Aizaya 14:31 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³¹ Beroma, E anurhoro, viẹ, E orere, wran vẹ oshọ, E Filistia, ovwan ejobi! Kidie ivwirhi nẹ obọrhe ọnre cha, ọ ro churu ihwo siẹ hẹ usun rọye-e.

Aizaya 14:31 ပူးပေါင်းရင်းမြစ်များ

Aizaya 13:6

Beroma, kidie ẹdẹ rẹ Ọrovwohwo na kẹrire, kerẹ ẹghwọrọ ro nẹ obọ rẹ Ọrovwoẹgba rhe eriyin ọ cha rhe!

Aizaya 14:29

Wa ghọghọ-ọ E Filistia, ovwan ejobi, nẹ evwirhi ọkpọ ra vwọ ghwiẹ wẹ, kidie nẹ owọ rẹ ọrọdekọ rhe, Etiyin ọrobiebi che nurhe, emamọ rọye ke cha dia ọrọdekọ rọ rhan.

Aizaya 16:7

Fiki rẹ ọtiọye na gbe jẹn Moab beroma, e ji kohwo kohwo beroma kẹ Moab. Muomahọ a ghwiẹ wẹn tototo, fiki rẹ ikara ri rasin ri Kirhaeseth.

Aizaya 20:1

Vwẹ ukpe yena rẹ onotu rẹ ofovwi rode, ri Sargọn ovie rẹ Asiria jiri, da rhe Ashdọd rhe họnrọ, ọ da reyọ,

Aizaya 24:12

Orere na ejobi kua fiotọ re kakare, A teyọ inurhoro na ejobi guọghọ phihọ irhurhu.

Aizaya 26:1

Vwẹ ẹdẹ yena ka so une nana vwẹ otọ ri Juda. Avwanre vwo orere ọvo rọ ganre ọ vwẹ esivwo vwo vi kerẹ igbẹhẹ ra vwẹ ogben vi.

Aizaya 3:26

Inurhoro rọye ke cha viẹ ki muomahọ, a da ghwọrọ nure kọ broma phihọ otọ.

Aizaya 34:16

Guọnọ ru wọ se ne evun re ọbe re Ọrovwohwo rhe: Ovuọvo re enana se deghe ero-o; ọvuọvo ro je otu evwo gbe sa dia-a Kidie unu re Ọrovwohwo ji urhi nana nure, ye erhi rọye ghwe ayen koko nure.

Aizaya 45:2

Me ka obaro kẹ wẹ re Me riẹriẹ igbenu na, Mi vwirhi ẹchẹ rẹ ẹrovwo na ibribro, ki Mi vwirhi egbẹ re itehru na,

Jerimaya 1:14

Ọrovwohwo da rha ta kẹ vwẹ, obọhwẹre ọnre na okpetu che nẹ brẹ ihwo rẹ otọ na cha.

Jerimaya 47:2

Enẹ Ọrovwohwo na tare: Nighe, ame herọ kpara nẹ obọrhe ọnre cha, O cha djẹ ọkẹre reghereghe ayen che reghe otọ na vẹ obo re vọnrọn ejobi. Orere na kugbe otu re dia evun rọye. Ihwo che kperi phia, ohwo kohwo rọ hẹ otọ na ejobi che beroma.

Jerimaya 47:4

fiki rẹ ẹdẹ rọ cha guọghọ ihwo rẹ Filistia ejobi, rọ che bru kufia ni Taya vi Saidọn kọchuko kọchuko ro che chekọ. Kidie Ọrovwohwo herọ ghwọrọ ihwo ri Filistia, umuku ri chekọ vwẹ erhuru ri Kaftọ.