Aizaya 2:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Kidie Ọrovwohwo rẹ ofovwi na vwẹ ẹdẹ kẹ ihwo ri herẹ kugbe iri phuoma, kẹ ihwo ri mu oma kpenu,

Aizaya 2:12 ပူးပေါင်းရင်းမြစ်များ

2 Samuẹl 22:28

Wo sivwi ihwo re vwẹ oma kpotọ, ẹkẹvuọvo ẹro wẹn ọ hẹ enu rẹ uyovwi rẹ ihwo re kpare oma kpenu re wọ vwọ nyẹ ayen kpotọ.

ỌBE RẸ JOB 24:1

Die sorọ rẹ Ọrovwoẹgba rhe bru ọke rẹ orhiebro-o, die jabọ rẹ ihwo re riẹnrẹ rha mrẹ ẹdẹ rọye-e?

Une rẹ Ejiro 131:1

E Ọrovwohwo, me kpare udu mẹ kpenu rẹ, ẹro mẹ kpare kpenu nọ-ọ; Me vwe udu mẹ kpahe obo re rhonọ kugbe obo ro gbunu nọ kẹ vwẹ-ẹ.

Une rẹ Ejiro 18:28

E, we ri rhu urhukpẹ mẹ; Ọrovwohwo Ọghẹnẹ ri rhuẹ urhukpẹ phihọ ebri mẹ.

Une rẹ Ejiro 37:13

ẹkẹvuọvo Ọrovwohwo ra hwẹ ohwo umwemwu, kidie ọ mrẹre nẹ ẹdẹ rọye ra cha.

Une rẹ Ejiro 94:2

Vrẹn mudia, E oguẹdjọ rẹ akpọ na, hwa ke ọ ro herẹ na ẹkẹn osa rayen!

Isẹ 16:5

Ohwo kohwo ro phuoma ejobi ẹgua kẹ Ọrovwohwo, jo mu we ẹro nẹ, ọ cha sa vabọ rẹ oja ẹriọ-ọ.

Aizaya 10:12

Ọke rẹ Ọrovwohwo de ru iruo rọye ejobi vwẹ Ugbenu ri Zayọn kugbe Jerusalẹm nu, ko che hwe Asiria vẹ eyan ofefe rọye kugbe eheri ọbrabra rọye.

Aizaya 10:33

Nigherẹ, Ọrovwohwo, Ọrovwohwo rẹ ofovwi na cha fian eghọn na vẹ ogangan ro mu oshọ; ọ ro gro kpenu ke che shẹ teye otọ, ọ ro mu oma kpenu ka ghwọrọ te otọ

Aizaya 13:11

Ki mi hwe akpọ na fiki rẹ umiovwo rọye, oruimwemwu fiki rẹ orukuruku rọye; ki mi ru eheri rẹ ohwo ro phuoma vwo oba, ọkon rẹ ohwo ro shuẹ akpọ ko fue.

Aizaya 13:6

Beroma, kidie ẹdẹ rẹ Ọrovwohwo na kẹrire, kerẹ ẹghwọrọ ro nẹ obọ rẹ Ọrovwoẹgba rhe eriyin ọ cha rhe!

Aizaya 13:9

Nighere, ẹdẹ rẹ Ọrovwohwo cha, brabra vẹ ophu kugbe ivuemiovwo rode, rọ cha nẹrhẹ akpọ na ejobi kua rọ guọghọ iruimwemwu rọye no.

Aizaya 14:15

Ẹkẹvuọvo a vwọ wẹ kpo otọ re, vwo kpo obo okokodo rẹ Ukpotọ na.

Aizaya 23:9

Ọrovwohwo rẹ otuofovwi na jẹn iroro na nure, rere o gbe urinrm ejobi ẹgua, rere o si ọghọ nẹ oma rẹ ihwo re mu ọghọ kẹ vwẹ akpọ na ejobi.

Aizaya 24:21

Vwẹ ẹdẹ yena Ọrovwohwo ko hwe otu rẹ ofovwi rẹ odjuvwu, vwẹ obo odjuvwu, ivie rẹ akpọ na, vwẹ evun rẹ akpọ na.

Aizaya 24:4

Akpọ na re muomahọ o re vwioro, akpọ na ro brenu ọ rọ fẹbe; idjuvwu nene akpọ na viẹ.

Aizaya 40:23

ohwo ro hirhe emọ rẹ ivie phihọ emu diodi, o mi ni isun rẹ akpọ na ejobi phihọ ighevweghe.

Aizaya 42:15

Ke me guọghọ igbenu rẹ itete vẹ iride, ke me ya ẹbe rayen mu, ki mi hirhe irhie rayen phihọ ibrotọ, etẹrhe rayen ejobi ke yamu.

Aizaya 5:15

Ohwo e siro wurhu, a reyọ ihwo vwo gbotọ, ẹro re ohwo umwemwu kọ dia karhiẹ.

Aizaya 61:2

re ghwoghwo ukpe rẹ ẹreyọ re evun esiri rẹ Ọrovwohwo, kugbe ẹdẹ rẹ ihri rẹ Ọghẹnẹ rẹ avwanre, re bru ihwo ri muomahọ uche,

Jerimaya 12:9

Ukuẹriọ mẹ kọ rhọma rhe họhọ ọso rọ kerẹ ovwẹ oma? Emephran re djoma na rhe rhan yariẹ phihọ? Yanra, re koko eranvwe rẹ djoma ejobi; Ghwẹ koko ra ghwọrọ ayen.

Jerimaya 13:9

Enẹ Ọrovwohwo tare: Ọtiọye me tobọ miovwi eheri ri Juda kugbe okpeheri ri Jerusalẹm.

Jerimaya 30:7

Eghwo! ẹdẹ yena rhoro gangan. A mrẹ ẹdẹ re vwo dje-e; ọke rẹ okpetu kẹ Jekọp, dede na e che sivwo no.

Jerimaya 46:10

Ẹdẹ yena ẹdẹ rẹ Ọrovwohwo Ọghẹnẹ rẹ otuofovwi, ẹdẹ rẹ ihriẹriọ rọ vwọ reihri rẹ ivwighrẹ rọye. Ọlọkọ cha ghwọrọ rọ da bẹn tunu, rọ da da ọbara rayen vọn evun. Kidie Ọrovwohwo Ọghẹnẹ rẹ otuofovwi ze izobo vwẹ orere rẹ obọrhe ọnre rọ kẹrẹ urhie ri Yufretis.

Jerimaya 50:31

Nighe, me vwọ so owẹ, E ọ ro herẹ na, Ọrovwohwo Ọghẹnẹ rẹ otuofovwi na tare, kidie ẹdẹ wẹn rhire, ọke ri mi che vwo hwe we.

Izikiẹl 13:5

Wọ je yan kpo asan ri kpori na-a, eyẹ wo je bọn igbẹhẹ kẹ uwevwi re Izrẹl na-a, rere o vwo se mudia vwẹ ofovwi vwẹ ẹdẹ rẹ Ọrovwohwo na.

Daniẹl 4:37

Asakiephana Mẹvwẹ, Nebukadneza de jiri ji mu ọghọ kẹ Ovie rẹ odjuvwu kidie iruo rọye ejobi shephihọ, idjerhe rọye uyota, ihwo re yan mu oma kpenu ejobi kọ sa vwẹ ayen kpotọ.

Emọs 5:18

Ekan kẹ wẹ rọ guọnọ ẹdẹ rẹ Ọrovwohwo na! Die wọ vwọ guọnọ ẹdẹ rẹ Ọrovwohwo na? Ẹdẹ na ebri hwi, o vwo orẹmrẹ-ẹ,

Maika 2:3

Eriyin na, enẹ Ọrovwohwo na tare: nighe Me herọ jẹ iroro umwemwu vwọ kpahe orua nana, we se si ọhọre rẹ ovwan no-o; ovwan sa yan phuoma-a fikiridie ọke yena cha dia ọke ọbrabra .

Maika 5:11

ke Me guọghọ irere rẹ otọ wẹn kufia ki mi kporo egba ọgangan wẹn she;

Zẹfanaya 1:16

Ẹdẹ rẹ owanre ehworo vẹ unuebo rẹ ofovwi vwọ so irere ra gba ogba riariẹ ogba ri kpenu ra gba hẹrhẹ ofovwi.

Zẹfanaya 3:11

Vwẹ ẹdẹ yena oma gbe cha vo vwẹ-ẹ fiki re uruemu ru we vwo mukpahe ovwẹ; kidie vwẹ ọke yena ki mi che kpono nẹ ohri rẹ ovwan ihwo rẹ ovwan ri herẹ ri mu oma kpenu na, wọ gbe cha dia ohwo rẹ ogbarogba ọfa vwẹ ugbenu ọfuanfon mẹ na-a.

Malakae 4:1

Gbe nighe, ẹdẹ cha, ọ tuabọ kerẹ enyerhanre, ọke yena ihwo ri herẹ vẹ i ri ruẹ umwemwu ejobi ke cha dia kerẹ ehẹbẹ; ẹdẹ ro cha na kọ cha torhẹ ayen ejobi, eriyin Ọrovwohwo rẹ otuofovwi na tare, ọtiọye na o gbi che jẹ o vwo owọ eyẹrẹ eghọ-ọn.

Malakae 4:5

Nighere, mi che ji Elaija rẹ ọmraro na bru ovwan rhe tavwe rẹ ẹdẹ ro muoshọ rẹ Ọrovwohwo na ki rhi te.

Matiu 23:12

Kohwo kohwo ro kpare oma kpenu, ke vwo kpotọ; ọ rọ vwẹ oma kpotọ ke vwo kpenu.

Iyẹnrẹ Esiri ri Luk 14:11

Kidie kohwo kohwo ro mu oma kpenu ka phọphọ, ohwo ro mu ọghọ kẹ oma ka kparọ kpenu.

1 Kọrẹnt 5:5

ovwan gba vwẹ ohwo na kẹ Idẹbono rere ọ ghwọrọ ugboma rọye, rere e vwo se sivwi erhi rọye rhọ vwẹ ẹdẹ rẹ Ọrovwohwo Jesu.

1 Tẹsalonaika 5:2

Kidie ekpuyovwi rẹ ovwan riẹnre gbagba nẹ ẹdẹ rẹ Ọrovwohwo cha kerẹ oji vwẹ ason.

Jems 4:6

Ẹkẹvuọvo o siobọ nẹ ẹserọphẹ rọye na buebu, kọye ọbe ọfuanfon na vwo tanẹ, Ọgbẹnẹ hirhe opharo ku ohwo ro mu oma kpenu, ọ me rha vwẹ ẹroesiri ni otu re vwẹ oma kpotọ.