Aizaya 16:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Eriyin na oviẹ ri Jazer kọ nẹrhẹ ovwẹ viẹ fiki ri vain ri Sibmah, Me vwẹ oviẹ mẹ kpọrhọ owẹ, E Hẹshbọn kugbe Elealeh; kidie vwẹ enu rẹ emamọ wẹn kugbe orhọ wẹn ọye unuebo rẹ ofovwi na she phihọ.

Aizaya 16:9 ပူးပေါင်းရင်းမြစ်များ

Aizaya 9:3

Wo ru irere na bu phihọ wo ru aghọghọ rọye rho phihọ, ayen ra ghọghọ vwẹ obaro wẹn kerẹ aghọghọ rẹ ọke ọrhọ, kerẹsiẹ rẹ ihwo a da ghọghọ rẹ ayen da ghare emu rẹ ofovwi.

Jerimaya 40:10

Vwọ kẹ vwẹ, Mizpa me cha dia, re mi mudia kẹ ovwan vwẹ obaro rẹ ihwo ri Kaldia na ri che bru avwanre rhe; ẹkẹvuọvo vwọ kẹ ovwan, we koko wain vẹ emamọ rẹ ọkeuvo kugbe evwri, wa sẹro rayen vwẹ evun rẹ ekuakua rẹ ovwan, re wa dia irere rẹ ovwan re wa reyọre nure na.

Jerimaya 40:12

etiyin ihwo ri Ju na ejobi de rhivwi nẹ asan ra djẹ ayen ra rhe otọ ri Juda, bru Gẹdalaya rhe vwẹ obi Mizpa; ayen de koko wain vẹ emamọ rẹ ọkeuvo buebu.

Izikiẹl 27:31

Ayen de gbe oma rayen akpan fiki wẹ, ayen de rhuo emwa rẹ uvweri, ayen da viẹ kẹ wẹ oviẹ rọ yara korokoro, vẹ oma emuophihọ rode.

Izikiẹl 32:18

Ọmọ rẹ ohwo, beroma kẹ urogho rẹ ihwo rẹ Ijipt, ru wọ vwẹ ayen yanran, te ọye vẹ emetẹ rẹ ẹgborho ride na, vwo kpo akpọ rivẹ, bru ayen re yanran kpo obo Ukpotọ na:

Iguẹdjọ 9:27

Ayen da yanran kpo aghwa, ayen da ra kọrọ grep vwẹ ogba ri vain rayen koko, ayen de chiyi ayen, ayen da re orẹ, ayen da yanran kpo uwevwi rẹ ẹdjọ rayen, ayen da re, ayen da da idi, ayen de duvwu iyori kẹ Abimẹlẹk.