Aizaya 2:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Kidie wo se ihwo wẹn, uwevwi ri Jekọp, kidie ayen vọnre vẹ emraro ri nẹ obọrhe rhe vẹ ẹboepha kerẹ ihwo ri Filistia ayen vẹ erhorha kere gbe mu ugbeyan.

Aizaya 2:6 ပူးပေါင်းရင်းမြစ်များ

Ivie rẹ Ivẹ 1:2

Ọke nana Ahazaya de fi wan ọdjẹvwe rẹ uvun rẹ egedege rọye rọ hẹ Sameria she, kọ hovwan; o de ji ikọn, ọ da ta kẹ ayen nẹ, Ovwan yanran, ovwan ra nọ vwẹ obọ rẹ Bẹlzibọb, ẹdjọ rẹ Ekrọn, sẹ mi se nẹ ọga nana.

Ivie rẹ Ivẹ 17:20

Ọrovwohwo da siẹn ekrun rẹ Izrẹl ejobi, Ọ da vwẹ oja re ayen, o de siobọ nẹ ayen kẹ ihwo re ghwọrọ ihwo, bẹsiẹ rọ rhe vwọ djẹ ayen ejobi nẹ obaro rọye.

1 Ikun rẹ Ivie 10:13

Etiyin Sọl de ghwu fiki ri je segbuyota rọye, o se Ọrovwohwo gbuyota-a kidie ijẹmienyo, ọ yọnrọn urhi rẹ Ọrovwohwo-o, ọ je ra guọnọ uchuko vwẹ asan ọfa ọ je ra bọ epha

2 Ikun rẹ Ivie 15:2

Ọ da yanran ra vwa Asa, ọ da ta kẹ, kerhọn mẹ, Asa, kugbe Juda vi Bẹnjamin ejobi; Ọrovwohwo na vẹ owẹ herọ, vwẹ ọke ro wọ vẹ ọye da herọ. Wọ da guọnọ, ku wọ mrẹ, ẹkẹvuọvo wọ da siọn, kọ sen wẹ.

2 Ikun rẹ Ivie 24:20

Etiyin Erhi rẹ Ọghẹnẹ de re mu Zekaraya ọmọ ri Jehoiada rẹ orherẹn na; o de mudia kenu kẹ ihwo na, ọ da ta kẹ ayen, E nẹ Ọghẹnẹ tare, Die wa vwọ chọ urhi rẹ Ọrovwohwo, vwẹ ọtiọye na o rhe yovwi kẹ ovwa-an? Fikiridie wa sen Ọrovwohwo na kọ je sen ovwan.

Nehemaya 13:23

Vwẹ ọke yena me da je mrẹ ihwo ri Ju re rọvwọ eya re Ashdọd, Amọn, kugbe Moab,

Une rẹ Ejiro 106:35

ẹkẹvuọvo ayen de kuoma kugbe ẹgborho na ayen de ru kirobo re ayen ruru.

Ẹyano 22:18

Wo jẹn ọbuepha vwo rẹ ọ dia akpọ-ọ.

Ẹyano 34:16

etiyin wa me rha vwẹ emetẹ rayen kẹ emeshare rẹ ovwan emetẹ rayen mi gbe ọfarhiẹ nene edjọ rayen ayen mi rhe ru emeshare rẹ ovwan vwo gbe ọfarhiẹ nene edjọ rayen.

Isẹ 6:1

Ọmọ mẹ, wọ da re esarobọ kẹ ọrivẹ wẹn, wo de ve ivẹ kẹ ọrhorha;

Aizaya 14:29

Wa ghọghọ-ọ E Filistia, ovwan ejobi, nẹ evwirhi ọkpọ ra vwọ ghwiẹ wẹ, kidie nẹ owọ rẹ ọrọdekọ rhe, Etiyin ọrobiebi che nurhe, emamọ rọye ke cha dia ọrọdekọ rọ rhan.

Aizaya 8:19

Ọke rẹ ayen da ta kẹ ovwan nẹ, Eru ẹboepha kugbe otu re azẹ ri tue, ihwo rhe brẹ Ọghẹnẹ rayen ra kpo epha-a? Kẹ ihwo ra bọ epha vwẹ obọ rẹ ohwo ghweghwu fiki rẹ ohwo ọkpokpọ?

Jerimaya 10:2

Enẹ Ọrovwohwo na tare: Wo yono uruemu rẹ ẹgborho na-a, wọ je djẹ oshọ rẹ eka rẹ obenu na-a, kidie ẹgborho na e je djẹ oshọ rayen,

Jerimaya 12:7

Me siẹn uwevwi mẹ, me yan jẹn ukuẹriọ mẹ vwo, mi phi ọ ro je vwe phihọ obo rẹ ivwighrẹ rọyẹ.

Uvwerhe 5:20

Die avwanre vwo chọrọ owẹ ẹro bẹdẹ, die wọ vwọ siẹn avwanre kri te enẹ?

Livitikọs 19:31

We rhivwi bru otu re eboepha-a, eyẹ erieda-a; wọ guọnọ ayen phia-a, ayen de gbe we ẹgua: Mẹvwẹ Ọrovwohwo Ọghẹnẹ wẹn.

Livitikọs 20:6

Ohwo de bru ẹboepha vẹ eriedan, keye ọ vọye gbe ruẹ kugbe, ki mi hirhe opharo Me ku ohwo yena, ki mi bro nẹ ohri rẹ ihwo rọye.

Maika 5:11

ke Me guọghọ irere rẹ otọ wẹn kufia ki mi kporo egba ọgangan wẹn she;

Maika 5:12

ke Me nyavwe ihwo re mraro vwẹ otọ wẹn kufia wo gbi che vwo ihwo re mraro ọfa-a;

Zẹfanaya 1:8

Vwẹ ẹdẹ rẹ izobo rẹ Ọrovwohwo na– Ki mi che hwe inotu na vẹ emọ rẹ ovie na kugbe ayen otu re vwẹ emwa erhorha vwo rhuo.

Ukeri 23:7

Etiyin Balaam de mu ikun egbe phihọ, ọ da ta, Nẹ Aram Balak da reyọ ovwẹ rhe, ovie ri Moab nẹ ugbenu rẹ obaro ọnre rhe; Yanrhe, mo duvwu Jekọp iyori kẹ vwẹ yanrhe, mọ rhe bọphiẹ Izrẹl!

Ọbe ri Pọl si rhe Ihwo ri Rom 11:20

Ọyena uyota. Fiki ri jesegbuyota rayen a vwọ nyavwe ayen kufia, ẹkẹvuọvo fiki rẹ esegbuyota kọye a rha vwọ reyọ owẹ tamuọ. Wọ ghwa yan eya-an, djẹ oshọ rẹ Ọghẹnẹ.

1 Samuẹl 6:2

Ihwo ri Filistia de se irherẹn na kugbe eboepha na tanẹ, Kidie avwanre ru ekpeti rẹ Ọrovwohwo na? Ta kẹ avwanre kidie avwanre vwo suo kpo asan rọye?