Aizaya 14:23 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²³ Ki mi che vwo ru asan re isorhuẹn dia, kugbe ẹtẹrhe rẹ ame, ke me vwẹ uhwerhe rẹ ughwu vwo hwerhe, eriyin Ọrovwohwo re otuofovwi tare.

Aizaya 14:23 ပူးပေါင်းရင်းမြစ်များ

1 Ivie 14:10

fiki rẹ ọtiọye na nighe, ke me cha so okpetu phihọ uwevwi ri Jeroboam, ke me nyavwe Jeroboam kọshare kọshare, te ọviẹn te ọmuvwiẹ nẹ Izrẹl na ke me ghwọrọ uwevwi ri Jeroboam kakare, kerẹsiẹ rẹ ohwo a da torhẹ isọn bẹsiẹ rọ vwọ ton re kakare.

Ivie rẹ Ivẹ 21:13

Ke me cha riẹn nene Jerusalẹm ovwanvwọn re me vwọ vwanvwe Sameria kugbe ubiurhe re me vwọ ma uwevwi rẹ Ehab; ki mi ririe Jerusalẹm kirobo re ririe ọsete, mi ririe me me bọvwọ ruotọ.

Aizaya 13:20

A gbe sa vwọ reuku bẹdẹ-ẹ eyẹ e gbi yere vwẹ uvwiẹ na bẹdẹ-ẹ, ohwo rẹ Arebia ọvuọvo gbe sa bọn utughẹ phihọ-ọ ọsuigodẹ ọvuọvo sa vwẹ igodẹ rọye sherhe otọ vwẹ ẹtiyi-i.

Aizaya 13:6

Beroma, kidie ẹdẹ rẹ Ọrovwohwo na kẹrire, kerẹ ẹghwọrọ ro nẹ obọ rẹ Ọrovwoẹgba rhe eriyin ọ cha rhe!

Aizaya 21:1

Aruemrẹ kpahe aghwa rọ obọ urhie. Kirobo rẹ ogoribo djuẹ vwẹ obi Nẹgẹb, ọ djuẹ nẹ obo aton cha, nẹ otọ ro mu oshọ rhe.

Jerimaya 50:26

Yanrhe vwọ suọ ni kabọ kabọ rhe; rhie erhu rẹ eka roye, ghwẹ koko kerẹ ẹko rẹ eka, ra ghwọrọ tototo; wo jẹn ẹmu ọvuọvo chekọ vwọ-ọ

Jerimaya 50:3

Kidie orere ọvo nẹ obọrhe ọnre rhe rhe vwọ suọ, ọ ro che ru otọ rọye ofefe, ohwo ọvuọvo rha dia-a, te ihwo te eranvwe cha djẹ no.

Jerimaya 51:62

tanẹ, E Ọrovwohwo, wẹ re ta kpahe etinẹ na nẹ wo che bro fia, rere emuọvo vwo je dia, ihwo eyẹ eranvwe, kọ dia ofefe bẹdẹ.

Zẹfanaya 2:14

Ekru rẹ eranvwe ki rhuẹn te otọ vwẹ uherevie rọyẹ, ẹranvwe rẹ aghwa na ejobi; Ye udele kugbe ọrigbẹn okukughu kọ che bo vwẹ evakpo na, okpemu ko che kpẹri vwẹ ibara; kidie ke che rhie omamọ rẹ igẹdu rọye na phihọ.

Ẹvwọphia 14:8

Amakashe ọfa, ọrivẹ, de nene, rọ tanẹ, Osheri, osheri, Babilọn rẹ orere rode na sheri, wẹ rọ vwẹ igberadja wẹn mu ẹgborho ejobi na.

Ẹvwọphia 18:2

O de kperi gangan tanẹ, Osheri, osheri, Babilọn rode na sheri Ọ rhi hirhe phihọ orere rẹ idẹbono, urhuẹn rẹ erhi kerhi ọbrabra, urhuẹn rẹ ọphran kọphran ro tuoma;