Aizaya 20:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Eriyin ovie rẹ Asiria che mu ihwo rẹ Ijipt ighuvwu ihwo rẹ Itiopia ke mu ayen kpo imu te imitete te ekpako. Ẹbẹba vẹ awọ ofefe, vẹ ikebe ri rhie phihọ, rọ dia omaẹvuọ kẹ Ijipt.

Aizaya 20:4 ပူးပေါင်းရင်းမြစ်များ

2 Samuẹl 10:4

Kọye Hanun da reyọ idibo ri Devid, ọ da wanre ẹtuegba rayen ọvuọvo, o de bru ewun rayen fi vwẹ ugava, vwẹ asan ubiọchọ, o de ji ayen kpo.

1 Ikun rẹ Ivie 19:4

Etiyin Hanun da reyọ idibo ri Devid ọ da wanrọ ayen ẹtuegba, o de bru Iwun rayen vwẹ uherevie, vwẹ asan ehun rayen, o de si obọ nẹ ayen; ayen da yanran kpo.

Aizaya 19:4

Ki mi siobọ nẹ ihwo rẹ Ijipt vwọ kẹ onini rọ goma; ovie rọ djoma ko che sun ayen, eriyin Ọrovwohwo, Ọrovwohwo rẹ otuofovwi na tare.

Aizaya 3:17

Ọrovwohwo cha vwẹ ogbẹn ghwiẹ uyovwi emetẹ ri Zayọn, kọ cha ba odjahọ rayen phihọ.

Aizaya 31:2

Dede na ọye re ghwanre ọye je ghwa okpetu cha, o se ota rọye rhivwi-i, ẹkẹvuọvo o che vrẹn vwo so uwevwi re otu ri ruẹ umwemwu, kugbe ihwo re cha orukuruku uko

Aizaya 31:3

Ihwo rẹ Ijipt na ihwo rẹ akpọ, e dia Ọghẹnẹ-e iyesi rayen ugboma gheghe, e dia erhi-i Ọke rẹ Ọrovwohwo da riẹn obọ rọye phia, ọchuko na kọ yẹghrẹ, ihwo rọ chọ na ki she, ayen ejobi ke ghworọ kugbe

Aizaya 47:2

Reyọ ọmọ re ukuta re wọ nọ si oga wẹn nu, ghwie adngba wẹn nu, rhie awọ wẹn phihọ, wan evun rẹ urhie wẹn.

Aizaya 47:3

A cha mrẹ ẹba wẹn, omaevuo wẹn ka cha mrẹ Me cha reihri, mi ji ohwo ọvuọvo vwo-o.

Jerimaya 13:22

Ọ da dianẹ wọ ta vwẹ udu wẹn, Die sorọ rẹ enana vwo bru uwẹ rhe? fiki rẹ ọrho rẹ umwemwu wẹn a vwọ kparẹ eshamwa wẹn wọ da re oja fiki rẹ omaẹdja wẹn.

Jerimaya 13:26

Mẹvwẹ ọvo cha kpare eshamwa wẹn rhurhu opharo wẹn, ka mrẹ omẹvuọ wẹn.

Jerimaya 46:19

Rhuẹrẹ ekuakua kẹ oma rẹ ovwan ru we kpo imu, E ihwo rẹ Ijipt! Kidie Mẹmfis cha dia ofefe, erhurhu, o rhe vwo ohwo-o.

Jerimaya 46:26

Mi che phi ayen phihọ obọ rẹ otu re guọnọ ayen hwe, phihọ obọ ri Nebukadreza ovie ri Babilọn vẹ inotu rọye. Ukuko rọye ka cha dia Ijipt kerẹ ọke rẹ awanre ye, eriyin Ọrovwohwo tare.

Izikiẹl 30:18

Vwi Tehafnehes uvo na ko che mu Etiyin me da guọghọ isuesun rẹ Ijipt, ẹgba rọye ro vwo herẹ na ko che vwo oba, ka cha vwẹ egho rhurho, ke mu emetẹ rọye ighuvwu.

Emọs 9:7

Ọ dianẹ wọ họhọ ihwo rẹ Etiopia kẹ vwẹ? E ihwo rẹ Izrẹl? eriyin Ọrovwohwo na tare, Ọ dia omẹvwẹ ri si Izrẹl nẹ otọ rẹ Ijipt rhe, vẹ ihwo ri Filistia nẹ Kaftọ rhe vẹ Siria nẹ Kir rhe?

Maika 1:11

Yan kpo obo wọ ra, ihwo re dia Shafir, vwẹ ẹbẹba vẹ omaẹvuọ, Ihwo re dia Zaanan cha ro uphephẹ-ẹ; ọmaebere ri Betezẹl cha reyọ asan ro mudia na mie we.

Nahum 3:10

Dede na ye muro yanran ghẹnẹ, e muro kpo ighuvwu; imitete rọye na a da vwẹ ayen fotọ yẹyẹghẹ vwẹ obo oba rẹ urhuvwu ọvuọvo; ka vwi fiki rẹ ihwo ride re herọ duvwu itẹ, ihwo ride re herọ ejobi a da vwẹ ojọnrọn gba ayen.

Zẹfanaya 2:12

Ji te owẹ rhe, E ihwo rẹ Itiopia, odan mẹ kọye mi vwo hwe we.

Ẹvwọphia 3:18

Kọye mi vwo dje aghwanre kẹ wẹ nẹ dẹ oro rọ epha wrowro mie vwe, re wo fe; kugbe ewun ọfuanfon wo ku phihọ rere wo rhurhu ẹban wẹ re oma vwo jẹ uwe ẹvuọ, rere wọ rhọghọ ẹro wẹn, re wọ mrorẹ.