Aizaya 14:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ ke wa so une rẹ ehwẹjẹ nana kpahe ovie ri Babilọn. Mavọ ọ ro shenyẹ ihwo na vwọ fọ, ọharhe eka na vwo fotovwi!

Aizaya 14:4 ပူးပေါင်းရင်းမြစ်များ

2 Ikun rẹ Ivie 36:18

Ekuakna rẹ uwevwi rẹ Ọghẹnẹ ejobi, te otete te ọrode, efe eghaghare rẹ uwevwi rẹ Ọrovwohwo na, kugbe efe rẹ uwevwi rẹ ovie kugbe isun na ejobi, enana ejobi eyẹ ọ kua kpo Babilọn.

Aizaya 13:1

Aroẹmrẹ rẹ Aizaya rẹ ọmọ rẹ Amọz mrẹ kpahe Babilọn

Aizaya 13:19

Babilọn, rẹ urinrin re uvie ejobi na, udindin vẹ eheri rẹ ihwo ri Kaldia, ko cha họhọ Sọdọm vi Gomorrah vwẹ ọke rẹ Ọghẹnẹ vwọ guọghọ ayen.

Aizaya 14:17

ro hirhe akpọ na vwọ aton rọ guọghọ irere rọye, rọ rhọvwe siobọ nẹ i re muru kpo-o?

Aizaya 14:5

Ọrovwohwo vwirhi ọkpọ rẹ oruimwemwu nure, ọkpọ rẹ isuesun rẹ ivie,

Aizaya 14:6

rọ vwẹ ophu ghwiẹ ihwo she vwẹ ubiedje ro je fue na, rọ vwẹ ophu suẹn irere na vẹ omukpahe ro je fue.

Aizaya 16:4

jẹn erẹ a djẹ kufia vwi Moab kua bru ovwan rhe dia asan odjahọ kẹ ayen nẹ obọ rẹ oghwọrọ na. Ọke rẹ oshenyẹ ihwo na gbe herọ-ọ, re oghwọrọ na da da obọ ji, rẹ ọ ro chiyi ihwo muotọ na da ravwiẹn nẹ otọ na.

Aizaya 21:2

A da mrẹ emramre ọtuatua kẹ vwẹ, ogborhugborho re gborho, ọguọghọ ra ghwọrọ. Yanran, E Elam kpo imu, E Media; unuẹfion rọ fẹrẹ ejobi me vwẹ ayen te oba.

Aizaya 47:5

Tidia fo gbiẹi, yanran kpo evun re ebri, E ọmọtẹ ri Kaldia, kidie e gbi che se we ọfa nẹ oni rẹ uvie

Aizaya 49:26

Mi ru otu ri shenyẹ wẹn vwọ re uvwo rẹ omobọ rayen, ọbara rẹ omobọ rayen ko che mu ayen kere udi. Etiyin ihwo ejobi ke riẹn nẹ Mẹvwẹ Ọrovwohwo Osivwi wẹn, Ọtan wẹn, Ọgba Ọvuọvo ri Jekọp.

Aizaya 51:13

rẹ Ọrovwohwo chọẹro, Ọ rọ Ma wẹ, rọ riẹn odjuvwu phihọ rọ tọn uchivwo rẹ akpọ na phihọ, rọ djẹ oshọ kẹdẹ kẹdẹ fiki rẹ ophu rẹ ohwo ro shenyẹ ihwo na, ro phi oma rọye phihọ oghwọrọ? Ki tivo ophu rẹ ohwo ro shenyẹ na epha?

Aizaya 51:23

Ki Mi phio phihọ obọ rẹ ihwo ri gbe oja kẹ wẹ, re ta kẹ wẹ nẹ, Rhuẹn kpotọ, rere Me shariẹ owẹ vrẹn, Yi wo ru ugbuko wẹn kerẹ otọ kere urhuvwu kẹ ayen otu re wan vrẹn

Aizaya 54:14

Vwe evun rẹ ọvwata owọ wẹn de muotọ, ku wọ tephe kẹ oshenyẹ, kidie wọ gbe djẹ oshọ-ọ; vwo nẹ abọ rẹ uguegue, kidie o gbi si kẹre owẹ-ẹ.

Aizaya 9:4

Kidie urhekpe re oghwa rọye, vẹ ugbọphogho rẹ igabọ rọye, ọkpọ rẹ oshenyẹ na, ku wo vwirhi ayen kerẹ ọke ri Midian.

Jerimaya 24:9

Mi che ru ayen vwọ dia ometuo rode kẹ ivie re akpọ na, ayen ke dia ehwẹjẹ, ayen ke dia ọhare, ra mienuhọ vẹ ekan vwẹ asan kasan me cha djẹ ayen ra ejobi.

Jerimaya 48:17

We muomahọ kẹ, ovwan re yariẹrẹ phihọ, Ovwan ejobi re riẹn odẹ rọye; tanẹ, Mavọ ọkpọ ọgangan na ru vwirhi, ọkpọ rẹ urinrin na.

Uvwerhe 4:1

Mavọ oro na rhoma rhi dje mavọ omamọ rẹ oro na rhe rhoma rhẹriẹ! Rẹ ibieragha efuanfon na rhe vwọ hra vwẹ unuada rẹ urhuvwu kurhuvwu.

Izikiẹl 5:15

Ku wọ cha dia ohwo rẹ ehwẹjẹ vẹ oharebro, okpaẹkpa vẹ ometuo vwọ kẹ ẹgborho re riariẹ owẹ phihọ na, vwẹ ọke me da vwẹ owẹ gu ẹdjọ vwẹ evun rẹ ophu mẹ vẹ ivuemiovwo mẹ, kugbe efafa rẹ ivuemiovwo mẹ–Mẹvwẹ, Ọrovwohwo na, re tarọ–

Daniẹl 2:38

je vwẹ obọ wẹn o phi emu na ejobi phihọ, kasan kasan rẹ ayen epha ejobi, emọ rẹ ihwo, eranvwe rẹ aghwa te ephran rẹ irharheghe, ọ da tanẹ wo sun ayen ejobi–wọwe ọye uyovwi rẹ oro na.

Habakọk 2:17

Emu ozighi re ru ki Lẹbanọn ko che shenyẹ wẹn; ẹghwọrọ rẹ eranvwe na kọ cha djẹ uguegue mu we, fiki rẹ ọbara rẹ ihwo kugbe ozighi re gbe vwẹ otọ na, ke irere kugbe ihwo re dia evun rẹ ayen.

Ẹvwọphia 17:6

Me da mrẹ aye na, rẹ ọbara rẹ ihwo efuanfon muẹ kerẹ udi kugbe ọbara rẹ ihwo re hweri fiki ri Jesu. Ọke re me vwọ mrẹ o de gbe vwe unu gangan.

Ẹvwọphia 18:16

Eghwo, eghwo, wẹ orere rode na rọ vwẹ esada iyoyovwi rhuo, vẹ orhurhu kugbe isene, rọ vwẹ oro rhuẹrẹ, vẹ ivie kugbe irhu!

Ẹvwọphia 18:20

Ghọghọ vwẹ enu rọye, E odjuvwu, E ihwo efuanfon kugbe iyinkọn kugbe emraro, kidie Ọghẹnẹ brorhiẹ hwe kẹ wẹ!