Aizaya 18:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Ka cha yan jẹn ayen ejobi vwo kẹ ephran re djoma ri hẹ enu rẹ ugbenu na, vwọ kẹ eranvwe rẹ aghwa. Ephran re djoma ke dia ayen vwẹ ọke uvo, eranvwe rẹ aghwa na ejobi kẹ etiyin e dia vwẹ ọke ohwahwa.

Aizaya 18:6 ပူးပေါင်းရင်းမြစ်များ

Aizaya 14:19

ẹkẹvuọvo a djẹ wẹn kufia, shesheri nẹ ushi wẹn, kere ọmọ re vwiẹ chọra ro tuoma, ihwo ra vwẹ ọlọkọ duvwu hwe, ra vwẹ irivwi phopho, re yanran bru ibieragha re he obo Ukpotọ, kerẹ orivwi re chiyẹ wan.

Aizaya 23:13

Nighere otọ rẹ ihwo ri Kaldia. Ọna hẹ ihwo na; o dia Asiria-a Akpọ-eyere ri Taya da họhọ akpọ-eyere rẹ eranvwe re djoma. Ayen bọn ẹgedẹge rẹ imu rayen nure, ayen kprọ ighẹn rayen ejobi te otọ, ayen ruru phihọ erhurhu.

Aizaya 46:11

se ọmọphran rọ djoma nẹ obaro ọnre rhe, ọvwiroro mẹ nẹ orere rọ he ogboko rhe. Me ta nure, Mi ji se ruo gba, Me je iroro nure, ki Mi ruo.

Aizaya 56:9

Ovwan eranvwe re aghwa ejobi, wa yanrhe re ghwọrọ ovwan eranvwe rẹ egbo.

Jerimaya 15:3

Me cha vwẹ oghẹre re oghwọrọ enẹ vwo mu kẹ ayen, eriyin Ọrovwohwo tare: ọlọkọ re o hwe, eranko re ọ chẹghẹ, kugbe eme-phran rẹ enu ve ẹranvwẹ rẹ aghwa re guọghọ re je ghwọrọ

Jerimaya 16:4

Emiavwe ọbrabra che hwe ayen. A cha viẹ aye-en, e ji che shi aye-en; ayen cha họhọ isọn vwẹ enu rẹ otọ na. Ọlọkọ vẹ owẹvwe che hwe ayen, irivwi rayen ke dia emuọre kẹ emephran rẹ enu kugbe eranvwe rẹ akpọ na.

Jerimaya 7:33

Irivwi rẹ ihwo nana ke cha dia emuọre kẹ emephran rẹ enu, ji kugbe eranvwe rẹ otọ na, ohwo ọvuọvo ro cha djẹ oshọ mu ayen gbe herọ-ọ.

Izikiẹl 31:13

Vwẹ enu rẹ asan rọ guọghọ phihọ etiyin emephran rẹ obenu na cha dia, vwẹ enu rẹ abọ rọye. Etiyin eranvwe rẹ aghwa na cha dia.