Aizaya 2:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ ihwo buebu ke cha rhe, ayen me ta: Yanrhe, e je kpọ ugbenu rẹ Ọrovwohwo na, kpo uwevwin rẹ Ọghẹnẹ ri Jekọp, rere o yono avwanre idjerhe rọye re avwanre nene ada rọye, kidie evun ri Zayọn ọye urhi che nurhe, ota rẹ Ọghẹnẹ ko nẹ Jerusalẹm rhe.

Aizaya 2:3 ပူးပေါင်းရင်းမြစ်များ

Ẹsta 9:27

Ihwo ri Ju na de vwo mu ayen da rha reyọ kẹ oma rẹ ayen vẹ emọ rayen vẹ ihwo ri kuoma gbẹ ayen, nẹ ayen je ẹdẹ nana ivẹ na eyọnrọ-ọn kirobo re siro re bruro phihọ ọke kukpe kukpe na.

Une rẹ Ejiro 102:23

O vwirhi ogangan mẹ vwẹ ugbo rẹ idjerhe, o bru edẹ mẹ krẹ.

Une rẹ Ejiro 110:2

Ọrovwohwo ji ọkpọ rẹ ẹgba wẹn nẹ Zayọn rhe.

Une rẹ Ejiro 119:171

Ẹbẹrunu mẹ ko ku ejiro wẹn ku rere wo vwo yono uvwe iji wẹn.

Une rẹ Ejiro 122:1

Oma vwerhe ovwẹ ra vwọ ta kẹ vwẹ, E jẹn kpo uwevwi rẹ Ọrovwohwo na!

Une rẹ Ejiro 48:1

Ọrovwohwo rhoro ọye ohwo re jiri gangan vwe evun re orere rẹ Ọghẹnẹ rẹ avwanre!

Aizaya 1:26

Ki mi rhoma vwẹ iguẹdjọ wẹn mu kerẹ ọke rẹ ẹsosuọ ediẹguare wẹn kirobo re epha notọrhe. Ukuko rọye ke che se we orere re ọvwata, orere re esiri na.

Aizaya 11:10

Vwẹ ẹdẹ yena owọ ri Jessi na ko che mudia pọe kerẹ oka vwọ kẹ ihwo na; ọye irere na cha guọnọ, ẹdia rọye kọ mu urinrin.

Aizaya 19:23

Vwe ẹdẹ yena idjerhe rode kọ cha dia nẹ Ijipt re te Asiria ihwo rẹ Asiria ke rhe Ijipt, ihwo re Ijipt ke re Asiria, ihwo re Ijipt kugbe Asiria ki kuomaghe ga vwe asan ọvo.

Aizaya 28:9

Kono o yono aghwanre, kono ọ faotọ re ovuẹ na kẹ? Ke emọ re bru evie nure gbine e re mu je evie vwo?

Aizaya 44:5

Ọnana me tanẹ, Mẹvwẹ ọ rẹ Ọrovwohwo, ọfa me vwẹ odẹ ri Jekọp fa oma, ọfa mi si phihọ obọ rọye nẹ, Ọ rẹ Ọrovwohwo, o mi mu odẹ rivẹ kẹ oma rọye nẹ Izrẹl,

Aizaya 56:5

ki Mi phi phihọ evun rẹ uwevwi Mẹ kugbe evun rẹ igbẹhẹ Mẹ emama re ẹkarohọ kugbe odẹ ri yovwi nọ emọ re eshare ve emetẹ, ki Mi mu odẹ ri bẹdẹ kẹ ayen re jẹ sa nyavwe kufia.

Aizaya 56:7

ena keye Me reyọ rhe ugbenu ọfuanfon Mẹ, ki mi ru ayen vwo vwo aghọghọ vwẹ evun rẹ uwevwi rẹ ẹrhovwo Mẹ, izobo rayen rẹ ẹtorhẹ kugbe izobo rayen ka rhọvwọ ayen vwẹ enu rẹ ẹshẹ Mẹ, kidie uwevwi Mẹ ke se uwevwi rẹ ẹrhovwo kẹ ihwo ejobi.

Aizaya 60:3

Irere buebu ki che bru urhukpẹ wẹn na rhe, ivie ki bru elo wẹn ro vacha na rhe.

Aizaya 65:11

Ẹkẹvuọvo vwọ kẹ wẹ rọ sen Ọrovwohwo na, rẹ ugbenu ọfuanfon Mẹ chọẹro, ro mu imẹjẹ phihọ otọ kẹ ephaẹbọ re gua iko rẹ idi vwọ kẹ Urhiẹvwe;

Aizaya 66:20

Ayen ke cha reyọ imoni wẹn nẹ ẹgborho na ejobi rhe kerẹ ẹkpẹvwẹ kẹ Ọrovwohwo, vwe enu re iyesi, kugbe ekpẹrẹ rẹ ofovwi, vwẹ enu re eranvwe, kugbe enu ri lama, iyesi rẹ eshare, vwo kpo ugbenu ọfuanfon Mẹ Jerusalẹm, eriyin Ọrovwohwo tare, kirobo rẹ ihwo rẹ Izrẹl reyọ ẹkpẹvwẹ rẹ ọka phihọ orọvwọ phẹphẹ vwọ cha uwevwi rẹ Ọrovwohwo na.

Jerimaya 12:16

Ọke che te, ọ da dianẹ ayen vwẹ erhiọri yono idjerhe re ihwo mẹ, rẹ ayen da vwẹ odẹ mẹ ve ive tanẹ, Obo rẹ Ọrovwohwo epha na, ọtiobo rẹ ayen yono ihwo mẹ vwọ reyọ odẹ ri Baal vwo duvwu iyori na, ke me bọn ayen phihọ uherevie rẹ ihwo mẹ.

Jerimaya 26:18

Maika ri Mọreshẹt ọ mrarọ vwẹ ẹdẹ ri Hẹzikaya ovie ri Juda, ọ da ta kẹ ihwo ri Juda ejobi nẹ. Enẹ Ọrovwohwo rẹ otuofovwi tare, A cha gua Zayọn kerẹ udju, Jerusalẹm cha dia erhurhu rẹ umiovwo, Ugbenu rẹ uwevwi na je cha dia oghwaghwo ro kpenu.

Jerimaya 31:6

Kidie ẹdẹ hero rẹ erhẹrotọ che vwo se vwẹ orere rẹ ugbenu rẹ Ifrem: Vrẹn, re e yeri kpo Zayọn, bru Ọrovwohwo Ọghẹnẹ rẹ avwanre.

Izikiẹl 40:2

ọ da reyọ ovwẹ vwẹ emramrẹ rẹ Ọghẹnẹ vwọ rhe otọ rẹ Izrẹl, o de mu vwe te otọ vwẹ enu rẹ ugbenu ro kpenu gangan, rẹ emu ọvo epha kerẹ orere ro hirhe aro ku vwe.

Hosia 3:5

Ukoko rọye emọ rẹ Izrẹl ki rhivwi rhe rhe guọnọ Ọrovwohwo rẹ Ọghẹnẹ rayen, kugbe Devid rẹ ovie rayen, ayen ki bru Ọrovwohwo rhe vẹ oshọ kugbe ughwẹ rẹ esiri rọye vwẹ ukoko rọye.

Hosia 6:3

Jẹn avwanre riẹn, e jẹn avwanre davwe ra riẹn Ọrovwohwo na, e yan phia rọye muẹro kerẹ ọke ro rhie cha; O che bru avwanre rhe kerẹ eghwẹghwẹ rẹ osio, kere isio rẹ ẹsosuọ rọ kpọrhọ otọ.

Maika 4:2

ẹgborho buebu ke cha rhe, ayen ke ta: Yanrhe, e je kpo obo ugbenu rẹ Ọrovwohwo na, kpo uwevwi rẹ Ọghẹnẹ ri Jekọp; rere o yono avwanre idjerhe rọye rere avwanre yan nene ada rọye. Kidie evun ri Zayọn ọye urhi che nurhe, ota rẹ Ọrovwohwo mi rhe nẹ Jerusalẹm rhe.

Matiu 7:24

Kohwo kohwo ro nyo eta nana re me tare na, ro de ru ayen, ko họhọ ọvwẹghwanre rọ bọn uwevwi rọye vwọ hẹ enu rẹ oragha.

Iyẹnrẹ Esiri ri Luk 11:28

Ẹkẹvuọvo ọ da ta, Ofori wọ vwọ ta, Ebruba kẹ ihwo ri nyo eta rẹ Ọghẹnẹ re da yọnrọn.

Iyẹnrẹ Esiri ri Luk 24:47

nẹ ekuorhẹriẹ vẹ evwoghovwo rẹ imwemwu keye e ghwoghwo vwẹ odẹ rọye kẹ ẹgborho na ejobi, ki Jerusalẹm a da tuọphihọ.

Iyẹnrẹ Esiri ri Jọn 4:22

Wọ ga obo wo jẹ riẹn, avwanre ga obo rẹ avwanre riẹnre, kidie esivwo vwenẹ obọ ri Ju o nurhe.

Iyẹnrẹ Esiri ri Jọn 7:17

ọ da dianẹ ohwo vwo ọhọre ro vwo ru ọhọre rọye gba, ko cha riẹn sẹ uyono na obọ rẹ Ọghẹnẹ o nurhe eyẹ se ogangan robọ mẹ me vwọ ta ota na.

Iruo rẹ Iyinkọn na 1:8

Ẹkẹvuọvo ovwan che vwo ẹgba siẹ rẹ Ẹrhi Ọfuanfon na de bru ovwan rhe nu; ovwan ke cha dia iseri mẹ vwi Jerusalẹm, vwi Judia, vẹ Sameria, rhiri re te oba rẹ akpọ na.

Iruo rẹ Iyinkọn na 10:33

Siẹvuọvo na mi de ji ikọn rhi se we, wo ruru ru wọ vwọ rhe. Asakiephana avwanre ejobi rhi koko vwẹ obaro rẹ Ọrovwohwo vwẹ etinẹ, rhi vwo nyo obo rẹ Ọrovwohwo vuẹ wẹ nẹ wo ta kẹ avwanre.

Ọbe ri Pọl si rhe Ihwo ri Rom 10:18

Ẹkẹvuọvo me nọre, ayen nyori-i ? Dẹn, ayen nyori, kidie E nyo umri rayen wan akpọ na ejobi, eta rayen rhiri re te oba rẹ akpọ na.

Urhi Rivẹ 33:19

Ayen che se ihwo kpo igbenu rayen; oboyi ayen de ze izobo rọ gbare; kidie ayen cha fiọnfiọn emu avwerhe rẹ urhie kugbe efe rọ djahere vwẹ evun rẹ ehavwọ,

Urhi Rivẹ 6:1

Asakiephana urhi na, vẹ ẹgha, kugbe iji na kẹ ena, e rẹ Ọrovwohwo Ọghẹnẹ rẹ ovwan ta nẹ mi vwo yono ovwan, rere we ru ayen vwẹ otọ rẹ ovwan wan vrẹn re yeri na;

Jems 1:25

Ẹkẹvuọvo ohwo rọ nabọ ni urhi na fiotọ, urhi rẹ egbomọphẹ na, rọ nabọ fuẹrẹ, ọ dia ohwo ro nyo nẹ ọ chọrọ ẹro-o ẹkẹvuọvo rọ da dia ohwo ro nyo nẹ ọ ru, ko vwo ebruphihọ vwẹ iruo rọye.