Aizaya 14:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ Wọ da ta vwẹ udu wẹn. Mi yeri kpo odjuvwu; vrẹn isio rẹ Ọghẹnẹ. Ke me bọn ekete mẹ phihọ obenu, Ki mi tidia vwẹ enu rẹ ugbenu rẹ ọghwẹgbe rọ he obenu shesheri,

Aizaya 14:13 ပူးပေါင်းရင်းမြစ်များ

ỌBE RẸ JOB 20:6

Owenẹ ugrogro rọye te odjuvwu dede, rẹ uyovwi rọye de te irharheghe dede,

Une rẹ Ejiro 48:2

Ugbenu ọfuanfon rọye, rọ kpare vẹ erhuvwu, ọye aghọghọ re akpọ na ejobi, Ugbenu ri Zayọn, rọ hẹ obenu shesheri, Orere rẹ Ovie rode na.

Aizaya 2:2

Ọke che te vwẹ ukuko rẹ ẹdẹ na, re ugbenu rẹ uwevwi rẹ Ọrovwohwo che vwo mudia gogorogo vwẹ usun rẹ igbenu na, ko che kpenu nọ igbenu na; irere na ejobi ki che rhurie ruọ,

Jerimaya 49:16

Oshọẹdjẹ ru wọ soro phiẹn wẹ re, kugbe eheri rẹ udu wẹn, wọwe rọ dia eghogho rẹ oragha, rọ yọnrọn enu rẹ ugbenu na Owenẹ wọ bọn ẹho wẹn kpenu kerẹ ugo dede, mi che si we nẹ etiyin rhiotọ, eriyin Ọrovwohwo tare.

Izikiẹl 27:3

re wọ ta kẹ Taya, rọ dia kerẹ unu rẹ abadi, ọneki rẹ ihwo buebu vwẹ obo erhuru na, nẹ e nẹ Ọrovwohwo Ọghẹnẹ tare: E Taya, wẹ re tare nẹ, Me gbare vwẹ erhuvwu.

Izikiẹl 28:2

Ọmọ rẹ ohwo, ta kẹ osun rẹ Taya, E nẹ Ọrovwohwo Ọghẹnẹ tare: Fikiridie udu wẹn herẹ, wọ da rha tanẹ, mẹvwẹ ọghẹnẹ, mi tidia agbara rẹ eghẹnẹ na, vwẹ uherevie rẹ abadi, yẹ ohwo wo ruẹ, wọ dia Ọghẹnẹ-ẹ, owene wo dje oma wẹn ghwanghwanre kerẹ oghẹnẹ–

Izikiẹl 28:9

Ku wo je tanẹ, mẹvwẹ Ọghẹnẹ, vwẹ irharo rẹ otu ri hwe we na, ye wewe ohwo ghevweghe, wọ dia ọghẹnẹ-ẹ, vwẹ obọ rẹ ihwo re wan we oma na?

Izikiẹl 29:3

ta ota, re wọ ta, E nẹ Ọrovwohwo Ọghẹnẹ tare: Nighere, Me vwọ so wẹ, Fẹro ovie rẹ Ijipt, okpodjerivwi ro figberi uherevie rẹ urhie rọye, rọ tanẹ, Nile mẹ na ọ robọ mẹ; mẹvwẹ re marọ.

Izikiẹl 31:10

Fiki rẹ ọtiọye na enẹ Ọrovwohwo Ọghẹnẹ tare: Fikiridie o tan kpenu nẹghẹ nẹghẹ rẹ obenu rọye de re duvwu irharheghe rẹ obenu na, udu rọye kọ vwẹ ugrogro rọye na yan eyan,

Izikiẹl 40:2

ọ da reyọ ovwẹ vwẹ emramrẹ rẹ Ọghẹnẹ vwọ rhe otọ rẹ Izrẹl, o de mu vwe te otọ vwẹ enu rẹ ugbenu ro kpenu gangan, rẹ emu ọvo epha kerẹ orere ro hirhe aro ku vwe.

Daniẹl 11:36

Ovie na kọ che ru obo ri jere, ko che brọrho o mi rhe mu oma rọye kpenu nọ edjọ kedjọ, kọ cha ta ota rẹ ọdẹ kpahe Ọghẹnẹ ro vwo eghẹnẹ ejobi na. O che yovwo bẹsiẹ rẹ ophu na vwọ gba; fikiridie obo ra jẹ iroro rọye kpahe otọ kẹ jovwo na cha phia.

Daniẹl 5:20

Ẹkẹvuọvo ọke rọ rhi vwo mu udu rọye kpenu rẹ erhi rọye rhe vwọ gan, ko herẹ e de sio nẹ ekete rẹ uvie rọye e de mie urinrin rọye;

Ọbe rẹ Ọmraro Ọbadaya Obadaya 1:3

Eheri rẹ udu wẹn ọ phiẹn wẹ, rọ dia asan ro kpenu, rọ ta vwẹ evun rẹ udu wẹn, Ono ri si vwẹ kpotọ?

Zẹfanaya 2:15

Ọnana orerẹ ro muẹ oma kpenu na rọ herọ vwẹ ofuvwegbe, rọ ta kẹ oma rọyẹ, Mi herọ ohwo ọfa gbe herọ chọ vwẹ ra-a. Gbe nighe kọmavọ a rha vwọ kua fiọtọ, urhuẹn rẹ eranvwẹ re djoma! Kohwo kohwo rọ wanvrẹn kọ fiọn unu kpogho obọ.

Matiu 11:23

We ri Kepanọm ro kpenu? ka cha guọghọ owẹ te otọ; kidie iruo ride re ruru vwẹ evun wẹ na, ke ru ayen vwi Taya vẹ Sidọn, yẹ ayen mudia rhi te ọke na.

Iyẹnrẹ Esiri ri Luk 10:15

Wẹ, ri Kepanọm, ro muẹ oma kpenu kpo odjuvwu? A cha vwẹ owẹ kpotọ kpo Erivwi.

2 Tẹsalonaika 2:4

ro muẹ oma kpenu ro muẹ kpahe koghẹre koghẹre rẹ ẹdjọ eyẹ obo ra gọ ejobi, ukuko rọye ọ da rhe vẹn phihọ agbara vwẹ evun rẹ uwevwi rẹ Ọghẹnẹ, ro ghwoghwo nẹ ekpuyovwi rọye hẹ Ọghẹnẹ.