Aizaya 14:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Mavọ wo vwo she nẹ odjuvwu rhe, Isio rẹ Uvo, ọmọ rẹ Irhiọke! Mavọ a nyavwe owẹ ghwiẹ otọ, wẹ rọ vwẹ irere na ejobi hwa otọ!

Aizaya 14:12 ပူးပေါင်းရင်းမြစ်များ

Aizaya 13:10

Kidie isio rẹ obo odjuvwu veẹ ọghwẹgbe rayen gbe cha vwẹ orẹmrẹ rayẹn phia-a; ọnre rọ vacha na ko che bi, emeranvwe na gbi che lo-o.

Aizaya 34:4

Usun re otu re obo odjuvwu ejobi che gbo kufia, obenu na ko che kpirhi kere eni. Otu rayen ejobi ki che she, kere obo re che kpara ne vain, kere che ri fig rọ kpara she ne urhe rọye

Jerimaya 50:23

Mavọ umomo rẹ akpọ na soso e vwo bro phihọ otọ guọghọ! Mavọ Babilọn rhi vwo hirhe phihọ emuoshọ vwẹ ohri rẹ ẹgborho na?

Jerimaya 51:53

Owenẹ Babilọn yeri kpenu te odjuvwu, owenẹ ọ gba ogba ọgangan kpenu yariẹ oma, dede ẹghwọrọ che nẹ obọ mẹ bro ra, eriyin Ọrovwohwo tare.

Uvwerhe 2:1

Mavọ Ọrovwohwo vwọ vwẹ ophu rọye phi ọmọtẹ ri Zayọn phihọ otọ re egho! Obo odjuvwu o de phi erhuvwu rẹ Izrẹl teye akpọ na, Ọ gbe karohọ asan rọ ghwẹ awọ rọye phihọ vwẹ ẹdẹ rẹ ophu rọye-e.

Izikiẹl 26:17

Ayen ki kuenu rẹ oviẹ kẹ wẹ, ke ta kẹ wẹ nẹ, Mavọ wọ ranvwiẹre nẹ evun rẹ abadi na, E orere ro kperi usi, ro vwo ẹgba gangan vwẹ enu rẹ abadi na, wẹ kugbe ihwo re dia evun wẹn, re vwẹ oshọ wẹn mu ayen ejobi re dia obo ophori!

Ọbe rẹ Ọmraro Ọbadaya Obadaya 1:4

Owenẹ wọ rhan kpenu kerẹ Ugo, owenẹ wọ bọn ẹho wẹn phihọ ohri rẹ isio, oboyi mi de che si we rhe otọ, eriyin Ọrovwohwo tare.

Iyẹnrẹ Esiri ri Luk 10:18

Ọ da ta kẹ ayen, Me mrẹ Idẹbono ro sheri kerẹ enu rọ nyavwaro nẹ obo odjuvwu cha.

2 Pita 1:19

Ota rẹ aroẹmrẹ na ko muẹro phihọ. Ovwan ke riẹn ru rẹ ovwan da kerhọn rẹ ọnana kerẹ urhukpẹ rọ la vwẹ evun rẹ ebri, bẹsiẹ rẹ ọke vwo rhiẹ rẹ isio rẹ urhiọke cha vwọ varhe vwẹ udu rẹ ovwan.

2 Pita 2:4

Kidie ọ da dianẹ Ọghẹnẹ vwo ghwovwo emakashe ri ru umwemwu-u, ẹkẹvuọvo ọ da kpare ayen phihọ erhanre e de mu ayen phihọ ukpotọ rẹ obo etan rẹ ebri hwi bẹsiẹ rẹ ẹdẹ ẹdjọ vwo te;

Ẹvwọphia 2:28

ke me vwẹ isio rẹ irhiọke kẹ.

Ẹvwọphia 22:16

Mẹvwẹ ri Jesu ri ji amakashe mẹ rhe we ro se iseri nana kẹ ishọshi na. Mẹvwẹ hẹ owọ kugbe upene ri Devid, isio rẹ irhiọke ro lo.

Ẹvwọphia 8:10

Amakashe rerha de hworo owanre rọye, isio rode ọvo de she nẹ odjuvwu rhe, o lo wrowro, o de she phihọ akarha rẹ irhie na kugbe igbugbu rẹ ame na.

Ẹvwọphia 9:1

Amakashe riyori de hworo owanre rọye, me da mrẹ isio ọvo ro she nẹ obo odjuvwu cha akpọ na, a da vwẹ usiaphrẹ rẹ orho rẹ igbephẹre vwọ kẹ;