Aizaya 15:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Aroẹmrẹ ra mrẹ kpahe Moab. Kidie a guọghọ Ar tototo vwe ason ọvuọvo na, Moab wo ghwru nure; kidie a guọghọ Kir te otọ vwẹ ason ọvuọvo na, Moab wo ghwru nure.

Aizaya 15:1 ပူးပေါင်းရင်းမြစ်များ

Ivie rẹ Ivẹ 3:25

Ayen da guọghọ irere rayen, ayen de phi ibieragha phihọ otọ esiri na bẹsiẹ e vwọ vọn; ayen de gbe ogbugbu rẹ ame ejobi, ayen de she ivi rẹ irhe ejobi phihọ otọ; bẹsiẹ rẹ ibieragha ri Kahareset ọvo ri chekọ; esedada da yariẹ phihọ, ayen da guọghọ.

Aizaya 11:14

Ẹkẹvuọvo kẹ ayen che pho mu igabọ ri Filistia ri obuko ọnre, kẹ ayen kuomagbe ra kua ihwo ri obaro ọnre. Ke ayen riẹn obọ vwọ so Idọm kugbe Moab ihwo rẹ Ammọn ki mu ọghọ kẹ ayen.

Aizaya 13:1

Aroẹmrẹ rẹ Aizaya rẹ ọmọ rẹ Amọz mrẹ kpahe Babilọn

Aizaya 14:28

Ukpe rẹ Ovie Ehaz ghwuru ọye a mraro nana:

Aizaya 16:11

Fiki rẹ eriyin na erhi mẹ ro brenu kerẹ owanre fiki ri Moab, eriyin udu mẹ je epha kẹ vwọ Kir-heres.

Aizaya 16:6

Avwanre nyo eheri ri Moab, obo ro herẹ te; eyan rọye, eheri rọye, vẹ arueyivwo rọye– eyan rọye ejobi ofefe.

Aizaya 16:7

Fiki rẹ ọtiọye na gbe jẹn Moab beroma, e ji kohwo kohwo beroma kẹ Moab. Muomahọ a ghwiẹ wẹn tototo, fiki rẹ ikara ri rasin ri Kirhaeseth.

Aizaya 25:10

Kidie Ọrovwohwo cha ghwobọ kpahe ugbenu nana, ke che chiyi Moab phihọ otọ vwẹ asan rọ epha, kirobo re chiyi ẹbe eyaya muotọ vwẹ erhurhu

Aizaya 25:12

Ogba rọ gba kpenu kokoroko na ejobi ka guọghọ igbẹhẹn rọye te otọ riẹriẹriẹ, guọghọ kporo phihọ otọ, ro hirhe phihọ iwurhie.

Jerimaya 9:26

Ijipt, Juda, Idọm, emọ rẹ Ammọn, Moab, kugbe otu re dia aton ejobi ri bru akakọ rẹ ẹto rayen, kidie ẹgborho nana yanvwere-e a je yanvwe uwevwi rẹ Izrẹl ejobi vwẹ udu-u.

Ukeri 21:28

Kidie erhanre la nẹ Hẹshbọn rhe, ogidi erhanre nẹ orere ri Sihọn rhe. Ọ da torhẹ Ar ri Moab, ri vwo igbenu ride rẹ Arnọn.

Urhi Rivẹ 2:18

Nonẹ na gba wan vrẹn ughwru ri Moab vwi Ar;

Urhi Rivẹ 2:19

wo si kẹrẹ obaro rẹ emọ re Ammọn, wo kpokpo aye-en wo nene ayen họnra-a; kidie Me sa vwẹ otọ rẹ emọ rẹ Ammọn kẹ wẹ dia-a, fikiridie Me vwẹ rọ kẹ emọ ri Lọt nẹ ayen dia.

Urhi Rivẹ 2:9

Ọrovwohwo da ta kẹ vwẹ nẹ, Ekpokpo Moabu-u, e ji nene ayen họnra-a; kidie Me sa vwẹ otọ rayen kẹ wẹ re wọ dia-a; fikiridie Me vwẹ Ai kẹ emọ ri Lọt nẹ ayen dia nure.