Aizaya 19:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Ke me kpare ihwo re Ijipt vwọ so ohwohwo ayen ke họnre, ọniọvo vwọ so oniọvo, ohwo kohwo ke họnre ọrivẹ rọye, orere vwọ so orere, uvie vwọ so uvie;

Aizaya 19:2 ပူးပေါင်းရင်းမြစ်များ

1 Ivie 16:21

Etiyin ihwo rẹ Izrẹl da ghare oma akava; abọvo rẹ ihwo na de nene Tibni ọmọ ri Ginat, rẹ ayen vwọ ma ovie, abọvo de nene Omri.

2 Ikun rẹ Ivie 15:6

Ayen da rhe hra ẹkuẹko, ẹgborho vwọ so ẹgborho orere vwọ so orere, kidie Ọghẹnẹ da vwẹ oghẹre koghẹre rẹ emiavwe vwo mu ayen.

Aizaya 3:5

Ihwo na ki che shenyẹ ohwo ohwo ku ohwo ku otu rọye ku ohwo ku ọrivẹ rọye, omotete ko che yivwaro kpahe ọkpako, orharhe ohwo che yivwaro kpahe omiragua.

Aizaya 9:21

Manasse ria ọ rẹ Ifrem, Ifrem ria ọ ri Manasse, ayen de koko vwọ so Juda. Vwẹ enana ejobi na ophu rọye fueri-i yẹ obọ rọye je riẹn phia.

Jerimaya 46:12

Ẹgborho nyo umri rẹ omẹvuọ wẹn, oviẹ wẹn vọn akpọ na ejobi re; kidie ọgbofovwi yẹnghrẹ she teye ọgbofovwi; ayen ivẹ na de she ugbada.

Jerimaya 51:46

We jẹn udu bru ovwa-an, wa djẹ oshọ vwẹ iyẹnrẹn re nyori vwẹ otọ na-a, rẹ iyẹnrẹn na de do rhe vwẹ ukpe ọvo vwẹ ukuko rọye iyẹnrẹn na mi rhe do rhe vwẹ ukpe ọfa, rẹ ogidi da hẹ otọ na, rẹ osun de mu kpahe osun.

Izikiẹl 38:21

Ki mi che se kemu kemu ro muoshọ ejobi rhe rhe vwọ so Gọg, eriyin Ọrovwohwo Ọghẹnẹ tare; ohwo ọvuọvo kọ cha vwẹ ọlọko vwọ so oniọvo rọye.

Zekaraya 8:10

Kidie rẹ ẹdẹ yena ki rhi te ohwo eyẹ eranvwe ro vwo osa herọ-ọ, ọfuvwegbe nẹ abọ rẹ ọvweghrẹ herọ kẹ ohwo rọ yan ruọ yan no-o, kidie Me vwẹ ohwohwo vwọ so ohwo.

Matiu 10:21

Oniọvo che hwe oniọvo, ọsẹ che hwe ọmọ, emọ che hwe i ri vwiẹ ayen, ri de ghwu.

Matiu 10:36

Uwevwi rẹ ohwo ọye ọvweghrẹ rọye epha.

Matiu 12:25

Ọ vwọ riẹn iroro rayen, ọ da ta kẹ ayen nẹ, uvie da ghare omobọ rọye, kọ hra, orere da vwọ so omobọ rọye ko she.

Matiu 24:7

Kidie ẹgborho cha vwọ so ẹgborho, uvie cha vwọ so uvie, owẹvwe che fi, otọ che kpogho vwẹ asan buebu.

Iyẹnrẹ Esiri ri Mak 3:24

Ọ da dianẹ Uvie da ghare omaobọ rọye, uvie yena se mudia-a.

Iguẹdjọ 7:22

Ọke rẹ ẹko erha rẹ eshare ujori erha na vwo kworo ewanre na nu, Ọrovwohwo na de hirhe aro rẹ ọlọkọ ri kohwo kohwo ku ọrivẹ rọye vwẹ evun rẹ otu ofovwi na ejobi; otu ofovwi na da djẹ shesheri kpo Betshita vwi Zererah, re te ughwru rẹ Abelmehola vwẹ oma ri Tabbat.

Iguẹdjọ 9:23

Ọghẹnẹ de ji erhi rẹ idẹbono phihọ uherevie rẹ Abimẹlẹk;

1 Samuẹl 14:16

Erhẹrotọ ri Sọl vwi Gibeah ri Bẹnjamin ki no; nighe urogho na ke ghwiẹ kpo enẹ ghwiẹ kpo enẹ.

1 Samuẹl 14:20

Etiyin Sọl vẹ ihwo re vẹ ọye gba herọ da ghwẹ koko kpo ofovwi na; nighe, ayen ohwohwo ke nyavwe ohwo, asan ejobi de rhi tighi ku.