Aizaya 17:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Kidie Ọghẹnẹ rẹ esivwo wẹn chọrọ owẹ ẹro, wo gbe karohọ Oragha rẹ odjahọ wẹ-ẹn; ọtiọye na owene wọ kọn ekankọn esiri, wo de mu ẹdjọ ọrhorha phihọ,

Aizaya 17:10 ပူးပေါင်းရင်းမြစ်များ

1 Ikun rẹ Ivie 16:35

Je ta rhe: Sivwi avwanre, E Ọghẹnẹ rẹ esivwo rẹ avwanre, ghwẹ avwanre koko wo sivwi avwanre nẹ ohri rẹ ẹgborho na rere ma vwẹ ẹkpẹvwẹ kẹ odẹ ọfuanfon wẹn, kugbe urinrin rẹ ejiro wẹn.

Une rẹ Ejiro 106:13

Ẹkẹvuọvo nananana iruo rọye da ghwa chọrọ ayen ẹro, aye gbe hẹrhẹ rọ nẹ ayen iroro-o.

Une rẹ Ejiro 106:21

Ọghẹnẹ da chọrọ ayen ẹro, Osivwi rayen na, ro ru okpemu rode vwẹ Ijipt na,

Une rẹ Ejiro 18:2

Ọrovwohwo na oragha mẹ, kugbe egbe mẹ, kugbe osivwi mẹ, Ọghẹnẹ mẹ, oragha mẹ, evun wẹn me da djahe, ekpọfia mẹ, kugbe ighoro re esivwo mẹ, asan ọgangan mẹ.

Une rẹ Ejiro 31:2

Rhie erhọn wẹn kẹ vwẹ, sivwi uvwe okpokpakpa! Dia oragha rẹ adjẹrhọ kẹ vwẹ, ogba ọgangan ro sivwi uvwe!

Une rẹ Ejiro 65:5

Vwẹ uruemu ro muoshọ ọye wọ vwọ vwẹ esivwo wẹn kpahe kẹ avwanre, E Ọghẹnẹ rẹ esivwo rẹ avwanre, wẹ iphiẹrohọ rẹ oba rẹ akpọ na ejobi, kugbe ayen re hẹ obo ẹtan rẹ abadi.

Une rẹ Ejiro 79:9

Cha avwanre uko, E Ọghẹnẹ re esivwo rẹ avwanre, fiki re urinrin rẹ odẹ wẹn, sivwi avwanre, vwẹ imwemwu rẹ avwanre ghovwo avwanre, fiki rẹ odẹ wẹn!

Une rẹ Ejiro 85:4

Vwẹ avwanre rhivwi rhe, E Ọghẹnẹ re esivwo rẹ avwanre, re wo se ivuemiovwo wẹn ne avwanre oma!

Une rẹ Ejiro 9:17

Oruimwemwu cha yanran kpo Erivwi kugbe ẹgborho ejobi rẹ Ọghẹnẹ chọrọ ẹro.

Aizaya 12:2

Nighere, Ọghẹnẹ esivwo mẹ; ọye me vwẹ ẹro so, oshọ gbi mu vwe-e; kidie Ọrovwohwo Ọghẹnẹ ọye ogangan mẹ kugbe une mẹ, ọ rha rhoma hirhe esivwo mẹ re.

Aizaya 17:9

Vwẹ ẹdẹ yena irere rayen rẹ egangan ejobi ka cha kua nẹ ayen kerẹ asan ra kua nu vwi Hiv eyẹ Amọr, re ayen kua nu fiki rẹ emọ rẹ Izrẹl, asan na kọ dia ofefe.

Aizaya 18:5

Tavwe rẹ orhọ ki ri te, rẹ ipho da kpare she nu, rẹ ipho na de hirhe phihọ otiẹ rọ vwanre, kọ vwẹ oda rẹ ivuevun nyavwe iri yoro cha, eghọn re tan rhe ka nyavwe ayen kufia.

Aizaya 25:4

Kidie wẹ hẹ odjahọ ọgangan kẹ ivwiogbere, odjahọ ọgangan kẹ otu rọ bẹn re hẹ ukpokpogho, odjahọ nẹ ogiribo ophie nẹ oheri, kidie ovan rẹ ohwo ogbarogba họhọ ogiribo rọ teyọ igbẹhẹ,

Aizaya 26:4

Vwẹ ẹro so Ọrovwohwo bẹdẹ, kidie Ọrovwohwo Ọghẹnẹ, ọye oragha ri bẹdẹ na.

Aizaya 30:29

Ku wọ cha so ine vwẹ ason ra da re orẹ ọfuanfon; kugbe aghọghọ re udu, kere ọke rẹ ohwo de gbe cha nene edo re owanre kpo enu rẹ ugbenu re Ọrovwohwo, vwo kpo obo Oragha rẹ Izrẹl.

Aizaya 33:2

E Ọrovwohwo re ehrọre rẹ avwanre, we avwanre hẹrhẹ. Dia ọchuko rẹ avwanre kirhiọke kirhiọke, esivwo rẹ avwanre vwẹ ọke re ukpokpo-ghu

Aizaya 44:8

Wọ djẹ oshọ-ọ, eyẹ wo bru udu-u, Me rha vuẹ wẹ jovwo nẹ awanre rhe-e? Ovwan ọye iseri mẹ! Ọghẹnẹ ọfa je herọ nọ vwẹ? O vwo Oragha ọfa-a, Me je riẹn ọfa-a.

Aizaya 51:13

rẹ Ọrovwohwo chọẹro, Ọ rọ Ma wẹ, rọ riẹn odjuvwu phihọ rọ tọn uchivwo rẹ akpọ na phihọ, rọ djẹ oshọ kẹdẹ kẹdẹ fiki rẹ ophu rẹ ohwo ro shenyẹ ihwo na, ro phi oma rọye phihọ oghwọrọ? Ki tivo ophu rẹ ohwo ro shenyẹ na epha?

Aizaya 61:10

Ke Me ghọghọ gangan vwẹ evun rẹ Ọrovwohwo, ẹnwẹn Mẹ kọ ghọghọ vwe evun rẹ Ọghẹnẹ Mẹ, kidie ọ reyọ iwun rẹ esivwo vwo rhuo vwe, o ku adagba re ọvwata rhurhu uvwe, kirobo re ọpha ghwẹ emwu gide oma rọye, kirobo rẹ ọpha ghwẹ evwarha eghaghare phihọ oma,

Aizaya 62:11

Nighere, Ọrovwohwo na ghwoghwo nure ke oba re akpọ na duvwu. Ta kẹ ọmọtẹ ri Zayọn, Nighere, esivwo wẹn na rhire; nighere, osa ẹhwa rọye rhere, ẹse ẹkpẹvwẹ rọye ji rhe.

Jerimaya 12:13

Ayen kọn eka ayen de vu inwe, ayen lagha oma ye ayen mrẹ erere ọvuọvo-o Oma re ọrho rayen cha vo ayen vwẹ obọ fiki rẹ ophu otuatua rẹ Ọrovwohwo.

Jerimaya 17:13

E Ọrovwohwo, iphiẹrohọ rẹ Izrẹl, otu re sen wẹ ejobi oma cha vo ayen, otu ri kurhẹriẹ ju we vwo ke si ayen phihọ akpo na, kidie ayen siẹn Ọrovwohwo na, ẹtẹrhe rẹ ame rẹ urhuarhọ.

Jerimaya 2:32

Kẹ ekuakua rẹ osẹvwe sa chorọ ọmọte ẹro, eyẹ emwa rẹ opha sa chọrọ ẹro? Dede na me chọrọ ihwo mẹ ẹro rhabae rhe.

Jerimaya 3:21

E nyo urhuru ọvo vwẹ enu rẹ ugbenu phrẹphrẹphrẹ oviẹ vẹ ẹdjeguo rẹ emọ rẹ Izrẹl, fikiridie ayen wene idjerhe rayen, Ọrovwohwo Ọghẹnẹ rayen chọrọ ayen ẹro.

Izikiẹl 22:12

A jẹ udi kẹ ihwo rere ayen vwo sun ọbara vwẹ evun wẹ, wo suẹn igho wo ghwe brẹ ba igho rere wọ vwọ mrẹ erere vwẹ oma rẹ ọrivẹ wẹn, wọ je ghwa karhiẹ obo rẹ ọrivẹ vwori mie, me da chọrọ owẹ ẹro, eriyin Ọrovwohwo Ọghẹnẹ tare.

Izikiẹl 23:35

Fiki rẹ otiọyẹ na e nẹ Ọrovwohwo Ọghẹnẹ tare: Fikiridie me chọrọ owẹ ẹro wo de mu vwe phihọ obuko wẹn, fiki rẹ ọtiọye na ku wọ reyọ osa rẹ ehan wẹn kugbe ọfanrhiẹn wẹn.

Hosia 4:6

A guọghọ ihwo mẹ fiki rẹ jẹriẹn fikiridie wọ sen erianriẹn, Me sen we nẹ wọ gbe dia orherẹn mẹ-ẹ. Ọtiobo rẹ urhi rẹ Ọghẹnẹ wẹn vwọ chọro owẹ ẹro na, emọ wẹn ke je chọro ovwẹ ẹro rhe.

Hosia 8:14

Kidie Izrẹl gbe karohọ Ọrọmarọ-ọ, ighẹn keye ayen bọn; Juda da bọn irere ra gba riariẹ pete pete; ẹkẹvuọvo mi che phi erhanre phihọ irere rọye, kọ torhẹ ogba ọgangan rọye.

Joẹl 1:17

Emamọ na siẹ reyọ vwẹ otọ rẹ ukorekpẹn, Erhu na hirhe phihọ ofefe; erheri rẹ eka na guọghọ re fikiridie eka mọre-e.

Livitikọs 26:16

ke enẹ mi che ru ovwan ke Me vwẹ oshọ ri kpregede mu ovwan, te emiavwe rẹ udu, vẹ ekpae ro rhuẹ ẹro ri ruẹ ohwo muẹ dọn. Ovwan da kọn ekankọn kọ kọn kufia, kidie ivwighrẹn rẹ ovwan ke cha re ayen,

Livitikọs 26:20

ovwan ke vwẹ ogangan rẹ ovwan wian owian kufia, kidie otọ rẹ ovwan gbi che yovwi emu-u, irhe re otọ na gbe rha mọ-ọ.

Emọs 5:11

Fiki rẹ obo we vwo chiyi ovwiogbere muotọ na ru wa da karhiẹ ọka rọye mie na, kọye wa vwọ bọn iwevwi rẹ eragha, ẹkẹvuọvo wa cha dia aye-en, wa kọn omamọ rẹ ogba ri vain, ẹkẹvuọvo wa cha da udi raye-en.

Habakọk 3:18

ye me je ghọghọ vwẹ oma rẹ Ọrovwohwo ghene, mi vwo aghọghọ vwẹ oma rẹ Ọghẹnẹ rẹ esivwo mẹ.

Zẹfanaya 1:13

E che gborho ekuakua rayen reyọ, ka kua iwevwi rẹ ayen fiotọ. Owene ayen bọn iwevwi dede, ayen cha sa dia aye-en; owenẹ ayen kọn ogba ri vain, ayen cha sa da udi ro hwẹ no rhe-e.

Urhi Rivẹ 28:30

Wọ cha sa aye phihọ otọ, ohwo ọfa Me reyọ mie we; wọ cha bọn uwevwi, ye wọ cha dia evun rọye-e; wọ cha kọn ogba ri vain, yẹ wọ cha ria emamọ rọye-e.

Urhi Rivẹ 32:15

Ẹkẹvuọvo oma ro Jeshurun, ọ da sare; oma rẹ ovwan da rho phihọ, oma da ghwọrọ ovwan; ọ da sen Ọghẹnẹ rọ maro, ọ da vwẹ Oragha rẹ esivwo rọye jehwẹ

Urhi Rivẹ 32:18

Wa davwe erhọn rẹ Oragha ro vwiẹ ovwan na-a, Ọghẹnẹ ro vwiẹ ovwan na da chọrọ ovwan ẹro.

Urhi Rivẹ 32:31

Kidie oragha rayen họhọ Oragha rẹ avwanre-e, owenẹ ivwighrẹ rẹ avwanre dia ibrorhiẹ dede.

Urhi Rivẹ 32:4

Oragha na, iruo rọye gbare; kidie idjerhe rọye ejobi ọsoso. Ọghẹnẹ rẹ uyota ro vwo umwemwu-u, ọvwata vẹ ohwo ọsoso o ruẹ.

Urhi Rivẹ 6:12

ọke yena wọ Me jomaotọ Ọrovwohwo da rha chọrọ owẹ ẹro, Ọ ro si we nẹ otọ rẹ Ijipt rhe na, nẹ uwevwi rẹ ọviẹn.

Urhi Rivẹ 8:11

Wọ Me jomaotọ Ọrovwohwo Ọghẹnẹ wẹn da rha chọrọ owẹ ẹro, wo de jẹn irhi rọye ẹyọnrọn, vẹ iji kugbe ẹgha ri mi ji kẹ wẹ nonẹ na.

Urhi Rivẹ 8:14

Etiyin udu wẹn kọ cha kpare kpenu, Ọrovwohwo Ọghẹnẹ wẹn na Me rhe chọrọ owẹ ẹro, ohwo ro si we nẹ otọ rẹ Ijipt rhe na, nẹ uwevwi rẹ ọviẹn;

Urhi Rivẹ 8:19

O de rhi te, ọ da dianẹ Ọrovwohwo Ọghẹnẹ wẹn chọrọ owẹ ẹro, ro wọ da yan nene ẹdjọ, wọ da ga ayen, ji shiguẹ kẹ ayen, Me vuẹ wẹ nonẹ nẹ wo ghinẹ ghwu.