Aizaya 19:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Ona aroẹmrẹ kpahe Ijipt. Nighe, Ọrovwohwo rọ gua vughu vughu vwẹ ikoro ọ da rhe Ijipt, ema rẹ Ijipt ki che kpogho vwẹ obaro rọye, udu rẹ ihwo rẹ Ijipt ke cha wran vwẹ oma rayen.

Aizaya 19:1 ပူးပေါင်းရင်းမြစ်များ

Une rẹ Ejiro 104:3

we re vwẹ ugbere vwo gberi enu rẹ ame na, we re vwẹ egho na vwo ru akpẹrẹ, wọ gua vwẹ ibekpe rẹ odju,

Une rẹ Ejiro 104:34

Jẹn umẹ ese mẹ je kidie me ghọghọ vwẹ evun rẹ Ọrovwohwo na.

Une rẹ Ejiro 18:9

Ọ da nuẹ idjuvwu na, o de wotọ rhe, ebri hwi da hẹ obotọ rẹ awọ rọye.

Une rẹ Ejiro 68:4

So ine kẹ Ọghẹnẹ, so ejiro kẹ odẹ rọye; kpare une kẹ ohwo rọ gua vwẹ enu rẹ egho; odẹ rọye ọye Ọrovwohwo, ghọghọ vwẹ obaro rọye!

Ẹyano 12:12

Kidie me cha wan otọ rẹ Ijipt vrẹn vwẹ ason yena, ke me ghwiẹ emekpako rẹ otọ rẹ Ijipt ejobi hwe te ohwo te eranvwe, ke me vwẹ edjọ rẹ Ijipt ejobi guẹdjọ; Mẹvwẹ Ọrovwohwo na.

Aizaya 13:1

Aroẹmrẹ rẹ Aizaya rẹ ọmọ rẹ Amọz mrẹ kpahe Babilọn

Aizaya 13:7

Eriyin na abọ na ejobi ke dia ghwrọghọ, udu ri kohwo kohwo kọ wran,

Aizaya 19:16

Vwẹ ẹdẹ yena, ihwo rẹ Ijipt na ke cha họhọ eya, ke cha phariẹ vẹ oshọ vwọ kẹ obọ na rẹ Ọrovwohwo rẹ otuofovwi che kpogho phihọ ayen na.

Aizaya 21:9

Nighere, ihwo re gua na yan cha, ihwo re gua iyesi urhiẹ ivivẹ! Ọ da kpahe, Osheri, Babilọn sheri ọ vẹ uhoho rẹ ẹdjọ rọye ejobi a guọghọ ayen ejobi te otọ.

Jerimaya 25:19

Fẹro ovie rẹ Ijipt, idibo rọye, isun rọye, ihwo rọye ejobi,

Jerimaya 4:13

Nighe, ọ cha kerẹ egho, ẹkpẹrẹ rẹ ofovwi rọye họhọ ogiribo iyesi rọye djẹ phẹre nọ ugo– ekan kẹ avwanre, kidie avwanre ghwọre.

Jerimaya 44:8

Die sorọ re wọ vwọ reyọ iruo rẹ abọ rẹ ovwan vwọ nẹrhẹ ovwe phihọ ophu, rọ vwọ torhẹ ugboduma kẹ edjọ efa vwẹ otọ ri Ijipt re wa rhere rhe dia na, rere e vwo bru ovwan kufia re we rhi hirhe phihọ ekan vẹ ehwẹje kẹ uvwiẹ rẹ akpọ na?

Jerimaya 50:2

Djẹ phia vwẹ ohri rẹ ẹgborho na wo ghwoghwo, vwẹ aphiana tan wo ghwoghwo, wo sionẹ-ẹ, re wo tanẹ: A reyọ Babilọn nure, oma vo Bẹl nure, ofu dje Mẹrodak nure. A vwẹ ema rọye jehwẹ, ofu dje edjọ rọye.

Jerimaya 51:44

Mi che hwe Bẹl vwi Babilọn, mi de si obo rọ rọre na nẹ unu rọye rhe. Ẹgborho na rha ghwiẹ bro ra ọfa-a, igbẹhẹ ri Babilọn she nure.

Izikiẹl 30:13

E nẹ Ọrovwohwo Ọghẹnẹ tare Me guoghọ ema na, mi phi oba phihọ ema re hẹ Mẹmfis, a gbe mrẹ osun vwẹ otọ rẹ Ijipt ọfa-a.

Joẹl 3:19

Ijipt kọ cha rhoma dia ofefe Edom kọ cha dia aghwa ofefe ghevweghe, fiki rẹ emu ogbarogba re ru kẹ ihwo ri Juda, kidie ayen sun ọbara rẹ ekun te otọ vwẹ otọ rayen.

Nahum 1:1

Epha ra bọ kpahe Ninivẹ. Ọbe rẹ emramrẹ ri Nahum ohwo rẹ Ẹlkosh.

Nahum 1:3

Ọrovwohwo na fobọ mu ophu-u yo vwo ẹgba rhuarho, Ọrovwohwo na ri brorhiẹ hwe ohwo rọ re abe. Idjerhe rọye ọ hẹ evun rẹ ogiribo vẹ urhie rọ họnra, egho rẹ obenu eye hẹ ekpẹn re tamu awọ rọye.

Zekaraya 10:11

Ayen cha wan urhie rẹ Ijipt vrẹn, ka teye ọgbogho rẹ urhie na, ru ikokodo rẹ Nile ejobi yamu. A vwẹ eheri rẹ Asiria totọ, ọkpọ rẹ uvie rẹ Ijipt gbe dia-a.

Zekaraya 14:18

Ọ da je dianẹ ekru rẹ Ijipt gbe yanran ra vwẹ oma rayen nẹ-ẹ, emiavwe rẹ Ọrovwohwo vwo mu ẹgborho ri je orẹ rẹ egarivi na era ko ji mu ayen.

Ukeri 33:4

vwẹ ọke rẹ ihwo rẹ Ijipt vwo shi emekpako rayen, rẹ Ọrovwohwo hweri vwẹ ohri rẹ ayen; kugbe edjọ rayen rẹ Ọrovwohwo ji brorhiẹ hwe.

Urhi Rivẹ 33:26

Ọvuọvo rọ họhọ Ọghẹnẹ herọ-ọ, E Jeshurun, ọ rọ djẹ wan odjuvwu rhe re chọ wẹn uko na, ọ vẹ ọrho rọye da wan enu vrẹn.

Joshua 2:11

Rẹ avwanre ghwe vwo nyo, udu rẹ avwanre da wran, udu de nẹ avwanre awọ, fiki wẹn, kidie Ọrovwohwo Ọghẹnẹ wẹn ọye Ọghẹnẹ rọ hẹ obenu rẹ odjuvwu kugbe obotọ rẹ akpọ na.

Joshua 2:24

Ayen da ta kẹ Joshua, Uyota Ọrovwohwo phi otọ na ejobi phihọ obọ rẹ avwanre nure; ọ rọ marho udu re bru ihwo na gangan fiki rẹ avwanre.

Joshua 2:9

ọ da ta kẹ ihwo na, Me riẹnre nẹ Ọrovwohwo na phi otọ na phihọ ovwan obọ nure, nẹ oshọ ro ovwan ko di muẹ avwanre kpakpa, ihwo rẹ orere na wranre kakare.

Ẹvwọphia 1:7

Nighe, ọ cha vwẹ irharheghe, ẹro kẹro ke mrẹ, ohwo kohwo ro duvwuro; uvwiẹ rẹ akpọ na ki kuenu rẹ oviẹ. Eriyin ọ dia. Isẹ.