Aizaya 17:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² E, agbranran rẹ otu buebu na, ayen van kerẹ ohọre rẹ obo abadi! E, ekuvwie rẹ irere na, ayen kuvwie kerẹ edo rẹ Abadi!

Aizaya 17:12 ပူးပေါင်းရင်းမြစ်များ

Une rẹ Ejiro 18:4

Ifi rẹ ughwu gba vwẹ kokoroko, ọkẹre rẹ ughwru re mu vwe;

Une rẹ Ejiro 29:3

Urhuru rẹ Ọrovwohwo ọ hẹ enu rẹ ame; Ọghẹnẹ rẹ urinrin na ra va, Ọrovwohwo vwe enu rẹ ame buebu.

Une rẹ Ejiro 83:2

Kidie gbe no, ivwighrẹ wẹn re guẹ; ayen otu ri tuoma wẹ kpare uyovwi rayen kpenu.

Aizaya 13:4

Kerhọn, edo mu vwẹ enu rẹ igbenu na kerẹ edo rẹ urogho! Kerhọn, edo rẹ uvie ọ rẹ ẹgborho ri bi koko! Ọrovwohwo rẹ otuofovwi ro biẹ otuofovwi koko ri kpo ofovwi.

Aizaya 28:17

Ki mi ru usi na dia ọsoso ọvwata ke rha he ovwanvwọn na, ogiribo ko che hwerhe odjahọ rẹ efian na kufia, ame ko che phoro urhurho na.

Aizaya 54:17

orọvwọ re duvwu vwọ so owẹ se yovwi-i, ku wo gbe ota phihọ unu kunu ro vrẹn vwọ so owẹ vwẹ ẹdjọ. Ọnana kọ dia ughwẹ re idibo rẹ Ọrovwohwo kugbe ase rẹ ayen cha re vwẹ obọ mẹ, eriyin Ọrovwohwo tare.

Aizaya 8:9

Je oma ghwọrọ ovwan ihwo na, re oma rhọ ovwan, kerhọn, ovwan ihwo rẹ irere oshesheri; chobiẹ re oma ghwọrọ ovwan; wa chobiẹ re oma ghwọrọ ovwan.

Aizaya 9:5

Kidie edo rẹ isabatọ rẹ ọgba ofovwi vwo chiyi otọ kugbe ewun ejobi ri gbunie ọbara ke torhẹ kerẹ irhe vwẹ erhanre.

Jerimaya 6:23

Ayen yọnrọn umurhabọ vẹ oshuẹ, ihwo umwemwu ri nẹ aruedọ-ọ, edo rayen họhọ ohọnre rẹ abadi ayen gua vwẹ enu re iyesi e nabo hwa phihọ kerẹ ihwo re hẹrhẹ ofovwi e hwa kpahe owẹ, E ọmọtẹ ri Zayọn!

Izikiẹl 43:2

Nighere, urinrin rẹ Ọghẹnẹ rẹ Izrẹl de lo nẹ obaro ọnre rhe, umri rẹ edo rẹ ẹcha rọye da họhọ edo rẹ ame buebu, akpọ na de rhi lo vẹ urinrin rọye.

Daniẹl 7:2

Daniẹl da ta, Me da mrẹ emramrẹ vwẹ evun rẹ ason na, nighe, odju ẹne rẹ odjuvwu na ki djuẹ abadi rode na.

Maika 4:11

Asakiephana ẹgborho buebu rhe ghwẹ koko vwọ so owẹ, tanẹ, E je gbe ẹgua, rere avwanre tọn ẹro vi Zayọn.

Ukeri 10:35

Kọke kọke rẹ ekpeti na de mu oyan, Mosis me tanẹ, Vrẹn, Ẹ Ọrovwohwo, rere wọ jẹn ivwighrẹ wẹn hrabọ; gbe jẹn ihwo ri tuoma wẹn va djẹ nẹ obaro wẹn.

Iyẹnrẹ Esiri ri Luk 21:25

Oka kọ cha dia evun rẹ ọnre kugbe emeranvwe kugbe isio, vwẹ enu rẹ akpọ na kẹ uvwerhe rẹ ẹgborho na vẹ ofuedje vwẹ ẹsiẹ rẹ ọsẹghẹ rẹ abadi da cha rọ da gbogha,

Ẹvwọphia 17:1

Amakashe ọvo vwẹ usun rẹ emakashe ighwrẹ na ri mu idjokpo ighwrẹ na da rhe ọ da ta kẹ vwẹ, Yanrhe, re me vwẹ orhiẹn re bruhwe igberadja ro tidia enu rẹ ame buebu na nẹ wẹ,

Ẹvwọphia 17:15

Ọ da ta kẹ vwẹ, Ame na re wọ mrẹre na, vwẹ asan rẹ igberadja na tidia na, ayen hẹ ihwo kugbe urogho kugbe ẹgborho kugbe ephẹrẹ.