Aizaya 2:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Ko che guẹdjọ rẹ orere vẹ orere, ko che brorhiẹ rẹ ihwo buebu kẹ ayen che duvwu oda rayen phihọ ighwro, ibiri rayen phihọ egbage, orere gbe cha kparo oda vwọ so orere, eyẹ ayen gbe cha kpare ofovwi ọfa-a.

Aizaya 2:4 ပူးပေါင်းရင်းမြစ်များ

Une rẹ Ejiro 110:6

O che brorhiẹ vwẹ ohri rẹ ẹgborho na. irivwi cha vọn evun rẹ ayen ejobi, ọ cha hra ehọnvwọre na nene enu rẹ otọ na ejobi.

Une rẹ Ejiro 46:10

Fọ gbiẹi, wọ riẹn nẹ Mẹvwẹ Ọghẹnẹ. Mẹvwẹ a kpare kpenu vwẹ ohri rẹ ẹgborho na, Mẹvwẹ a kparẹ kpenu vwẹ akpọ na!

Une rẹ Ejiro 46:9

Ọ nẹrhẹ ofovwi fue re te oba rẹ akpọ na; o vwirhi umurhabọ, o de wurhu ubiri, ọ vwe erhanre torhẹ ekpẹrẹ rẹ ofovwi

Une rẹ Ejiro 82:8

Vrẹn, E Ọghẹnẹ, brorhiẹn rẹ akpọ na; kidie ẹgborho rẹ akpọ na ejobi ewẹn!

Une rẹ Ejiro 96:13

vwẹ obaro re Ọrovwohwo, kidie ọ cha rhe, kidie ọ cha rhe ri guẹdjọ re akpọ na. O che guẹdjọ rẹ akpọ na vwe ọvwata, ihwo na ejobi vẹ uyota rọye.

Aizaya 32:17

Erere rẹ ọvwata kọ dia ufuoma, otọ rẹ ọvwata, ke ofuvweghe kugbe ẹro evwosuọ bẹdẹ.

Aizaya 32:18

Ihwo mẹ ke cha dia asan re ufuoma, asan rẹ eghemọphe, edia rẹ ọmaerovwo fuefu.

Aizaya 33:22

Kidie Ọrovwohwo na oguẹdjọ re avwanre, Ọrovwohwo osun re avwanre, Ọrovwohwo na ovie re avwanre, o se sivwi avwanre

Aizaya 42:1

Nighere, odibo mẹ, re me vwẹ obọ mẹ yọnre, ọ re me jereyọ, ọ re erhi mẹ guọnọre; Mi phi erhi mẹ phihọ oma, kọye che brorhiẹ rẹ ọsoso kẹ ẹgborho na.

Aizaya 42:3

ugbẹn rẹ eyareya dede o se vwirho-o, urhukpẹ rẹ evwri yẹrẹyẹrẹ o se fuo-o, orhiẹ rẹ uyota vẹ ọsoso ọye o che bru.

Aizaya 9:5

Kidie edo rẹ isabatọ rẹ ọgba ofovwi vwo chiyi otọ kugbe ewun ejobi ri gbunie ọbara ke torhẹ kerẹ irhe vwẹ erhanre.

Aizaya 9:7

Obuebu rẹ isuesun rọye vẹ ufuoma rọye se vwo oba-a vwe enu rẹ ekete ri Devid, kugbe enu rẹ uvie rọye, rọ tọn phihọ, rọ yọnrọn vwẹ ọsoso vẹ ọvwata ne ọke nana yanran rhiri bẹdẹ. Oruru rẹ Ọrovwohwo rẹ otuofovwi na yi ri ru ọna.

Hosia 2:18

Ke me vẹ owẹ cha re ọphọ vwẹ ẹdẹ yena kugbe eranvwe rẹ aghwa, ephran rẹ irharheghe, vẹ ọbo ri kpono vwẹ otọ, ke me guọghọ umurhabọ, ọlọkọ kugbe ofovwi nẹ otọ na; ke me vwẹ owẹ sherhẹ otọ gbiei.

Hosia 2:20

Me sa wẹ otọ vwẹ ọ rẹ uyota; ku wọ riẹn Ọrovwohwo na.

Joẹl 3:10

Duvwu ighwro wẹn phihọ elọkọ, ibiakpa wẹn phihọ ibiri; jẹn ọvwiẹrẹ tanẹ, Mẹvwẹ ọgba ofovwi.

Joẹl 3:12

Gbe jẹn ẹgborho na jẹjẹ oma rayen, rere ayen rhe iyara ri Jẹhoshafat, kidie etiyin mi de che tidia de gu ẹdjọ rẹ ẹgborho re riariẹ ovwan phihọ na.

Maika 4:3

Ko che guẹdjọ rẹ ihwo buebu, ko brorhiẹ rẹ ẹgborho egangan re he ogboko, ayen ki che duvwu elọkọ rayen phihọ ighwro, ibiri rayen phihọ egbage re vwo fru odi; ẹgborho gbe kpare ọlọkọ vwọ so ẹgborho-o, ayen gbi che nyo umri rẹ ofovwi ọfa-a;

Zekaraya 9:10

Mi che si akpẹrẹ nẹ Ifrem kugbe iyesi rẹ ofovwi nẹ Jerusalẹm; e ji si umurhabọ rẹ ofovwi no, kọ ta nẹ ufuoma dia kẹ ẹgborho na ejobi; uvie rọye kọ nẹ abadi re te abadi, ji nẹ Urhie na re te oba rẹ akpọ na.

Iruo rẹ Iyinkọn na 17:31

fikiridie o bru ẹdẹ ọvo ro che vwo guẹdjọ rẹ akpo na vwẹ evun rẹ ọvwata vwẹ obọ rẹ ohwo ro vwo mu, rere ọnana vwo mu ihwo ejobi ẹro kọye ọ vwọ kparọ vrẹn nẹ ughwu rhe.

Ẹvwọphia 19:11

Etiyin me da mrẹ odjuvwu ro rhie phihọ, mi vwo ni, me da mrẹ esi ọfuanfon! E de se ọ ro tidia vwẹ enu rọye na Ọresiri kugbe Uyota, vwẹ evun rẹ ọvwata ọye o de guẹdjọ ọye o de ji phiẹ ofovwi.

1 Samuẹl 2:10

Ivwighrẹn rẹ Ọrovwohwo ejobi ka ghwọrọ ayen vworo vworo; enu kọ cha van ku ayen. Ọrovwohwo che guẹdjọ rẹ oba rẹ akpọ na; ọ cha vwẹ ogangan kẹ ivie rọye, ọ me rha kpare ogangan rẹ ọ rọ jẹreyọ na kpenu.