Aizaya 17:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Ke cha họhọ ọke rẹ ọkọreka da kọrọ eka ri mudia ra da ghwẹ ayen koko eghwabọ rọyen, kerẹ ẹsiẹn rẹ ohwo a da kọrọ eka vwẹ Iyara ri Rifaim.

Aizaya 17:5 ပူးပေါင်းရင်းမြစ်များ

2 Samuẹl 5:18

Filistia da ghare oma phihọ iyara ri Refaim.

2 Samuẹl 5:22

Filistia da rhuẹrẹ rhe, ayen da ghare oma phihọ iyara ri Refaim.

Isẹ 27:25

Ọke rẹ odi da torhẹ nu, re odi ọkpokpo da dje rhe nu, a da rhe ghwẹ ẹbe rẹ ugbenu na ejobi koko nu,

Aizaya 17:11

wo de se ru ayen djẹ vwẹ ẹdẹdẹ ru wọ kọn ayen na, re da sa kpipho vwẹ irhirhiọke ru wọ kọnrọn na; dede na orhọ rọye cha djẹ yanran vwẹ ẹdẹ rẹ ivuemiovwo na kugbe odjadja re je se sivwo na.

Jerimaya 51:33

Kidie enẹ Ọrovwohwo rẹ otuofovwi, Ọghẹnẹ rẹ Izrẹl tare; Ọmọtẹ ri Babilọn họhọ utuwevwi re de duvwu eka vwẹ oke re de chiyo nu, dede na vwẹ ọmọke emerha yẹ ọke rẹ orhọ roye kọ cha rhe.

Jerimaya 9:22

Ta, Enẹ Ọrovwohwo na tare: Irivwi rẹ ihwo na che she, kerẹ isọn ra kpare phihọ uphephẹ kerẹ ekrẹbe rẹ ihwo ri vuẹ orhọ ohwo ọvuọvo gbe ghwẹ ayen koko-o.

Hosia 6:11

Fiki wẹ rhe, E Juda, e bru ẹdẹ rẹ orhọ wo nure. Oke me vwọ vwẹ ughwẹ rẹ ihwo mẹ rhivwi rhe.

Joẹl 3:13

Chọrọ oda rẹ ivuevun phihọ, kidie orhọ na ghwore. Ro evun rọye chiyo, kidie okọ ri vain na vọnre. ikpotọ na vọn mwavwe hwẹ, kidie umwemwu rayen rhoro gangan.

Matiu 13:30

We jẹn ayen ivẹ na rho kugbe tavwe. Orhọ de te re, ke me ta kẹ otu ri vuẹ nẹ, Ovwan ka ghwẹ ego na koko, wa gba ayen ẹkuẹko rere a torhẹ ayen; ẹkẹvuọvo irosu mẹ ri chekọ na we gbeje ayen kpo erhu.

Joshua 15:8

ughwru na da rha wan oma rẹ iyara rẹ ọmọ ri Hinnọm vwẹ asan eghwabọ ri Jebu (ọye Jerusalẹm), ughwru na da wan kpo obenu rẹ ugbenu rẹ abọ oboyi re iyara ri Hinnọm, vwẹ obuko ọnre, vwẹ oba rẹ obọhwẹre ọnre vwẹ iyara ri Rifaim;

Joshua 18:16

etiyin ughwru na de rhe mu rheotọ vwẹ oma rẹ ugbenu na ro hirhe aro ku iyara re emọ ri Hinnọm, rọ obo oba vwẹ obọhwẹre ọnre vwẹ iyara ri Refaim; o da rha yanran rhi te iyara ri Hinnọm, vwẹ obọrhe ọnre vwẹ eghwabọ rẹ ihwo ri Jẹbu, rha ghwrọrọ rheotọ rhi te Enrogẹl;