Aizaya 19:19 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁹ Vwẹ ẹdẹ yena ka cha so agbada kẹ Ọrovwohwo vwẹ uherevie re otọ rẹ Ijipt na, ka cha ma osusu kẹ Ọrovwohwo vwẹ ughwru rọye.

Aizaya 19:19 ပူးပေါင်းရင်းမြစ်များ

Jẹnẹsis 12:7

Etiyin Ọrovwohwo da vwẹ oma phia kẹ Ebram, ọ da ta, Uvwiẹ wẹn Me cha vwẹ otọ nana kẹ. O da so agbada kẹ Ọrovwohwo rọ vwẹ oma phia kẹ, vwẹ Etiyin na.

Jẹnẹsis 28:18

Etiyin Jekọp de vrẹn vwẹ irhiọke ride, ọ da reyọ ubioragha na rọ vwọ cha uyovwi jovwo na vwo viotọ o de ku evwri ku enu rọye.

Une rẹ Ejiro 68:31

Jẹn a ghwe erọvwọ nẹ Ijipt rhe; jẹn Itiopia bru okpakpa riẹn abọ rọye bru Ọghẹnẹ.

Ẹyano 24:4

Mosis de si eta rẹ Ọrovwohwo na ejobi. O de vrẹn vwẹ irhiọke ride, ọ da so agbada phihọ esiri rẹ ugbenu na, vẹ ichivwo ihwivẹ, kirobo rẹ orua ihwivẹ rẹ Izrẹl epha.

Aizaya 56:7

ena keye Me reyọ rhe ugbenu ọfuanfon Mẹ, ki mi ru ayen vwo vwo aghọghọ vwẹ evun rẹ uwevwi rẹ ẹrhovwo Mẹ, izobo rayen rẹ ẹtorhẹ kugbe izobo rayen ka rhọvwọ ayen vwẹ enu rẹ ẹshẹ Mẹ, kidie uwevwi Mẹ ke se uwevwi rẹ ẹrhovwo kẹ ihwo ejobi.

Aizaya 60:7

Uchuru ri Keda ejobi ke ghwẹ koko bru we rhe, egho ri Nebaiọth che gbe odibo kẹ wẹ, ayen cha rhe vẹ ẹreyọ vwẹ enu rẹ ẹshẹ Mẹ, ke Me vwẹ ejiro kẹ uwevwi rẹ urinrin mẹ na.

Aizaya 66:23

Nẹ ọtuphro rẹ emeranvwe re te ọtuphro rẹ emeranvwe, nẹ ẹdidjala re te ẹdidjala, ihwo ejobi cha rhe rhe ga vwẹ, eriyin Ọrovwohwo tare.

Jerimaya 46:2

Kpahe Ijipt. Ro she kpahe unuofovwi ri Fẹro Nẹko, ovie rẹ Ijipt, rọ kẹrẹ urhie ri Yufretis vwi Kakimish ri Nebukadreza ovie ri Babilọn phi kua vwẹ ukpe rẹnẹ ri Jihoiakim ọmọ ri Josaya, ovie ri Juda;

Izikiẹl 29:1

Vwẹ ukpe rihwe, vwẹ emeranvwe rihwe, vwẹ ẹdẹ rihwivẹ rẹ emeranvwe na, ota rẹ Ọrovwohwo de bru vwe rhe:

Izikiẹl 30:1

Ota rẹ Ọrovwohwo de bru vwe rhe.

Izikiẹl 31:1

Vwẹ ukpe ruhwọvo, vwẹ emeranvwe rerha, vwẹ ẹdẹ rẹsosuọ rẹ emeranvwe na, ota rẹ Ọrovwohwo de bru vwe rhe.

Izikiẹl 32:1

Vwẹ ukpe rihwivẹ, vwẹ emeranvwe rihwivẹ, vwẹ ẹdẹ rẹ ẹsosuọ rẹ emeranvwe na, ota rẹ Ọrovwohwo de bru vwe rhe.

Zekaraya 6:15

Otu re he ogboko jovwo na ke cha rhe rhi nene ayen bọn uwevwi rẹ Ọrovwohwo na; ku wọ cha riẹn nẹ Ọrovwohwo rẹ otuofovwi na ri ji vwe bru we rhe. Ọnana che ru, o da dianẹ wọ vwẹ oma kpotọ nyo urhuru rẹ Ọrovwohwo Ọghẹnẹ wẹn na .

Hibru 13:10

Avwanre vwo agbada rẹ ihwo re ga vwẹ evun rẹ utughẹ na nu se vwo ogangan re vwọ ria vwọ-ọ.

Joshua 22:10

Ọke rẹ ayen rhi vwo te ubrakpọ ri Jọdan, ro fi otọ ri Kenan, ihwo ri Rubẹn vẹ ihwo ri Gad kugbe abọvo rẹ orua ri Manasse da so agbada pliho oma ri Jọdan, agbada rode gangan.

Joshua 22:26

Fiki rẹ ọtiọye na avwanre vwọ tanẹ, Gbe jẹ avwanre so agbada ọvo, ọ dia ọ rẹ izobo rẹ ẹtorhẹ-ẹ, eyẹ fiki rẹ izobo-o,

Joshua 22:27

ẹkẹvuọvo rere ọ vwọ dia iseri kẹ avwanre vẹ ovwan kugbe uvwre rẹ avwanre vẹ uvwiẹ rọ cha, nẹ avwanre ga ẹga nana vwe irharo rẹ Ọrovwohwo fiki rẹ izobo rẹ ẹtorhẹ rẹ avwanre kugbe izobo rẹ ufuoma, emọ rẹ ovwan da rha ta kẹ emọ rẹ avwanre vwẹ ọke rọ cha nẹ, We vwo ẹkẹn vwẹ oma rẹ Ọrovwohwo-o.

Joshua 22:28

Avwanre ki rori nẹ, Ọ da dianẹ a ta ọnana kẹ avwanre eyẹ uvwiẹ rẹ avwanre vwẹ ọke rọ cha, avwanre ke ta, Nighere, ọkpọ rẹ agbada rẹ Ọrovwohwo na, rẹ esẹ rẹ avwanre soro, o dianẹ fiki rẹ izobo rẹ ẹtorhẹ-ẹ eyẹ fiki rẹ izobo-o, ẹkẹvuọvo rere ọ vwọ dia iseri kẹ avwanre vẹ ovwan.

Joshua 22:34

Ihwo ri Rubẹn kugbe ihwo ri Gad de se agbada na iseri, Kidie, ayen tare nẹ, iseri ọ epha vwẹ uvwre rẹ avwanre nẹ Ọrovwohwo ọye Ọghẹnẹ.