Aizaya 18:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Vwẹ ọke yena ke che ru ẹse kẹ Ọrovwohwo rẹ otuofovwi na nẹ obọ rẹ ihwo ri grori re pha bọbọ bọbọ, nẹ obọ re ihwo ra djẹ oshọ rayen re kerẹ kugbe ri sheri, ẹgborho ro vwo ẹgba ro vwo phiẹ kparobọ re irhie ghare otọ rọye, vwo kpo Ugbenu ri Zayọn, ẹdia rẹ odẹ rẹ Ọrovwohwo rẹ otuofovwi na.

Aizaya 18:7 ပူးပေါင်းရင်းမြစ်များ

2 Ikun rẹ Ivie 32:23

Ihwo buebu da rhe kpẹvwẹ ẹse kẹ Ọrovwohwo vwi Jerusalẹm ayen ke rha phare ọko ghaghare kẹ Hẹzikaya ovie ri Juda, ọtiọye ka kpaẹro kpenu vwẹ ẹro rẹ ẹgborho efa nẹ ọke yena yanran.

Une rẹ Ejiro 68:32

So ine kẹ Ọghẹnẹ, E uvie rẹ akpọ na; so ejiro kẹ Ọrovwohwo na,

Aizaya 16:1

Ayen vwẹ imigodẹ phare ọko vwo rhe isun rẹ otọ na, nẹ Sela rhe, vwọ wan idjerhe rẹ aton, vwo kpo ugbenu rẹ ọmọtẹ ri Zayọn.

Aizaya 18:2

ri jẹ ekpreta rayen wan urhie ri Nile, vwẹ evun rẹ okọ ri paparọs vwẹ enu rẹ ame! Yanran ovwan iyinkọn rẹ okpakpa na, bru orere, grogro bọbọ bọbọ, bru ihwo ra djẹ oshọ rayen vwẹ asan ọkẹkẹre vẹ ogboko, orho ro vwo ẹgba ro phiẹ kparobọ rẹ irhie ghare otọ rọye.

Aizaya 18:4

Kidie enẹ Ọrovwohwo ta kẹ vwe; Me cha jomaotọ dia adia mẹ de ni kerẹ oghẹruvo rọ nabọ fiotọ, kerẹ ukori rẹ evwru vwẹ ọke orho.

Aizaya 45:14

Enẹ Ọrovwohwo rẹ otuofovwi na tare. Efe rẹ Ijipt kugbe oghwa rẹ ineki rẹ Etiopia, kugbe ihwo ri Seba, eshare puma, ki bru we rhe ke dia ewẹn ki nenẹ uwe. ke rhe vẹ igoni vwẹ obọ rhi shiguẹ kẹ wẹ. Ayen ke rẹ wẹ tanẹ; Ọghẹnẹ vẹ owẹ ọvo re gba herọ, ọfa gbe herọ-ọ, Ọghẹnẹ ọfa rọ barọ gbe herọ-ọ.

Maika 4:13

Vrẹn rere wo wuye, E Ọmọtẹ ri Zayọn, kidie mi che ru ighoro wẹn hirhe phihọ utehru ichihotọ wẹn kerẹ ẹrovwo; ku wo che hwe ihwo buebu vworovworo, ka cha vwẹ erere rayen ze kẹ Ọrovwohwo, efe rayen kẹ Ọrovwohwo ro vwo akpọ soso.

Habakọk 1:7

Ihwo ri mu udidi ri mu oshọ; ọsoso rayen kugbe ọrho yoro nẹ ayen oma cha.

Zẹfanaya 3:10

Nẹ abọ oboyi rẹ irhie rẹ Itiọpia ihwo re rẹ vwẹ na, ọmọtẹ rẹ ihwo mẹ re hrabọ na, ke cha vwẹ ẹkpẹvwẹ rhe vwe.

Malakae 1:11

Kidie nẹ evacha rẹ ọnre re te eshe kpotọ rọye odẹ mẹ re cha rho vwẹ ohri rẹ ẹgborho na ejobi, vwi kasan kasan ejobi ọye a da torhẹ insẹns kẹ odẹ mẹ, kugbe omamọ rẹ ẹkpẹvwẹ rọ fonrọ; kidie odẹ mẹ ọrhuarho vwẹ ohri rẹ ẹgborho na, eriyin Ọrovwohwo rẹ otuofovwi na tare.

Matiu 2:11

Ayen da ro uwevwi na, ayen da mrẹ ọmọ na kugbe Meri rẹ oni rọye, ayen de diguẹ ayen da vwarọ, ayen de rhie ekpo rayen, ayen de ru ẹse kẹ, ọvo kẹrẹ oro, ọrivẹ adjija ọrerha ugboduma.