Aizaya 19:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Erhi re ihwo re ljipt na kọ rhan nẹ ayen oma, ki mi phi ozighi phihọ iroro rayen; ke ayen diotọ rọye vwẹ obọ rẹ ema vẹ ebọepha, vwẹ obọ rẹ irivwi vẹ erieda;

Aizaya 19:3 ပူးပေါင်းရင်းမြစ်များ

2 Samuẹl 15:31

Ohwo ọvo da ta kẹ Devid nẹ, Ahitofẹl ji hẹ usun rẹ ihwo re vẹ Absalọm gba ro ẹro riariẹ owẹ na. Devid da ta, E Ọrovwohwo me rẹ wẹ, rhẹriẹ iroro rẹ Ahitofẹl kpo ugheghẹn.

2 Samuẹl 17:14

Absalọm vẹ ihwo rẹ Izrẹl ejobi da ta, Iroro ri Hushai rẹ Archit ri me yovwi nọ rẹ Ahitofẹl. Kidie Ọrovwohwo ruro rere a vwọ sen iroro esiri rẹ Ahitofẹl jẹre rere Ọrovwohwo mrasan hwa osa rẹ umwemwu rẹ Absalọm kẹ.

2 Samuẹl 17:23

Ọke rẹ Ahitofẹl rhe vwọ mrẹ nẹ iroro rọ jẹre e vwi ro ru emu-u, ọ da rhuẹrẹ ekẹtẹkẹtẹ rọye, o de vrẹn o de kpo uwevwi rọye, vwẹ obo orere rọye, ọ da rhuẹrẹ uwevwi rọye phihọ o de churu ghwu, e de sho phihọ ushi rẹ ọsẹ rọye.

Ivie rẹ Ivẹ 1:2

Ọke nana Ahazaya de fi wan ọdjẹvwe rẹ uvun rẹ egedege rọye rọ hẹ Sameria she, kọ hovwan; o de ji ikọn, ọ da ta kẹ ayen nẹ, Ovwan yanran, ovwan ra nọ vwẹ obọ rẹ Bẹlzibọb, ẹdjọ rẹ Ekrọn, sẹ mi se nẹ ọga nana.

1 Ikun rẹ Ivie 10:13

Etiyin Sọl de ghwu fiki ri je segbuyota rọye, o se Ọrovwohwo gbuyota-a kidie ijẹmienyo, ọ yọnrọn urhi rẹ Ọrovwohwo-o, ọ je ra guọnọ uchuko vwẹ asan ọfa ọ je ra bọ epha

Une rẹ Ejiro 107:27

ayen re gele yẹnghrẹ kerẹ ohwo rẹ udi muẹ, ofu de dje ayen hwe

Une rẹ Ejiro 33:10

Ọrovwohwo hirhe umẹ rẹ ẹgborho na phihọ emu diọdi, ọ hra iroro rẹ ihwo na kufia.

Une rẹ Ejiro 76:12

ohwo rọ nyavwe erhi rẹ isun kufia ohwo ro muoshọ kẹ ivie rẹ akpọ na.

Isẹ 21:30

O vwo aghwanre-e, o vwo ẹruọ-ọ, o vwo iroro-o o se ru emuọvo kpahe Ọrovwohwo-o.

Aizaya 14:27

Kidie Ọrovwohwo rẹ otuofovwi na jẹn iroro nure, kono re sa pha? Obọ rọye riẹn phiare, kono se kpirho kpuko?

Aizaya 15:2

Ọmọtẹ ri Dibọn yanran kpo obenu ọ yanran kpo enu rẹ igbenu ra viẹ; vwẹ enu ri Nebo vẹ enu ri Medeba Moab re beroma. Kuyovwi kuyovwi gba akpan re, a wanre kẹtuegba kẹtuegba,

Aizaya 19:1

Ona aroẹmrẹ kpahe Ijipt. Nighe, Ọrovwohwo rọ gua vughu vughu vwẹ ikoro ọ da rhe Ijipt, ema rẹ Ijipt ki che kpogho vwẹ obaro rọye, udu rẹ ihwo rẹ Ijipt ke cha wran vwẹ oma rayen.

Aizaya 44:25

ono re ta echa re evwọrọn efian na na, ro vwẹ otu re bọ epha na ru ẹkpa, rọ rhan ẹvwaghwanre rẹ ẹkpa kpo uko kugbe erianriẹn rayen ẹkpa.

Aizaya 47:12

Gbe mudia gan vwẹ ebọ wọ họrhiẹ na kugbe aroẹmrẹ wẹn buebu, ru wọ wian phihọ nẹ ọke emọ rhe, ọkeọvo wọ Me sa kparobọ, ọkeọvọ wọ Me jẹ oshọ mu ihwo.

Aizaya 57:16

Kidie mi dje ẹghwọ ẹghwọ bẹdẹ-ẹ, eyẹ ivunvun ri miovwo uvwe bẹdẹ-ẹ; kidie obọ Mẹ erhi nẹ cha, Mẹvwẹ re ma ẹnwen rẹ arhọ na.

Aizaya 8:19

Ọke rẹ ayen da ta kẹ ovwan nẹ, Eru ẹboepha kugbe otu re azẹ ri tue, ihwo rhe brẹ Ọghẹnẹ rayen ra kpo epha-a? Kẹ ihwo ra bọ epha vwẹ obọ rẹ ohwo ghweghwu fiki rẹ ohwo ọkpokpọ?

Jerimaya 46:15

Die Apis rha vwọ djẹ? Die sorọ irhuẹn wẹn rhe mudia-a? Fikiridie Ọrovwohwo geire ghwiotọ.

Izikiẹl 21:7

Ọke rẹ ayen da ta kẹ wẹ, Die wọ vwọ viẹ? ku wọ ta, Fiki rẹ ikun na. Ọke rọ da rhe, udu kudu kọ wran abọ ejobi ke dia ghwrọghọ, erhi kerhi ko shero igbo ejobi ke dia rẹghẹ rẹghẹ kerẹ ame. Nighe, ọ cha o che ruẹ gba, eriyin Ọrovwohwo Ọghẹnẹ tare.

Izikiẹl 22:14

Kẹ udu wẹn sa gba, eyẹ abọ wẹn sa gan vwẹ ẹdẹ re me vẹ owẹ da cha davwọ na? Mẹvwẹ Ọrovwohwo re tarọ, ki mi ruo gba.

Daniẹl 1:20

Etiyin kemu kemu rẹ ovie na nọ vwẹ obọ rayen vwẹ oma rẹ ọhọ vẹ iroro ejobi, ọ da rhe mrẹ nẹ ayen riẹn nọ ighene rọye ejobi, re hẹ evun rẹ uvie rọye.

Daniẹl 2:2

Etiyin ovie na de se otu rẹ egbẹnẹke, idjene, eboepha, kugbe ihwo ri Kaldia ejobi koko rere ayen fa evwerhẹ na kẹ ovie. Etiyin ayen da rhe, ayen de rhi mudia phihọ obaro rẹ ovie na.

Daniẹl 5:7

Ovie na de kperi nẹ a reyọ otu rẹ eboepha na rhe, ihwo ri Kaldia na, kugbe ihwo ri nẹ isio na. Ovie na da ta kẹ evwaghawnre ri Babilọn ohwo kohwo ro se se obo re siri na, ọ da rha fan otọ rọye kẹ vwẹ, ka vwẹ emwa rẹ isene vwọ rhuo, e mi rhe phi ojọnrọn rẹ oro phihọ ohọre rọye, kọ dia ohwo rerha vwẹ uvie na.

1 Samuẹl 25:37

Vwẹ irhiọke, rẹ udi vwo ni Nabal ẹro nu, aye rọye da ta eta nana ejobi kẹ, udu rọye de ghwu mudia, kpehre kerẹ oragha.