Aizaya 14:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Ọrovwohwo vwirhi ọkpọ rẹ oruimwemwu nure, ọkpọ rẹ isuesun rẹ ivie,

Aizaya 14:5 ပူးပေါင်းရင်းမြစ်များ

Une rẹ Ejiro 125:3

Kidie ọkpọ rẹ ohwo umwemwu che se rovwoma-a vwẹ otọ ra ghare te ọvwata, ọ rha dia ọtiọye-e ọvwata kọ cha vwẹ abọ rayen ru obọ re chọre.

Isẹ 28:15

Kirobo rẹ okpohrokpo ro denu eyẹ edjẹnẹkpo rọ djọma epha, eriyin ohwo umwemwu ro suẹn ivwioghere epha.

Aizaya 10:5

E, Asiria, ophiaphien rẹ ophu mẹ, ọkpọ rẹ omẹdja mẹ!

Aizaya 13:11

Ki mi hwe akpọ na fiki rẹ umiovwo rọye, oruimwemwu fiki rẹ orukuruku rọye; ki mi ru eheri rẹ ohwo ro phuoma vwo oba, ọkon rẹ ohwo ro shuẹ akpọ ko fue.

Aizaya 14:29

Wa ghọghọ-ọ E Filistia, ovwan ejobi, nẹ evwirhi ọkpọ ra vwọ ghwiẹ wẹ, kidie nẹ owọ rẹ ọrọdekọ rhe, Etiyin ọrobiebi che nurhe, emamọ rọye ke cha dia ọrọdekọ rọ rhan.

Aizaya 14:4

ke wa so une rẹ ehwẹjẹ nana kpahe ovie ri Babilọn. Mavọ ọ ro shenyẹ ihwo na vwọ fọ, ọharhe eka na vwo fotovwi!

Aizaya 14:6

rọ vwẹ ophu ghwiẹ ihwo she vwẹ ubiedje ro je fue na, rọ vwẹ ophu suẹn irere na vẹ omukpahe ro je fue.

Aizaya 9:3

Wo ru irere na bu phihọ wo ru aghọghọ rọye rho phihọ, ayen ra ghọghọ vwẹ obaro wẹn kerẹ aghọghọ rẹ ọke ọrhọ, kerẹsiẹ rẹ ihwo a da ghọghọ rẹ ayen da ghare emu rẹ ofovwi.

Aizaya 9:4

Kidie urhekpe re oghwa rọye, vẹ ugbọphogho rẹ igabọ rọye, ọkpọ rẹ oshenyẹ na, ku wo vwirhi ayen kerẹ ọke ri Midian.

Uvwerhe 1:21

Gbe nyo obo re me guan, o vwo ohwo ọvuọvo ro bru uvwe uche-e. Ivwighrẹ mẹ ejobi nyo ukpokpogho mẹ, ayen da ghọghọ nẹ wọwẹ ri ruro. Gba vwẹ ẹdẹ ru wo ghwoghwori na rhe rere e dia kere obo re me pha na.

Habakọk 1:17

Ọ gba vwi kẹdẹ kẹdẹ siẹ iyeri nẹ ariri rọye, o gbe di hwe ẹgborho na ekueku bẹdẹ?