Aizaya 19:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Ki mi siobọ nẹ ihwo rẹ Ijipt vwọ kẹ onini rọ goma; ovie rọ djoma ko che sun ayen, eriyin Ọrovwohwo, Ọrovwohwo rẹ otuofovwi na tare.

Aizaya 19:4 ပူးပေါင်းရင်းမြစ်များ

Une rẹ Ejiro 31:8

Wo se phi vwe phihọ obọ rẹ ivwighrẹ mẹ-ẹ, wọ de phi awọ mẹ phihọ asan ọhẹhẹre.

Aizaya 19:2

Ke me kpare ihwo re Ijipt vwọ so ohwohwo ayen ke họnre, ọniọvo vwọ so oniọvo, ohwo kohwo ke họnre ọrivẹ rọye, orere vwọ so orere, uvie vwọ so uvie;

Aizaya 20:3

Ọrovwohwo da ta, Kirobo rẹ odibo mẹ Aizaya vwọ yan ẹbẹba vẹ awọ ofefe vwẹ ikpe erha rọ dia oka vẹ echa kẹ Ijipt vẹ Itiopia,

Aizaya 20:4

Eriyin ovie rẹ Asiria che mu ihwo rẹ Ijipt ighuvwu ihwo rẹ Itiopia ke mu ayen kpo imu te imitete te ekpako. Ẹbẹba vẹ awọ ofefe, vẹ ikebe ri rhie phihọ, rọ dia omaẹvuọ kẹ Ijipt.

Jerimaya 46:26

Mi che phi ayen phihọ obọ rẹ otu re guọnọ ayen hwe, phihọ obọ ri Nebukadreza ovie ri Babilọn vẹ inotu rọye. Ukuko rọye ka cha dia Ijipt kerẹ ọke rẹ awanre ye, eriyin Ọrovwohwo tare.

Izikiẹl 29:19

Fiki rẹ ọtiọye na e nẹ Ọrovwohwo Ọghẹnẹ tare Nighere, Me cha vwẹ otọ rẹ Ijipt vwọ kẹ Nebukadreza ovie ri Babilọn, kọ ghwẹ efe rọye ejobi kpo o mi miovwo ọ me kua reyọ; kọye re cha dia osa vwọ kẹ unuofọvwi rọye.

Izikiẹl 30:12

Ki mi ru Nile kpọ ke me shẹ otọ na kẹ ihwo umwemwu, ke me cha kua otọ na vẹ obo re herọ ejobi fiotọ, vwẹ obọ rẹ erhorha, Mẹvwẹ, Ọrovwohwo, re tarọ.

Nahum 3:10

Dede na ye muro yanran ghẹnẹ, e muro kpo ighuvwu; imitete rọye na a da vwẹ ayen fotọ yẹyẹghẹ vwẹ obo oba rẹ urhuvwu ọvuọvo; ka vwi fiki rẹ ihwo ride re herọ duvwu itẹ, ihwo ride re herọ ejobi a da vwẹ ojọnrọn gba ayen.

1 Samuẹl 23:7

Asakiephana a da vuẹ Sọl nẹ Devid kpo obo Keilah. Sọl da ta, Ọghẹnẹ phiro phihọ obọ mẹ nure; kidie ọye ọvo tọn oma rọye gbe rọ vwọ ro orho ro vwo echẹ kugbe eghẹn.