Aizaya 18:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ E, otọ rẹ ibekpe ri kiẹriariẹ vwẹ abọ oboyi rẹ irhie rẹ Itiopia,

Aizaya 18:1 ပူးပေါင်းရင်းမြစ်များ

Ivie rẹ Ivẹ 19:9

Ọke rẹ ovie na vwo nyo kpahe Tarhakah ovie rẹ Etiopia, Nighe, o se ofovwi ra cha vwọ họnre owẹ, Ọ da rhọma ji ikọn bru Hẹzikaya ra nẹ,

Une rẹ Ejiro 17:8

Sẹro mẹ kerẹ ọmẹro na, si vwe nu vwẹ otọ rẹ uhoho rẹ ibekpe wẹn,

Une rẹ Ejiro 36:7

Mavọ ẹguọnọ wẹn rọ rhẹriẹ-ẹ na yovwi te, E Ọghẹnẹ! Emọ rẹ ihwo rẹ akpọ na si oma nu vwẹ uhoho rẹ ibekpe wẹn.

Une rẹ Ejiro 57:1

Ni arodọvwẹ Me, E Ọghẹnẹ, ni arodọvwẹ mẹ, kidie evun wẹn ẹnwẹ mẹ de si oma nu; vwẹ ophie rẹ ibekpe wẹn me da djahe, bẹsiẹ rẹ ogiribo rẹ ẹguọghọ na vwọ wanvrẹn.

Une rẹ Ejiro 61:4

Jẹn uvwe dia utughẹ wẹn bẹdẹ. re me vwọ sa rhọ vwẹ otọ re uhoho re ibekpe wẹn!

Une rẹ Ejiro 63:7

kidie wẹ ọchuko mẹ rhabae rhe, vwẹ evun rẹ uhoho rẹ ibekpe wẹn me da so ine rẹ aghọghọ.

Une rẹ Ejiro 91:4

kọ cha vwẹ udu rhurhu uwe, vwẹ otọ rẹ ibekpe rọye wọ de si oma nu, esegbuyota rọye ọye ekpọfia vẹ egbe.

Aizaya 31:1

Ekan ke otu re yanran kpo Ijipt ra guọnọ ọchuko re vwẹ ẹro go iyesi, re vwẹ ẹro so ekpere re ofovwi kidie i buru re vwẹ ẹro so ihwo re gua iyesi kidie ayen ganre, ẹkẹvuọvo ayen vwẹ ẹro so Ọfuanfon Ọvuọvo rẹ Izrẹl na-a eyẹ ayen je nọ mie Ọrovwohwọ-ọ

Aizaya 37:9

Asakiephana ovie na de nyo kpahe Tirhakah ovie rẹ Itiopia, nẹ, O rhi nene uwe họnre. Ọke ro vwo nyo, ọ da vuẹ ovuẹ rhe Hẹzikaya, tanẹ,

Aizaya 45:14

Enẹ Ọrovwohwo rẹ otuofovwi na tare. Efe rẹ Ijipt kugbe oghwa rẹ ineki rẹ Etiopia, kugbe ihwo ri Seba, eshare puma, ki bru we rhe ke dia ewẹn ki nenẹ uwe. ke rhe vẹ igoni vwẹ obọ rhi shiguẹ kẹ wẹ. Ayen ke rẹ wẹ tanẹ; Ọghẹnẹ vẹ owẹ ọvo re gba herọ, ọfa gbe herọ-ọ, Ọghẹnẹ ọfa rọ barọ gbe herọ-ọ.

Izikiẹl 30:9

Vwe ẹdẹ yena iyinkon rẹ okpakpa ki che nẹ obọ mẹ rhe rhi guegue ihwo rẹ Itiopia vwẹ ọke rẹ ayen roro phihọ-ọ, kẹ ayen che brenu vwẹ ẹdẹ rẹ ughwu rẹ Ijipt na, kidie, no, o cha rhe!

Zẹfanaya 2:12

Ji te owẹ rhe, E ihwo rẹ Itiopia, odan mẹ kọye mi vwo hwe we.

Zẹfanaya 3:10

Nẹ abọ oboyi rẹ irhie rẹ Itiọpia ihwo re rẹ vwẹ na, ọmọtẹ rẹ ihwo mẹ re hrabọ na, ke cha vwẹ ẹkpẹvwẹ rhe vwe.

Matiu 23:37

E Jerusalẹm, Jerusalẹm, ro hwe otu rẹ emraro na, rọ vwẹ elalọ phiẹ ihwo re ji bru ovwan rhe na! mavọ mi se ovwan koko te kerẹsiẹ rẹ ọhọ a da vwẹ ibekpe rhurhu emọ rọye, yẹ ovwan je rhọvwe-e.

Rutu 2:12

Ọrovwobwo hwa osa kẹ wẹ kirobo ri wo ruru, osa rọ vọnre ọye Ọrovwohwo hwa kẹ wẹ, Ọghẹnẹ rẹ Izrẹl, ohwo ri wo rhi sioma nu vwe obotọ rẹ ibekpe rọye.