Aizaya 13:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Nighere, ẹdẹ rẹ Ọrovwohwo cha, brabra vẹ ophu kugbe ivuemiovwo rode, rọ cha nẹrhẹ akpọ na ejobi kua rọ guọghọ iruimwemwu rọye no.

Aizaya 13:9 ပူးပေါင်းရင်းမြစ်များ

Une rẹ Ejiro 104:35

Jẹn a torhẹ iruimwemwu nẹ otọ na, e gbi jẹ ohwo umwemwu dia-a. Bruphihọ keẹ Ọrovwohwo, E erhi mẹ! Jiri Ọrovwohwo na!

Isẹ 2:22

ẹkẹvuọvo a cha nyavwẹ iruimwemwu kufia nẹ evun rẹ otọ na, e che ghwiẹ awọ rayen otu re phiẹn ihwo nẹ evun rẹ otọ na.

Aizaya 13:6

Beroma, kidie ẹdẹ rẹ Ọrovwohwo na kẹrire, kerẹ ẹghwọrọ ro nẹ obọ rẹ Ọrovwoẹgba rhe eriyin ọ cha rhe!

Aizaya 2:12

Kidie Ọrovwohwo rẹ ofovwi na vwẹ ẹdẹ kẹ ihwo ri herẹ kugbe iri phuoma, kẹ ihwo ri mu oma kpenu,

Aizaya 34:8

Kidie Ọrovwohwo bru ẹdẹ re ihri rọye nure, ukpe re ọsa ehwa fiki re ọbo re ru ke Zayọn.

Aizaya 63:4

Kidie ẹdẹ re irhi ẹriọ ọ hẹ udu mẹ, ikpe mẹ rẹ ẹtan hirhe o te nure,

Aizaya 66:17

Ihwo ri phorho oma ri ru oma rayen fon vwọ rọ evun rẹ ogba na, ri nẹnẹ ọvo vwẹ uherevie, re ria uvwo re esi kugbe ẹgua kugbe ighresi, ayen ejobi ki che vwo oba kugbe, eriyin Ọrovwohwo tare.

Aizaya 9:19

Fiki rẹ ophu rẹ Ọrovwohwo rẹ otuofovwi na otọ na vwọ torhẹ na ihwo na kerẹ irhe re vwo mu erhanre, o vwo ohwo ọvo rọ yan jẹ oniọvo rọye vwo-o.

Izikiẹl 13:5

Wọ je yan kpo asan ri kpori na-a, eyẹ wo je bọn igbẹhẹ kẹ uwevwi re Izrẹl na-a, rere o vwo se mudia vwẹ ofovwi vwẹ ẹdẹ rẹ Ọrovwohwo na.

Izikiẹl 30:3

Kidie ẹdẹ na kẹri re, ẹdẹ rẹ Ọrovwohwo na kẹri re, ẹdẹ ro che mu egho, ọke rẹ ughwu kẹ ẹghorho na.

Joẹl 1:15

Eghwo kẹ ẹdẹ na! Kidie ẹdẹ rẹ Ọrovwohwo na kerire, kerẹ ẹghwọrọ ro nẹ obọ rẹ Ọrovwoẹgba cha– eriyin ọ cha rhe.

Joẹl 2:1

Hworo owanre na vwi Zayọn, teye unuebo vwẹ ugbenu ọfuanfon mẹ Jẹn ihwo re dia otọ na ejobi mu phariẹ, kidie ẹdẹ rẹ Ọrovwohwo na, ọ kẹrire,

Joẹl 2:31

Ọnre na ko che hirhe phihọ ebri, emeranvwe ko che hirhe phihọ ọbara, tavwe rẹ ẹdẹ rode ro mu oshọ rẹ Ọrovwohwo na ki che te.

Nahum 1:2

Ọrovwohwo Ọghẹnẹ rọ rioma rọ reihri, Ọrovwohwo na reihri o ki ji mu ophu; Ọrovwohwo reihri vwẹ obọ rẹ ihwo ri mu kpahọ o ji mu ophu kpahe ivwighrẹ rọye.

Nahum 1:6

Ono ri se mudia hẹrhẹ ophu rọye? Ono se chirako rẹ ọrhorho rẹ ivuemiovwo rọye? Ọ kpare ophu rọye ku kerẹ erhanre, o de hwe eragha na ibribro.

Nahum 1:8

Ẹkẹvuọvo ọ cha vwẹ oghwe ro kuẹ vwo furhie otu ri mu kpahọ, kọ cha djẹ ivwighrẹ rọye ra ro evun rẹ ebri.

Zẹfanaya 1:15

Ẹdẹ yena ẹdẹ rẹ ophu, ẹdẹ rẹ ọdjorho vẹ ivuemiovwo, ẹdẹ rẹ ẹghwọrọ vẹ ekua fiotọ, ẹdẹ rẹ ebri vẹ okuku hwi, ẹdẹ rẹ egho vẹ ebri gbae.

Zekaraya 14:1

Gbe nighe, ẹdẹ rẹ Ọrovwohwo cha re, ra cha vwọ ghare emu ra ghwẹ mie ovwan vwẹ ohri rẹ ovwan.

Malakae 4:1

Gbe nighe, ẹdẹ cha, ọ tuabọ kerẹ enyerhanre, ọke yena ihwo ri herẹ vẹ i ri ruẹ umwemwu ejobi ke cha dia kerẹ ehẹbẹ; ẹdẹ ro cha na kọ cha torhẹ ayen ejobi, eriyin Ọrovwohwo rẹ otuofovwi na tare, ọtiọye na o gbi che jẹ o vwo owọ eyẹrẹ eghọ-ọn.

Ẹvwọphia 18:8

ọtiọye etiekọ rọye cha rhe ẹdẹvo, emiavwe kugbe omaemuohọ kugbe owẹvwe, ka vwẹ erhanre torhẹ; kidie Ọrovwohwo Ọghẹnẹ ro bruhwe na ọgba o ruẹ.