Aizaya 17:14 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁴ Vwẹ ovwọnvwọn, nighere, udidi rẹ oshọ! Bẹsiẹ rẹ ọke vwo rhie, ayen gbi herọ-ọ. Ọnana ẹkẹn rẹ ihwo re ghwọrọ avwanre na, kugbe ute rẹ ihwo ri gborho avwanre na.

Aizaya 17:14 ပူးပေါင်းရင်းမြစ်များ

Ivie rẹ Ivẹ 19:3

Ayen da ta kẹ, Enẹ Hẹzikaya tare, Nonẹ na ẹdẹ rẹ ukpokpogho, nonẹ ẹdẹ rẹ ekan, nonẹ na ẹdẹ rẹ ophọphọvwe; unwe rẹ emọ na phire, ẹgba rha herọ ra vwọ chuẹ uvwiẹ raye-en.

Ivie rẹ Ivẹ 19:35

Vwẹ ason yena amakashe rẹ Ọrovwohwo da yan phia, o de hwe ihwo uriori ujori gbẹ ujọne gbẹ iyori vwẹ erhọn rẹ ihwo rẹ Asiria; ọke rẹ eshare na vwọ rhọvwọn vwẹ urhiọke rhirhi, nighe enana ejobi kẹ iririvwi.

ỌBE RẸ JOB 20:29

Ọna ẹkẹn rẹ Ọghẹnẹ ghare kẹ ohwo umwemwu, ukuẹriọ rẹ Ọghẹnẹ ghwoghwiro kẹ.

Une rẹ Ejiro 37:36

Me rhoma wanvrẹn, mi de no, me gbe mrẹ ọfa-a; Me da nabọ fuẹrẹ, a gbe sa mrẹ-ẹ.

Isẹ 22:23

kidie Ọrovwohwo che mie ayen unu vwo guẹ, o mi rhi miovwi ayen ihwo ri miovwi akpọ rayen.

Aizaya 10:25

Vwẹ ọmọke krẹn emerha ivuemiovwo mẹ ko vwo oba, ophu mẹ kọ cha garọ vi ẹghwọrọ rayen ọvo.

Aizaya 21:12

Ọrhẹrotọ, na da ta, Irhiọke cha, ye ason na ji sheri Ọ da dianẹ wọ nọ, nọ wọ, rhoma rhe.

Aizaya 29:2

Dede na oma cha rhọ Ariẹl, e che beroma a cha viẹ vwọ, kọ cha họhọ Ariẹl kẹ vwẹ.

Aizaya 29:5

Ẹkẹvuọvo ivwighrẹ re pha gbidi na họhọ iwurhie vworo vworo, ihwo gbidiki ri siaro na ke họhọ iphopho ri nene odju yanran. Erọẹbrẹ na, kpregede.

Aizaya 29:7

Egborho na ejobi ri nene Ariẹl họnra na, ihwo ejobi re họnrọ na re guọghọ ogba ọgangan rọye re ghwọrọ oma na, ke cha họhọ evwerhẹ vwẹ ọke rẹ ason.

Aizaya 30:28

ẹnwen rọye kẹrẹ utọ ro ko phoro ro rhi re ohwo te ohọre; ro che phorhi ẹgborho kpo ẹghwọrọ, kọ cha gba urhe mu unu re ihwo na re o sun ayen ghwru.

Aizaya 33:1

Ekan ke we, oghwọrọ na, kono ekpuyovwi wẹn je ẹghwọrọ; wẹ ohwo ogbarogba na, ohwo ve owe ji ru emu ogbarogha devo-o Ọke wọ da ghwọrọ ihwo nu, ekpuyovwi wẹn ka je ghwọrọ owe; ọke wo de ru ogbarogba ru wo se ru nure, ke ji nene uwe ru emu ogbarogba rhe.

Aizaya 33:18

Udu wẹn ko ghọghọ vwẹ oshọ na Tivọ ohwo rọ kere na ẹpha, tivọ ọ rọ vwanvwan igho na epha? Tivọ ọ rọ kere ọherhe na epha?

Aizaya 34:17

O vwi fiki rayen vwo mu itẹ, o vwe usi re obọ rọye vwo gharo ke ayen nure, ke ayen vwo bẹdẹ, ne edje ra rọ edje ayen ke cha dia Etiyin.

Aizaya 41:12

Ku wọ cha guọnọ ihwo re vwọ so wẹ na, ẹkẹvuọvo wọ cha mrẹ aye-en, ihwo ri nene uwe phi ofovwi na gbe cha dia emuọvo kaka-a.

Jerimaya 13:25

Ọnana kọye ẹkẹn wẹn ẹkẹn re me vwavwe kẹ wẹ, eriyin Ọrovwohwo tare, kidie me chọrọ owẹ ẹro, wọ da vwẹ ẹro so efian.

Jerimaya 2:3

Izrẹl ohwo ọfuanfon kẹ Ọrovwohwo, emamọ rẹsosuọ rẹ orhọ rọye. Otu re rerọ ejobi reabe; okpetu bru ayen rhe, Ọrovwohwo re tarọ.

Jerimaya 49:10

Ẹkẹvuọvo me ban Isọ phihọ krodjo, mi rhie odjahọ rọyẹ phihọ, o gbi se si oma rọye nu-u. A ghwọrọ emọ rọyẹ, vẹ iniọvo rọye rẹ eshare, vẹ irivẹ rọye; ọ gbe herọ ọfa-a.

Izikiẹl 39:10

Vwẹ ọtiọye na o gbi rhe fo rere ayen reyọ urhe nẹ evun rẹ udju rhe-e eyẹ vwo she evo nẹ evun rẹ egbo rhe-e, kidie ekuakua rayen e che vwo koko erhanre phihọ; ayen ke reyọ obo rẹ a reyọ miẹ ayen rhivwi, ayen mi rhe gborho otu ri gborho ayen, eriyin Ọrovwohwo Ọghẹnẹ tare.

Zekaraya 2:12

Ọrovwohwo na kọ vwẹ Juda reuku kerẹ ẹkẹn rọye vwẹ otọ ọfuanfon na, kọ rhoma jẹ Jerusalẹm reyọ.

Iguẹdjọ 5:31

Ọtiọye ivwighrẹn wẹn ejobi guọghọ kufia, E Ọrovwohwo! Ẹkẹvuọvo igbeyan wẹn ejobi dia kerẹ ọnre rọ vacha vwẹ evun rẹ ogangan rọye. Otọ na de vwo omaerovwo ikpe ujuvẹ.