Aizaya 17:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ ayen gbi che se agbada rẹ izobo gbe emu-u, iruo rẹ obọ rayen, ayen gbi che ni obo rẹ obọ rayen ruru-u, ọ dia ighriki eye agbada rẹ egẹ-ẹn.

Aizaya 17:8 ပူးပေါင်းရင်းမြစ်များ

2 Samuẹl 22:42

Ayen guọnọre, ẹkẹvuọvo a mrẹ ohwo ro sivwi aye-en; Ayen kperi se Ọrovwohwo, ẹkẹvuọvo ọ kpahe kẹ aye-en.

2 Ikun rẹ Ivie 14:5

Ọ de ji si asan ri kpenu ejobi kugbe agbada rẹ insẹns re irere ri Juda ejobi no. Uvie na de vwo omaerovwo vwẹ otọ rọye.

2 Ikun rẹ Ivie 31:1

Asakiephana rẹ ọnana ejobi vwo re nu, ihwo rẹ Izrẹl re hẹ etiyin da yanran kpo irere ri Juda ra guọghọ isunsun na ayen da nyavwe ighriki na ejobi kuotọ ayen de kporo asan ro kpenu na ejobi te otọ kugbe egbada re otọ ri Juda vi Bẹnjamin, kugbe Ifrem vi Manasse, bẹsiẹ rẹ ayen vwọ guọghọ ayen ejobi re. Etiyin ihwo rẹ Izrẹl de rhivwi kpo irere rayen, dohwo dughwẹ rọye.

2 Ikun rẹ Ivie 34:4

Ayen de kporo egbada ri Baal na she vwẹ irharo rọye; o de she egbada re insẹns re hẹ obenu rẹ ayen shẹ; ọ da nyavwe ighriki rẹ ayen ibribro, ọ da guọghọ ema re bru ena phihọ na kugbe i re kuru na riẹriẹriẹ, ọ nọ ayen vworovworo nu ọ da hrahra iwurhie rayen phihọ enu re ishi rẹ ihwo ri ze izobo ke ayen.

Ẹyano 34:13

Wa me guọghọ egbada rayen, wa me rha guọghọ ichivwo rayen, wa me nyavwe ighriki rayen she,

Aizaya 1:29

Fikiridie oma re ọhahe ro je we na kọ cha vọ we, opharo wẹn kọ dia ghwọkpọ fiki re ogba ru wọ jẹre.

Aizaya 10:20

Vwẹ ẹdẹ yena umuku ri chekọ vwẹ Izrẹl kugbe iri ghwu chekọ vwẹ uwevwi ri Jekọp gbe cha vwẹ oma rere ohwo rọ ghwiẹ ayen na-a, ẹkẹvuọvo kẹ ayen vwẹ oma rẹrẹ Ọrovwohwo, Ọfuanfon Ọvuọvo re Izrẹl na, vwẹ ọ re uyota.

Aizaya 17:9

Vwẹ ẹdẹ yena irere rayen rẹ egangan ejobi ka cha kua nẹ ayen kerẹ asan ra kua nu vwi Hiv eyẹ Amọr, re ayen kua nu fiki rẹ emọ rẹ Izrẹl, asan na kọ dia ofefe.

Aizaya 2:8

Otọ rayen vọnre vẹ ema ayen diguẹ kẹ iruo rẹ obọ rayen, kẹ obo rẹ ayen vwẹ irhiabọ rayen ru.

Aizaya 27:9

Vwẹ oma rẹ ọnana kọye e vwo phoro abe ri Jekọp nu. Ọnana kọye cha dia omamọ rẹ emamọ rẹ esiono rẹ umwemwu rọye; vwẹ ọke ro de ru ibieragha rẹ agbada na kerẹ ukori rẹ ọnrhe ra nọre vworovworo, te ighriki vẹ agbada ra da torhẹ egẹn gbi se mudia-a.

Aizaya 30:22

vwe ọke yena ku wọ che gbe ema wẹn ra vwe idọnọ efuanfon kugbe e ra vwe iro ma ẹgua Ku wọ hra ayen kerẹ imu igbegbe, ku wo ta ke ayen ne, Wa yanran!

Aizaya 37:19

ayen da kpare ẹdjọ rayen phihọ erhanre; kidie ayen dia edjọ-ọ, ẹkẹvuọvo iruo rẹ obọ re ohwo, urhe vẹ oragha, kọye ọ vwọ ghwọrọ ayen.

Aizaya 41:29

Nighere, ayen ejobi ophiẹvwe, iruo rayen odiodi, oma ra wranre na odju ofefe.

Aizaya 44:15

Etiyin o de rhi hirhe phihọ urhe re vwo mu erhanre ọ reyọ abọvo rọye ọ de vwo koko erhanre kẹ oma rọye rere ọ dia, ọ vwi ro koko erhanre ọ da kaka ikara vwọ, o vrẹn ọ da vwẹ abọ ro chekọ kare oma ọ da gọ, ọ da vwọ kare oma re bru ona phihọ o de she diguẹ kẹ.

Jerimaya 17:2

Jẹ emọ rayen karohọ ẹshẹ rayen vẹ ighriki rayen, rẹ ayen ru phihọ orhoma rẹ urhe djidjidji ejobi, kugbe igbenu ri kpenu ejobi.

Izikiẹl 36:25

Ke me fẹrẹ ame ọfuanfọn ku we, ku wọ fon nẹ ijẹfuọn wẹn, ke me hworhẹ edjọ wẹn ejobi nẹ uwe oma.

Hosia 14:8

E Ifrem, die me vwẹ ema ru? Mẹvwẹ ri nyo we, mẹvwẹ je vwẹ ẹro te we. Me họhọ owangha oma mẹ emamọ wẹn nẹ cha.

Hosia 14:9

Ohwo kohwo rọ ghwanre e jọ riẹn imu nana; ohwo kohwo ro vwo iroro, e jo vughe ayen; Kidie idjerhe rẹ Ọrovwohwo hẹ ọsoso ohwo rọ dia ọsoso yan vwẹ evun rọye, ẹkẹvuọvo oruimwemwu she vwẹ evun rẹ ayen.

Zẹfanaya 1:3

Mi hwerhe ohwo vẹ eranvwe kufia; mi hwerhe emephran rẹ obenu kufia kugbe eri rẹ abadi na. Me guọghọ ohwo umwemwu fiọtọ kakare, me nyavwẹ ohwo rẹ akpọ kufia nẹ enu rẹ akpọ na, eriyin Ọrovwohwo na tare.

Zekaraya 13:2

Je vwẹ ẹdẹ yena, Ọrovwohwo rẹ otuofovwi tare, mi che si edẹ rẹ ema nẹ otọ na, ra gbe karohọ ayen ọfa-a; eriyin rhe mi ji si emraro vẹ erhi re ijẹfuọn nẹ otọ na.

Urhi Rivẹ 7:5

Ẹkẹvuọvo enẹ we nene ayen yeri; wọ guọghọ egbada rẹ izobo rayen, guọghọ osunsun rayen she, she ighriki rayen teye otọ, wa vwẹ erhanre torhẹ ema rayen.