹshbọn kugbe Elealeh; kidie vwẹ enu rẹ emamọ wẹn kugbe orhọ wẹn ọye unuebo rẹ ofovwi na she phihọ.

Aizaya 26:17

Kerẹ aye rọ chuẹ uvwiẹ ro phre ro ghunle bunu vwẹ odjadja rọye, vwẹ ọke rẹ uvwiẹ rọye de te, ọtiọye avwanre epha fiki wẹn. E Ọrovwohwo;

Jerimaya 4:19

Odjadja mẹ odjadja mẹ, me rọ chahe oma vwọ! E, igbẹhẹ rẹ udu mẹ! Udu me ra nwẹn frẹfrẹ; Me gbe sa fọ-ọ; Kidie mi nyo edo rẹ ọgban na, ekpẹrẹ rẹ ofovwi.

Jerimaya 48:41

a cha reyọ irere na ogba ọgangan na ke che gborho. Udu rẹ ihwo rẹ ofovwi rẹ Moab cha dia vwẹ ẹdẹ yena kerẹ udu rẹ aye rọ chuẹ uvwiẹ,

Jerimaya 49:22

Nighe, ọvo cha kparoma rọ da rhan pherephere kerẹ ugo, ko rhie ibekpe rọye phihọ kpahe Bọzra, udu rẹ egbofovwi rẹ Idọm vwẹ ẹdẹ yena ke họhọ ọ rẹ aye rọ chuẹ uvwiẹ,

Jerimaya 50:43

Ovie ri Babilọn nyo usi rayen, abọ rọye de she ghwrọghọ, ophu de muo, odjadja kerẹ ọ rẹ aye rọ chuẹ uvwiẹ.

Jerimaya 6:24

Avwanre nyo ikun rọye, abọ re avwanre ke ghwrọghọ odjadja te avwanre unu, odjadja kerẹ aye rọ chuẹ uvwiẹ.

Habakọk 3:16

Mi vwo nyo, oma me kọ phariẹ, ẹbẹrunu mẹ ko muẹ phariẹ; ibeku mẹ ki di muẹ gbo, awọ mẹ ki di muẹ phariẹ. Mi mudia gbiẹi herhẹ ẹdẹ rẹ ukpokpogho che vwo she vwa ihwo re kparẹ ofovwi bru avwanre rhe.

Iyẹnrẹ Esiri ri Jọn 16:21

Ọke rẹ aye da chuẹ uvwiẹ kọ mrẹ odjadja, fikiridie yẹ ọke rọye tere; ẹkẹvuọvo ọke ro de vwiẹ ọmọ na nu, ọ gbe karohọ odjadja na ọfa-a, fiki rẹ aghọghọ rẹ ọmọ ro vwiẹ phihọ akpọ na.

Urhi Rivẹ 28:67

Kẹ ovwan cha ta vwẹ urhiọke nẹ, Manẹ ọ dia ovwọnvwọn! ovwọnvwọn wọ Me rha ta nẹ, Manẹ ọ dia urhiọke! vwi fiki rẹ oshọ ro che mu udu rẹ ovwan na, kugbe obo rẹ ibiẹro rẹ ovwan cha mrẹ.

1 Tẹsalonaika 5:3

Ọke rẹ ihwo vwọ ta nẹ, Ufuoma kugbe ofuvwegbe he rọ, siẹvuọvo na ughwu mi rhi she teye ayen kpregede kerẹ aye rọ chuẹ uvwiẹ, o gbi rhe vwo ohwo rọ cha djẹ vabọ-ọ.