Aizaya 2:19 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁹ Ihwo ke cha ro emwa rẹ eragha na kugbe inu rẹ otọ na, vwo nẹ uguegue rẹ Ọrovwohwo na, vwo nẹ urinrin rẹ ọrho rọye ọke ro de vrẹn ri guegue akpọ na.

Aizaya 2:19 ပူးပေါင်းရင်းမြစ်များ

2 Samuẹl 22:46

Oshọ mu erhorha ayen da rhe vẹ ophariẹ nẹ asan odjahọ rayen rhe.

ỌBE RẸ JOB 9:6

ọ ro kpogho otọ na nẹ uchivwo rọye, re uchivwo rọye de kpọghọ;

Une rẹ Ejiro 7:6

Vrẹn, E Ọrovwohwo, vwẹ evun rẹ ophu wẹn, kpare oma vwọ so ọrhorhorho rẹ ophu rẹ ivwighrẹ mẹ, rhọvwọ, E Ọghẹnẹ mẹ, wo bru ẹdẹ re ẹdjọeguo nure.

Aizaya 13:13

Eriyin na ki mi che mu odjuvwu kpogho, akpọ na ko che kpogho nẹ ẹdia rọye, vwe ophu rẹ Ọrovwohwo rẹ ofovwi na vwẹ ẹdẹ rẹ ophu rode rọye na.

Aizaya 2:10

Ro evun rẹ oragha na, si oma nu vwẹ evun rẹ iwurhie vwo nẹ uguegue rẹ Ọrovwohwo na, vwo ne urinrin re ọrho rọye

Aizaya 2:21

rẹ ayen ro ẹmwa rẹ eragha na kugbe ighrighri re, igbenu na vwo ne uguegue re Ọrovwohwo na, vwo nẹ urinrin, rẹ ọrho rọye vwẹ ọke ro de vrẹn rhe ri guegue akpọ na.

Aizaya 24:1

Nighere, Ọrovwohwo cha guọghọ akpọ na ejobi ọ ee kua fiotọ ko zighi enu rọye ọ me hra ihwo re dia enu rọye.

Aizaya 24:18

Ohwo rọ mrẹ edo rẹ oshọ dje ko she phihọ ọgọdọ na, ohwo ro pho nẹ ọgọdọ na rhe ufi na kọ muo. Kidie evakpo rẹ odjuvwu rhie phihọ re, Ichivwo rẹ otọ rẹ akpọ na ki kpogho

Aizaya 24:19

Akpọ na vwirhire tototo, akpọ na bẹre ẹbẹre ivẹ, akpọ na re kpogho revwi revwi.

Aizaya 30:32

Kohọ kọhọ rẹ Ọrovwohwo da vwẹ ọkpọ rọye na ghwie ayen, kọ cha dia kere edo rẹ igogo kugbe isorogun, obọ rọye rọ nyavwaro kpenu kpene kọye o vwo nene ayen phi ofovwi

Aizaya 33:10

Asakiephana ki Mi vrẹn, eriyin Ọrovwohwo tare, Asakiephana ke Me kpare oma Me kpenu, Asakiephana ka kpare ovwẹ kpenu

Aizaya 7:19

Ayen ejobi ke cha rhe ri wo phihọ ikpotọ chochohri na, ọ vẹ igbogho rẹ eragha na, ọ vẹ aghwa re inwe na, kugbe enu rẹ odi na.

Jerimaya 16:16

Nighe, mi ji ikọn re se ihwiyeri buebu, eriyin Ọrovwohwo tare, ihwiyeri na ki che mu ayen, ukuko rọye ki mi ji re se irhuẹ rhe, kẹ ayen cha bẹrẹ ibefi nẹ ugbenu ọvo re te ugbenu rivẹ, ji te ẹgbogho rẹ eragha na.

Jerimaya 4:29

Vwẹ umri rẹ ihwo re gua iyesi vẹ esedada orere korere ejobi ke djẹ, ayen djẹ ro etu, ayen re yere eragha, ayen djẹ jẹn irere ejobi vwo, ohwo gbe dia aye-en.

Jerimaya 48:28

Yan jẹn irere na vwo, ra dia evun rẹ oragha na, E ihwo rẹ dia Moab! Gba họhọ inekuku rọ bọn ẹho vwẹ akakọ rẹ unu rẹ iyara.

Izikiẹl 33:27

Ta ọnana kẹ ayen, E nẹ Ọrovwohwo Ọghẹnẹ tare: Kirobo re me herọ na, uyota ayen otu re dia asan ra kua jovwo ọlọkọ a cha vwọ nyavwe ayen hwe, ọ rọ hẹ obo evun rẹ aghwa me cha vwọ kẹ eranvwe nẹ e re kugbe ayen otu re hẹ obo ogba ọgangan kugbe evun rẹ emwa emiavwe kọye ayen wan ghwu.

Hosia 10:8

Asan ro kpenu vwi Avẹn, umwemwu rẹ Izrẹl, ka guọgho. Inwe vẹ idjigbẹ ke djẹ vwẹ enu rẹ egbada rayen; kẹ ayen ta kẹ igbenu na, Rhurhu avwanre; kẹ imigbenu na she nyẹ avwanre.

Maika 7:17

ayen ke cha rare ekpẹn kerẹ ọrọdekọ, kerẹ erọvwọ ri kpono vwẹ otọ na; ayen ki yoro nẹ asan ọgangan rayen rhe vẹ oma ẹpharie, ayen ki che rhivwi bru Ọrovwohwo Ọghẹnẹ rayen rhe vẹ udidi, oshọ kọ mu ayen fiki wẹ.

Nahum 3:11

Udi ko che mu we rhe, ku wo che ni asan ọvo kei; wọ cha guọnọ asan wọ de sioma nu kẹ ovweghrẹ.

Hegae 2:6

Kidie enẹ Ọrovwohwo rẹ otuofovwi na tare: Chekọ esiẹvo, vwẹ ọmọke krẹ emerha, ki mi che kpogho odjuvwu na kugbe akpọ na kugbe abadi na kugbe otọ ọyaya na;

Hegae 2:7

ki mi kpogho ẹgborho na ejobi, rere a vwọ ghwẹ efe rẹ ẹgborho na ejobi rhe, ke me cha ghwa urinrin vọn uwevwi nana, eriyin Ọrovwohwo rẹ otuofovwi na tare.

Iyẹnrẹ Esiri ri Luk 23:30

Etiyin ayen ke cha ta kẹ igbenu na, Shenyẹ avwanre; igbenu itete na, rhurhu avwanre.

2 Tẹsalonaika 1:9

Kẹ ayen cha reoja rẹ ehwe kugbe ẹghwọrọ ri bẹdẹ ka djẹ ayen nẹ obaro rẹ Ọrovwohwo kugbe urinrin rẹ ẹgba rọye.

Hibru 11:38

akpọ na rhe fọ kẹ ayen ẹdia-a–ayen re suosuo wan egbo vẹ ogo, ẹmwa vẹ igbogho rẹ akpọ na.

Hibru 12:26

Vwẹ ọke yena urhuru rọye ko kpogho akpọ na; ẹkẹvuọvo asakiephana o vẹri nure, Kẹ ẹsiẹvo ri chekọ o diane kẹ akpọ na ọvo mi che kpogho-o ẹkẹvuọvo ji te odjivwu rhe.

Ẹvwọphia 11:13

Vwẹ ọke yena otọ de mu kpogho gangan, ẹkẹne rẹ orere na de ghwie she; ihwo uriori ighwrẹ de ghwu vwẹ otọ ro kpoghori na, uguegue da ro i ri chekọ oma ayen da vwẹ urinrin kẹ Ọghẹnẹ rẹ Odjuvwu.

Ẹvwọphia 11:19

Etiyin e de rhie ẹchẹ rẹ uwevwi rẹ Ọghẹnẹ vwẹ obo odjuvwu, a da mrẹ ekpeti rẹ ọphọ rọye vwẹ evun rẹ uwevwi rẹ ẹga na; enu da nyavwaro, edo rode, edo rẹ agbrara, otọ ro kpogho, imicho ride.

Ẹvwọphia 16:18

Enu da nyavwaro, urhuru de kperi, agbrara da van, otọ de rhi mu kpogho gangan ra je mrẹ oghẹre rọye vwẹ akpọ na dẹvo-o, ọtiọye otọ na kpogho rho te.

Ẹvwọphia 20:11

Etiyin me da mrẹ ekete ọfuanfon rode ọvo kugbe ohwo ro tidia enu rọye; opharo rẹ ohwo ro tidia na da nẹrhẹ akpọ vẹ odjuvwu va djẹ, a gbe mrẹ asan vwọ kẹ aye-en.

Ẹvwọphia 9:6

Vwẹ ọke yena ihwo ke guọnọ ughwu yẹ ayen sa mrẹ-ẹ; urhuru rẹ ughwo kọ si ayen ughwu kọ mrẹ ayen djẹ.

1 Samuẹl 13:6

Ọke rẹ ihwo rẹ Izrẹl vwọ mrẹ nẹ ayen hẹ ahwarha (kidie ohọnre na ganre gangan), ihwo na de siona nu vwẹ ẹmwa vẹ egbogho vẹ etọ rẹ eragha kugbe ishi vẹ iphrophro rẹ ame,

1 Samuẹl 14:11

Eriyin ayen ivẹ da vwẹ oma rẹ ayen nẹ unuofovwi rẹ ihwo ri Filistia na; ihwo ri Filistia na da ta, Nighe, ihwo ri Hibru na yoro nẹ evun rẹ unu rẹ ayen de sioma nu cha.