Aizaya 19:20 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁰ Kọ dia oka vẹ iseri kẹ Ọrovwohwo rẹ otuofovwi na vwẹ otọ rẹ Ijipt ọke rẹ ayen de che kperi se Ọrovwohwo fiki rẹ oshenyẹ kọ vwẹ osivwi rhe ayen, kọ chochọ rayen o mi sivwi ayen.

Aizaya 19:20 ပူးပေါင်းရင်းမြစ်များ

Une rẹ Ejiro 50:15

rere wo se vwe vwe ọke rẹ ukpokpogho, ki mi sivwi uwe, ru wọ da vwẹ urinrin kẹ vwẹ.

Ẹyano 2:23

Vwẹ evun rẹ ọke buebu yena, ovie rẹ Ijipt de rhi ghwu. Emọ rẹ Izrẹl ki brenu fiki rẹ ọviẹn rẹ ayen epha na, ayen da viẹ, oviẹ rayen de bru Ọghẹnẹ rhe.

Ẹyano 3:7

Etiyin Ọrovwohwo da ta, “Me mrẹ oma ẹlaghọ rẹ ihwo mẹ re hẹ obo Ijipt, mi nyo oviẹ rayen fiki rẹ ilori rẹ iruo re vwẹ ayen wian owian; me riẹn oja rayen.

Aizaya 19:4

Ki mi siobọ nẹ ihwo rẹ Ijipt vwọ kẹ onini rọ goma; ovie rọ djoma ko che sun ayen, eriyin Ọrovwohwo, Ọrovwohwo rẹ otuofovwi na tare.

Aizaya 20:4

Eriyin ovie rẹ Asiria che mu ihwo rẹ Ijipt ighuvwu ihwo rẹ Itiopia ke mu ayen kpo imu te imitete te ekpako. Ẹbẹba vẹ awọ ofefe, vẹ ikebe ri rhie phihọ, rọ dia omaẹvuọ kẹ Ijipt.

Aizaya 37:36

Etiyin amakashe re Ọrovwohwo da yan phia, ọ da ghwiẹ ihwo odu gbe ujọne gbe iyori vwẹ evun rẹ erhọn rẹ Asiria na, rẹ ihwo vwọ rhọvwọ rhe vwẹ irhiọke re, asan ejobi vọnre vẹ irivwi.

Aizaya 43:11

Mẹvwẹ, Mẹvwẹ Ọrovwohwo na, Osivwi ọfa gbe herọ nọ vwẹ-ẹ.

Aizaya 43:3

Kidie Mẹvwẹ Ọrovwohwo Ọghẹnẹ wẹn, Ọfuanfon Ọvuọvo rẹ Izrẹl na, Osivwi wẹn Mi phi Ijipiti phihọ ijọpha kẹ wẹ. A vwe Etiọpia kugbe Seba vwo wene kẹ wẹ

Aizaya 45:15

Uyota, wẹ Ọghẹnẹ ro siẹ oma wẹn nẹ; E Ọghẹnẹ rẹ Izrẹl, Osivwi na.

Aizaya 52:5

Asakiephana kidie Mi vwo vwẹ etinẹ, eriyin Ọrovwohwo tare, re di vwo mu ihwo Mẹ yanran ghevweghe? Isun rayen re beroma, eriyin Ọrovwohwo tare, kọke kọke ayen vwọ je odẹ Mẹ fia.

Aizaya 55:13

Asan rẹ inwe epha jovwo ọwangha kọ dia etiyin, asan re ebẹ epha jovwo ke odi ghevweghe; kọ dia ke Ọrovwohwo ẹkarohọ ri bẹdẹ, kọ dia oka ri bẹdẹ ro je phoro.

Aizaya 60:16

Wo che viẹ ame ivie rẹ ẹgborho na, ku wo viẹ ivie rẹ ivie; ku wọ riẹn nẹ Mẹvwẹ, Ọrovwohwo na, Osivwi wẹn Ọtan wẹn, Ọgba Ọvuọvo ri Jekọp na.

Aizaya 63:8

Kidie ọ tare, Uyota ihwo mẹ ayen ruẹ, emọ ri jẹ ogbarogba eruo, ke ọye rhe dia Osivwi rayen.

Iyẹnrẹ Esiri ri Luk 2:11

Nonẹ na e vwiẹ Osivwi vwẹ obo orere ri Devid, re se Kristi Ọrovwohwo.

Taitọs 2:13

Avwanre ra hẹrhẹ ebruphihọ rẹ iphiẹrohọ rẹ ẹdẹ rẹ ẹcha rọye, ẹvwọphia rẹ urinrin rẹ Ọghẹnẹ Ọsivwi rẹ avwanre rode na Jesu Kristi.

Jems 5:4

Gbe nighe osa rẹ ihwo re wan ewan kẹ wẹ, rẹ wọ teye bọma, i ro brenu hwe we; enuebro rẹ ihwo ri vun enẹ kẹ wẹ, Ọrovwohwo Ọghẹnẹ rẹ ofovwi nyo ayen ejobi re.

Joshua 22:34

Ihwo ri Rubẹn kugbe ihwo ri Gad de se agbada na iseri, Kidie, ayen tare nẹ, iseri ọ epha vwẹ uvwre rẹ avwanre nẹ Ọrovwohwo ọye Ọghẹnẹ.