Aizaya 2:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ E uwevwi ri Jekọp, yanrhe, je avwanre yan vwẹ urhukpẹ rẹ Ọrovwohwo.

Aizaya 2:5 ပူးပေါင်းရင်းမြစ်များ

Une rẹ Ejiro 36:10

E phi obọ phihọ ẹguọnọ wẹn rọ rhẹriẹ-ẹ na kẹ otu re riẹn wẹn, esivwo wẹn kẹ ohwo rẹ udu rọye dia ọsoso!

Une rẹ Ejiro 89:15

Ebruphihọ kẹ ihwo re riẹn ekpere rẹ orẹ na, re yan vwẹ urhukpẹ rẹ opharo wẹn, E Ọrovwohwo,

Une rẹ Ejiro 89:16

re ghọghọ vwe odẹ wẹn vwẹ edẹ na ejobi, re kpare ọvwata wẹn kpenu.

Aizaya 2:3

ihwo buebu ke cha rhe, ayen me ta: Yanrhe, e je kpọ ugbenu rẹ Ọrovwohwo na, kpo uwevwin rẹ Ọghẹnẹ ri Jekọp, rere o yono avwanre idjerhe rọye re avwanre nene ada rọye, kidie evun ri Zayọn ọye urhi che nurhe, ota rẹ Ọghẹnẹ ko nẹ Jerusalẹm rhe.

Aizaya 58:1

Bunu gangan, wo jovwo-o, van kperi kerẹ ekper-ẹ dje ogbeku re ihwo mẹ kẹ ayen, dje kẹ uwevwi ri Jekọp umwemwu rayen.

Iyẹnrẹ Esiri ri Luk 1:79

ro lo mu ihwo re hẹ ebri kugbe uhoho rẹ ughwu, ro sun avwanre vwẹ idjerhe rẹ ufuoma.

Ẹfesọs 5:8

Kidie ebri ovwan epha jovwo, ẹkẹvuọvo vwẹ asakiephana ovwan kẹ urhukpẹ vwẹ evun rẹ Ọrovwohwo; wa gba yan kerẹ emọ rẹ Urhukpe.

1 Jọn 1:5

Ovuẹ nana rọ vuẹ avwanre na kọye avwanre ghwoghwo kẹ ovwan na, nẹ Ọghẹnẹ hẹ urhukpẹ kaka emebri ọvuọvo rhere-e.

1 Jọn 1:7

ẹkẹvuọvo avwanre da yan vwẹ evun rẹ urhukpẹ, kirobo rẹ ekpuyovwi rọye hẹ evun rẹ urhukpẹ na, avwanre ohwohwo ki vwo okugbe kẹ ohwohwo, ọbara ri Jesu Ọmọ rọye kọ hworhẹ avwanre nẹ umwemwu ejobi.