Aizaya 14:27 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁷ Kidie Ọrovwohwo rẹ otuofovwi na jẹn iroro nure, kono re sa pha? Obọ rọye riẹn phiare, kono se kpirho kpuko?

Aizaya 14:27 ပူးပေါင်းရင်းမြစ်များ

2 Ikun rẹ Ivie 20:6

Ọ da ta, E Ọrovwohwo, Ọghẹnẹ rẹ esẹ rẹ avwanre, ọ dia owẹ Ọghẹnẹ rọ hẹ obo odjuvwu-u? Ọ dia owẹ ri suẹn vwẹ enu rẹ ẹgborho na ejobi-i? Obọ wẹn ọye ogangan vẹ ẹgba epha, ọtiọye na ohwo gbe sa hẹrhẹ owẹ-ẹ.

ỌBE RẸ JOB 11:10

Ọ da dianẹ ọ wanvrẹn, o de mu ohwo phihọ uwodi, o de se ihwo kpo ẹdjọ, kono sa daji?

ỌBE RẸ JOB 23:13

Ẹkẹvuọvo ọ rhẹriẹ-ẹ ono ri se kuo rhẹriẹ? Obo ri jere ọye o ruẹ.

ỌBE RẸ JOB 40:8

Ku wọ ta kẹ vwẹ obo ri mi ru chọ? Ku wo brorhiẹ hwe vwe ru wọ vwọ re ase?

ỌBE RẸ JOB 42:2

Me riẹnre nẹ wo se ru emu ejobi, o vwo ohwo ro se miovwi obo ru wo ruẹ-ẹ.

ỌBE RẸ JOB 9:12

Nighe, o frẹ reyọ, kono re sa daji? Kono re cha ta kẹ nẹ, Die wo ruẹ?

Une rẹ Ejiro 33:11

Umẹ rẹ Ọrovwohwo na mudia bẹdẹ, iroro re udu rọye herọ nẹ edje ra ro edje.

Isẹ 19:21

Iroro buebu re dia udu rẹ ohwo, ẹkẹvuọvo ọ rẹ Ọrovwohwo guọnọre ri se muẹdia.

Isẹ 21:30

O vwo aghwanre-e, o vwo ẹruọ-ọ, o vwo iroro-o o se ru emuọvo kpahe Ọrovwohwo-o.

Aizaya 23:9

Ọrovwohwo rẹ otuofovwi na jẹn iroro na nure, rere o gbe urinrm ejobi ẹgua, rere o si ọghọ nẹ oma rẹ ihwo re mu ọghọ kẹ vwẹ akpọ na ejobi.

Aizaya 43:13

Mẹvwẹ Ọghẹnẹ, kẹ etinẹ yanran Mẹvwẹ Ọye, o vwọ ohwo ọvuọvo ro se sivwi nẹ obọ mẹ-ẹ, Mi ru iruọ kẹ ono re sa daji?

Aizaya 46:11

se ọmọphran rọ djoma nẹ obaro ọnre rhe, ọvwiroro mẹ nẹ orere rọ he ogboko rhe. Me ta nure, Mi ji se ruo gba, Me je iroro nure, ki Mi ruo.

Aizaya 8:10

Wa jẹ iroro kugbe, ẹkẹvuọvo o che vwo otọ-ọ ta ota ọvo ẹkẹvuọvo o che mudia-a, kidie Ọghẹnẹ vẹ avwanre herọ.

Aizaya 9:12

Otu ri Siria vwẹ obaro ọnre kugbe Filistia vwẹ obuko ọnre mi rhie unu vwo mu Izrẹl rọ. Kidie vwẹ enana ejobi na ophu rọye feuri-i yẹn obọ rọye je riẹn phia.

Jerimaya 4:28

Fiki rẹ ọnana akpọ na ki che muomahọ, obenu ko che bi, kidie me ta nure, me jẹn iroro nure, mi che dogho obọ-ọ mi ji kurhẹriẹ-ẹ.

Jerimaya 44:28

Ayen otu re vabọ rẹ ọlọkọ keye ri che rhivwi nẹ otọ rẹ Ijipt kpo otọ ri Juda, iche buẹ-ẹ, kugbe umuku ri chekọ vwi Juda ejobi, re rhe otọ rẹ Ijipt rhe dia na, cha riẹn ohwo rẹ ota rọye cha sẹ, sẹ ọmẹ eyẹ ọ rayen.

Jerimaya 49:20

Didi osuigegede se mudia vwẹ obaro mẹ? Fiki rẹ ọtiọye na gbe nyo iroro rẹ Ọrovwohwo je kpahe Idọm vẹ obo rọ vwẹ evun vwọ kpahe ihwo ri Teman: Imigegede itete na dede e ji che kpono ayen yanran; omuẹro nẹ ogba rayen vẹ urhiẹvwe rayen che gbe ayen unu.

Jerimaya 51:59

Ota ri Jerimaya ọmraro na ji urhi kẹ Siraya ọmọ ri Neraya ọmọ ri Masiya, ọke ro vwo nene Zẹdikaya ovie ri Juda kpo Babilọn, vwẹ ukpe rẹ ẹne rẹ ẹriọ rọye. Siraya da dia ohwo rọ vwẹ ẹro te emuọre.

Izikiẹl 26:14

Ki mi ru we phihọ oragha hrohrohro; ku wọ dia asan ra vwẹ iriri tan; a gbe cha bọn wẹ ọfa bẹdẹ-ẹ; kidie mẹvwẹ Ọrovwohwo tarọ nure, eriyin Ọrovwohwo Ọghẹnẹ tare.

Ọbe ri Pọl si rhe Ihwo ri Rom 8:28

Avwanre riẹnre nẹ emu kemu ejobi rẹ ohwo rọ guọnọ Ọghẹnẹ ruru ọ phiọn kẹ, ihwo re seri kirobo rẹ ẹguọnọ rọye epha.

Ọbe ri Pọl si rhe Ihwo ri Rom 8:31

Kidie a mre ta kpahe ọnana? Ọ da dianẹ Ọghẹnẹ vẹ avwanre obọ, kono se mukpahe avwanre?