Aizaya 14:25 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁵ ke me guọghọ ihwo rẹ Asiria re hẹ otọ mẹ, vwẹ enu rẹ ugbenu mi de chiyi ayen muotọ, urhekpe rọye kọ che bioma nẹ ayen, oghwa na ko phre she nẹ igabọ rayen.

Aizaya 14:25 ပူးပေါင်းရင်းမြစ်များ

2 Ikun rẹ Ivie 32:21

Ọrovwohwo de ji amakashe ọvo, ọ da nyavwe egba rẹ ofovwi na kugbe isun na vẹ inotu na re hẹ erhọn rẹ ovie rẹ Asiria hwe. Etiyin o de rhivwi vẹ omavovwẹ kpo otọ rẹ obọ rọye. Ọke ro rhi vwo te uwevwi rẹ ẹdjọ rọye re, emọ rọye ẹvo da dia etiyin nyavwọ hwe.

Aizaya 10:12

Ọke rẹ Ọrovwohwo de ru iruo rọye ejobi vwẹ Ugbenu ri Zayọn kugbe Jerusalẹm nu, ko che hwe Asiria vẹ eyan ofefe rọye kugbe eheri ọbrabra rọye.

Aizaya 14:5

Ọrovwohwo vwirhi ọkpọ rẹ oruimwemwu nure, ọkpọ rẹ isuesun rẹ ivie,

Aizaya 33:1

Ekan ke we, oghwọrọ na, kono ekpuyovwi wẹn je ẹghwọrọ; wẹ ohwo ogbarogba na, ohwo ve owe ji ru emu ogbarogha devo-o Ọke wọ da ghwọrọ ihwo nu, ekpuyovwi wẹn ka je ghwọrọ owe; ọke wo de ru ogbarogba ru wo se ru nure, ke ji nene uwe ru emu ogbarogba rhe.

Aizaya 52:2

Phorho iwurhie nẹ oma wẹn, vrẹn; E oghuvwu Jerusalẹm; rhan ọghrọrọ nẹ ohọre wẹn, E oghuvwu ọmọtẹ ri Zayọn.

Aizaya 9:4

Kidie urhekpe re oghwa rọye, vẹ ugbọphogho rẹ igabọ rọye, ọkpọ rẹ oshenyẹ na, ku wo vwirhi ayen kerẹ ọke ri Midian.

Izikiẹl 32:22

Asiria ọ hẹ etiyin, vẹ otu rọye, ushi rayen riariẹ ayen phihọ, ayen ejobi re hweri, rẹ ọlọkọ hweri,

Izikiẹl 39:4

Ku wọ che she vwẹ enu rẹ igbenu rẹ Izrẹl, wẹ vẹ usun wẹn ejobi kugbe ihwo re vẹ owẹ gba herọ; ke me vwẹ owẹ kẹ emephran kemephran re ria eranvwe kpokpọ, kugbe eranvwe re djoma rere ayen re.

Maika 5:5

Ọnana kọ dia ufuoma, vwẹ ọke rẹ Asiria da rhe otọ rẹ avwanre rhi chiyi otọ rẹ avwanre, avwanre ki se isun igodẹ ighwrẹ kẹ kugbe isun ẹrenre;

Maika 5:6

ọlọkọ kọye ayen che vwo sun otọ rẹ Asiria, otọ ri Nimrọd vẹ ọlọkọ re yoro phia; ayen ki che sivwi avwanre mie Asiria vwẹ ọke rọ da rhe otọ rẹ avwanre ro de rhi chiyi ughwru rẹ avwanre.

Nahum 1:13

Asakiephana ki mi vwirhi urhekpe rọye nẹ uwe oma ke me sanvwẹ ifi wẹn vwrẹn.

Zekaraya 10:11

Ayen cha wan urhie rẹ Ijipt vrẹn, ka teye ọgbogho rẹ urhie na, ru ikokodo rẹ Nile ejobi yamu. A vwẹ eheri rẹ Asiria totọ, ọkpọ rẹ uvie rẹ Ijipt gbe dia-a.