Aizaya 19:25 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁵ re Ọrovwohwo rẹ Ọghẹnẹ rẹ otuofovwi bruba ke na, tanẹ, Ebruba kẹ Ijipt ihwo mẹ, kẹ Asiria iruo rẹ obọ mẹ, kẹ Izrẹl ọreuku mẹ.

Aizaya 19:25 ပူးပေါင်းရင်းမြစ်များ

Une rẹ Ejiro 100:3

Riẹn nẹ Ọrovwohwo ọye Ọghẹnẹ! Ọye re ma avwanre, avwanre erọye; avwanre ihwo rọye, kugbe igegede rẹ egbri rọye.

Une rẹ Ejiro 115:15

Ju wo vwo ebruphihọ rẹ Ọrovwohwo na, rọ ma odjuvwu vẹ otọ na !

Une rẹ Ejiro 138:8

Ọrovwohwo che ru ọhọre rọye kẹ vwẹ; ẹguọnọ wẹn ro jẹ rhẹriẹ na, E Ọrovwohwo, ọ dia rhiri bẹdẹ. Wọ sian iruo rẹ obọ wẹ-ẹn.

Aizaya 19:24

Vwe ẹdẹ yena Izrẹl kọ cha dia Ọrerha kugbe Ijipt ve Asiria ke dia ebruphihọ vwẹ uherevie rẹ akpọ na,

Aizaya 27:13

Vwẹ ẹdẹ yena ke che hworo ọgban rode, ihwo ri ghwruru vwẹ otọ rẹ Asiria kugbe e ra djẹre kpo otọ rẹ Ijipt ke cha rhe rhe ga Ọrovwohwo na vwẹ enu rẹ ugbenu ọfuanfon vwi Jerusalẹm.

Aizaya 29:23

Kidie ọke rọ vwọ mrẹ emọ rọye, iruo re obọ mẹ, vwẹ uherevie rọye, kẹ ayen ru odẹ mẹ fon; ke ayen ru Ọfuanfon Ọvuọvo ri Jekọp na fon, ke ayen mudia vẹ udidi vwẹ obaro rẹ Ọghẹnẹ rẹ Izrẹl na.

Aizaya 45:11

Enẹ Ọrovwohwo tare, Ọfuanfon Ọvuọvo rẹ Izrẹl na, kugbe Ọ rọ marọ Wọ nọ vwẹ orhiẹn kpahe emọ mẹ, eyẹ ji urhi kẹ vwẹ kpahe iruo rẹ obọ mẹ?

Aizaya 45:14

Enẹ Ọrovwohwo rẹ otuofovwi na tare. Efe rẹ Ijipt kugbe oghwa rẹ ineki rẹ Etiopia, kugbe ihwo ri Seba, eshare puma, ki bru we rhe ke dia ewẹn ki nenẹ uwe. ke rhe vẹ igoni vwẹ obọ rhi shiguẹ kẹ wẹ. Ayen ke rẹ wẹ tanẹ; Ọghẹnẹ vẹ owẹ ọvo re gba herọ, ọfa gbe herọ-ọ, Ọghẹnẹ ọfa rọ barọ gbe herọ-ọ.

Aizaya 60:21

Ihwo wẹn ejobi ke cha dia evwata; ayen ki che vwo otọ na bẹdẹ, eyoro cha rẹ ekankọn Mẹ, iruo re abọ Mẹ, rere a mrasan vwe urinrin kẹ vwẹ.

Aizaya 61:9

Uvwiẹ rayen ka riẹn vwe ohri re ẹgborho na, emọ rayen vwẹ usun re ihwo na, ihwo re mre ayen ki vughe ayen, nẹ ena ihwo rẹ Ọrovwohwo bruphihọ kẹ.

Aizaya 63:17

E Ọrovwohwo, die wọ vwọ nẹrhẹ avwanre ghwru nẹ idjerhe wẹn, wo vwo ru udu re avwanre gan, me vwo je oshọ wẹn edje? Rhoma fiki rẹ idibo wẹn, uvwiẹ rẹ uku wẹn.

Aizaya 64:8

Yẹ ẹkẹvuọvo, E Ọrovwohwo, wẹ hẹ Ọsẹ rẹ avwanre; avwanre ophiẹn, wẹ kẹ ọmema re avwanre; avwanre ejobi ke iruo rẹ obọ wẹn.

Aizaya 65:23

Ayen gbe wian kufia-a, eyẹ ayen gbi vwiẹ emọ kẹ ughwu-u, kidie ayen ke dia uvwiẹ rẹ ebruphihọ rẹ Ọrovwohwo, te ayen kugbe emọ rayen.

Jerimaya 10:16

Ọ ro vwo ẹkẹn vwi Jekọp sa họhọ enana-a fikiridie ọye ma imu ejobi, Izrẹl kẹ orua rẹ Ukuẹriọ rọye, Ọrovwohwo rẹ otuofovwi na ọye odẹ rọyẹ.

Jerimaya 2:7

Me reyọ owẹ rhe otọ rọ vọnre vẹ emu re wọ ghọghọ vwẹ emamọ vẹ emuesiri rọye. Ẹkẹvuọvo wọ vwọ ro otọ mẹ na nu wo de miovwo, wọ da vwẹ ukuẹriọ mẹ vwo gbe ẹgua.

Hosia 2:23

ke me kọn phihọ otọ na kẹ oma mẹ ke me re ehrọre kẹ ro vwo ehrọre-e ke me ta kẹ ihwo re dia ihwo mẹ-ẹ, Ovwan ihwo mẹ, Kọ ta nẹ, Wẹ Ọghẹnẹ mẹ.

Zekaraya 8:13

Kirobo wọ vwọ dia ehwẹjẹ vwe ohri rẹ ẹgborho na, E uwevwi ri Juda vẹ uwevwi rẹ Izrẹl, eriyin mi che sivwi uwe ku wọ dia ebruba. Wọ djẹ oshọ-ọ, ẹkẹvuọvo jẹn abọ wẹn gan.

Ukeri 24:1

Ọke ri Balaam vwọ mrẹ nẹ ọ jẹ Ọrovwohwo rere o bruba kẹ Izrẹl, ọ gbe ra, kirobo rẹ ẹsosuọ, rere ọ mrẹ asan umwemwu-u, ẹkẹvuọvo ọ da tọn opharo vi obo aton.

Ukeri 6:24

Ọrovwohwo bruphihọ kẹ ovwan rọ sẹro rẹ ovwan.

Ukeri 6:27

Ọtiọye kọye ayen che phi odẹ mẹ phihọ enu rẹ ihwo rẹ Izrẹl, ki mi bruba kẹ ayen.

Ọbe ri Pọl si rhe Ihwo ri Rom 3:29

Eyẹ Ọghẹnẹ kẹ Ọghẹnẹ rẹ ihwo ri Ju ọvo? Ọ rha je dia Ọghẹnẹ rẹ ihwo ri Keferi-i? E, je hẹ Ọghẹnẹ rẹ ihwo ri Keferi rhe.

Galesha 6:15

Kidie oyanvwe vẹ ijẹyanvwọ fi emuọvo-o, ẹkẹvuọvo evwiẹ ọkpokpọ.

Ẹfesọs 1:3

Ebruba kẹ Ọghẹnẹ kugbe Ọsẹ rẹ Ọrovwavwanre Jesu Kristi, ro bruphihọ kẹ vwi Kristi vẹ emu buebu rẹ erhi guọnọre vwẹ obo odjuvwu,

Ẹfesọs 2:10

Kidie avwanre ekuakua rẹ iruo rọye, ra mare vwi Kristi Jesu vwọ kẹ iruo esiri, rẹ Ọghẹnẹ rhuẹrẹ vwọ hẹ otọ rhabae, nẹ avwanre yan nene ayen.

Urhi Rivẹ 32:9

Kidie ẹkẹn rẹ Ọrovwohwo ọye ihwo rọye, Jekọp ọye ẹkẹn uku rọye.

Filipae 1:6

O mu uvwe ẹro nẹ ohwo rọ to iruo esiri nana phihọ vwẹ evun rẹ ovwan na o ji che ruo gba vwẹ ẹdẹ ri Jesu Kristi da rhe.

1 Pita 2:10

Devure ovwan dia ihwo jovwo-o ẹkẹvuọvo asakiephana ovwan kẹ ihwo rẹ Ọghẹnẹ; ovwan je mrẹ arodọvwẹ jovwo-o ẹkẹvuọvo asakiephana ovwan mrẹ arodọvwẹ reyọ re.